JA̰A̰ 8:24 - Bibəl ta Sar̄

²⁴ I tām̄ najə̄ ń noō tə́ n m-ə́dásí na ā óyiī kum majaĺ yāsí gə̄ tə́ ní. Ré ī-taāī kem kadə̄ Mā i Mā ń m̄-ndi noó ní aĺ anī, ā óyiī kum majaĺ yāsí gə̄ tə́.

Bible sar

²⁴ I tām̄ najə̄ ń noō tə́ n m-ə́dásí na ā óyiī kum majaĺ yāsí gə̄ tə́ ní. Ré ī-taāī kem kadə̄ Mā i Mā ń m̄-ndi noó ní aĺ anī, ā óyiī kum majaĺ yāsí gə̄ tə́.

JA̰A̰ 8:24 Referans Kwoze

JA̰A̰ 3:36

Deē ń taā kem Ngōnən ní, kɔ́ɔ̄ a ndi kə kumneé ngándáńg. Deē ń mbātə́ taā kem Ngōn̄ Nə́ɓā ní, ni a ndi kə kumneé alé, ba wōn̄g yā Nə́ɓā a na̰y dɔn tə́.

JA̰A̰ 3:18

Deē ń taā kemən anī, gāngə̄n̄ sarya dɔn tə́ alé, ba deē ń taā kemən aĺ anī, gāngə̄n̄ sarya dɔn tə́ kɔ̄ɔ́, tɔdɔ̄ ni-taā kem Ngōn̄ Nə́ɓā kə́ kal kógə̄ḿ beē alé.

MARK 16:16

Deē ń a taā kem ō, a rāānən̄ batém ō ní, a ajə. Deē ń a taā kem aĺ ní, a gāngə̄n̄ sarya dɔn tə́.

HEBƏRO 12:25

I beé ní, ī-ndāī kumsí gíŕ yá̰á̰ ń toō tə́ majə. Ī-lōōī mbātə́ koō najə̄ yā nge ń a ɔr̄ najə̄ sesí ní. Tɔdɔ̄ Moijə tāā ngán Israel gə̄ dɔ nang tə́ laā, ba nin̄-mbātə́n̄ koō najə̄ yān ní, ndéy ɔdədə́. Yājí jḭḭ̄ ɓáa, Nə́ɓā ndi i dɔ rā̰ tə́ n ɔrə̄ń najə̄ sejí ní. Ré jə-tūrī gidəjí tan tə́ anī, j-a j-əngeī ndéy kadə̄ tɔȳ loo ń noō aĺ a?

Gōsə̄ najə̄ gə̄ 8:36

Deē ń rāā majaĺ seḿ māá ní rāā majaĺ i kə rɔ̄n nəkɔ́ ō, deē ń imə̄m̄ ní i de kə́ gḛy koy ō.

JA̰A̰ 13:19

M-ə́dásí ngɔr ń toō tə́ pá tá kadə̄ yá̰á̰ ní ugə̄ ɓáý, yā kadə̄ loo ń ugə̄ anī, ī-taāī kem kadə̄ Mā i Mā ń m̄-ndi noó ní.

JA̰A̰ 4:26

Jeju ədan na: I mā nəkɔ́ ń m-ā m-ɔ̄r̄ najə̄ seí toō.

HEBƏRO 2:3

jḭḭ̄ ní, ré usəjí dɔ kajə kə́ bo ngá̰ý ń toō tə́ aĺ anī, j-a j-asiī teē karī ta ndéý tə́ i ba̰ý? Kajə ngeé ń toō, Kɔ́ɔ̄ɓē əla gír kɔr̄ najə̄ kə́ dɔ tə́ ō, ngé gə̄ ń oōn̄ ní ədan̄ kadə̄ i najə̄ kə́ rɔ̄kum ō.

JA̰A̰ 8:21

Jeju ɔr̄ najə̄ sedə́ ɓáý to̰, ədadə́ na: M-ā m-āw̄, ba ā ī-sāāmī, banī ā óyiī kum majaĺ yāsí tə́. Loo ń m-ā m-āw̄ kə̄ tū tə́ ní, sḭḭ̄ ásiī kugə̄ tū tə́ alé.

KƏLA RĀĀ 4:12

Loo kə́ rang kə́ kadə̄ deē ənge kajə tū tə́ gətóo, deē a ajə i kə ta kūlən ni ngóy. Tɔdɔ̄ rī kə́ rang kə́ adə̄n̄ de gə̄ dɔ nang tə́ laā kadə̄ j-ajiī kə ta kūlənneé ní gətóo.

MARK 13:6

Tɔdɔ̄ de gə̄ ngá̰ý a unən̄ rīḿ yā reēń ba kəda na i mā, adə̄ a gólə̄n̄ de gə̄ ngá̰ý.

Najə̄ kə́ Majə yā Jeju ń Luk ndang ní 21:8

Ni ədadə́ na: Ādə̄ kumsí ngan̄g, ba ə̄ndāī kum kedə̄ dɔ rɔ̄sí tə́, na ngá̰ý gə̄ a unən̄ rīḿ yā reēń, ba a ədan̄ na i mā ō, na ndɔ̄ na i ngɔr ō, ī-lōōī kun gōdə́.

Teē Ngán Israel gə̄ 3:14

Nə́ɓā əda Moijə na: Mā i mā ń m̄-ndi noó ní. Najə̄ ń kadə̄ ə́dá ngán Israel gə̄ ní n toó: m̄-ndi noó əlam̄ rɔ̄sí tə́.

MATIYE 24:5

Tɔdɔ̄ de gə̄ ngá̰ý a unən̄ rīḿ yā reēń ba a ədan̄ na nin̄ na i Kərist gə̄, adə̄ nin̄ a gólə̄n̄ de gə̄ ngá̰ý.

JA̰A̰ 8:25

Anī nin̄-dəjenən̄ na ké ni i náā wa. Jeju tél ədadə́ na: Mā i nge ń m-ə́dásí najə̄ yān ta kəla gíŕ tə́ ní.

JA̰A̰ 8:28

Anī Jeju ədadə́ na: Loo ń ā ə́laī Ngōn̄ Deē dɔɔ́ anī, ā ī-gerī kadə̄ Mā i Mā ń m̄-ndi noó ní ō, kadə̄ m̄-rāā yá̰á̰ kógə̄ḿ kə deē dɔḿ alé, banī m-ɔ̄r̄ najə̄ i kə gō nəkɔ́ ń Bɔbə́ḿ ndóōm̄neé ní ō.

JA̰A̰ 8:58

Jeju tél ədadə́ na: Ādə̄ m-ə́dásí najə̄ kə́ bo ngá̰ý, kété tá kadə̄ ojən̄ Abəraham ní, Mā i Mā ń m̄-ndi noó ní kɔ̄ɔ́.