JA̰A̰ 8:20 - Bibəl ta Sar̄

²⁰ Jeju ɔr̄ najə̄ ń toō i dan ń ni a ndóōń de gə̄ yá̰a̰ kem kújə yā Kɔ́ɔ̄ɓē tə́, loo ń a ɓōkə́n̄ nar kə́ ndējə̄ Nə́ɓā tū tə́ ní. Ba deē kógə̄ḿ kə́ əhɔn gətóo, tām̄ kum mbang yān asə aĺ ɓáý.

Bible sar

²⁰ Jeju ɔr̄ najə̄ ń toō i dan ń ni a ndóōń de gə̄ yá̰a̰ kem *kújə yā Kɔ́ɔ̄ɓē tə́, loo ń a ɓōkə́n̄ nar kə́ ndējə̄ Nə́ɓā tū tə́ ní. Ba deē kógə̄ḿ kə́ əhɔn gətóo, tām̄ kum mbang yān asə aĺ ɓáý.

JA̰A̰ 8:20 Referans Kwoze

JA̰A̰ 7:30

Lon ń noō tə́ nin̄-sāān̄ kəhɔn, ba deē kógə̄ḿ kə́ əla jīn yā kəhɔnəń gətóo, tɔdɔ̄ kum mbang yān asə aĺ ɓáý.

JA̰A̰ 7:8

Sḭḭ̄ āwī nāā ní tə́, ba mā m-āw̄ nāā ní tə́ alé, tɔdɔ̄ m̄-tɔ̄l̄ ta ndɔ̄ yāḿ gə̄ aĺ ɓáý.

MARK 12:41

Jeju ndi kumən sɔɔ̄ loo ń a ɓōkə́n̄ nar tū tə́ kem kújə yā Kɔ́ɔ̄ɓē tə́ ní, yā ka̰a̰ loo ɓōkə́ ń kósə de gə̄ a ɓōkə́n̄ nar tū tə́ ní. Ngé yá̰a̰ kal̄ loo gə̄ ɓōkə́n̄ ngá̰ý tū tə́.

JA̰A̰ 7:44

De kə́rēý gə̄ dɔ dáńdə́ tə́ gḛyn̄ kəhɔn, banī de kə́ əla jīn əhɔnəń gətóo.

MARK 12:43

Tā anī Jeju ɓāŕ ngé ndóō yá̰a̰ yān gə̄, ədadə́ na: Ādə̄ m-ə́dásí najə̄ kə́ bo ngá̰ý, dəyá̰ kə́ ngaa koy kə́ nge ndoō ń toō ɓōkə́ nar kem loo ń a ɓōkə́n̄ tū tə́ ní tɔȳ gotə gə̄ malang.

MATIYE 27:6

Ngol gə̄ kə́ dɔ ngé tun̄ yá̰a̰ gə̄ tə́ ɔyn̄ nar ní ba ədan̄ na: Ndū najə̄ yājí ɔgə̄ ɓōkə́ nar kə́ beē loo ngɔ̄m̄ nar kə́ kem kújə yā Kɔ́ɔ̄ɓē tə́, tɔdɔ̄ i nar mósə.

JA̰A̰ 10:39

Loo ń noō tə́ nin̄-sāān̄ kəhɔn ɓáý to̰, ba ni teē jīdə́ tə́.

JA̰A̰ 8:59

Loo ń noō tə́ nin̄-ɔyn̄ kūbə̄rū mbal̄ gə̄ yā tə́nīnneé. Banī Jeju ɓɔ̄ɔ̄ rɔ̄n ba teē kɔ̄ɔ́ kem kújə yā Kɔ́ɔ̄ɓē tə́.

Najə̄ kə́ Majə yā Jeju ń Luk ndang ní 20:19

Ngé ndóō de gə̄ ndū najə̄ gə̄ kə ngol gə̄ kə́ dɔ ngé tun̄ yá̰a̰ gə̄ tə́ a sāān̄ kəhɔ Jeju kə̄ ta jī tə́ beē, ba nin̄-ɓōlə́n̄ ngán Israel gə̄. Tɔdɔ̄ nin̄-gerə̄n̄ majə kadə̄ kūjə́ najə̄ ń Jeju əda ní sɔɔ̄ i dɔdə́ nin̄.

1 YÁ̰A̰ GƏ̄ 9:26

Banī ngār kə́ sɔ́ gə̄ yā ngé ngɔ̄m̄ ta róbə gə̄ tá nin̄ a ndin̄ noó kə́ njɔ́ḿ gə̄ tə́. Nin̄ i ngán Lebi gə̄ kə́ adə̄n̄də́ kəla ngɔ̄m̄ kem kújə gə̄ ō, ngɔ̄m̄ loo ɓōkə́ yá̰a̰ kənge gə̄ kə́ kem kújə yā Nə́ɓā tə́ ō.

MATIYE 26:55

Gō tə́ anī Jeju əda kósə de gə̄ na: Ī-reēī kəhɔḿ tə́ kə kaskar gə̄, kə sálang kāgə̄ gə̄ tītə̄ loo reē kəhɔ nge kum̄ róbə́ tə́ beē a! Kə dɔ ndɔ̄ gə̄ m̄-ndi kem kújə yā Nə́ɓā tə́ m̄-ndóoń de gə̄ yá̰a̰, ba sḭḭ̄ ə́hɔmī alé.

Najə̄ kə́ Majə yā Jeju ń Luk ndang ní 21:1

Jeju ɔr̄ dɔn dɔɔ́ anī, a̰a̰ ngé kənge yá̰á̰ ngá̰ý gə̄ kə́ a ɓōkə́n̄ yá̰a̰ ndējə̄ yādə́ gə̄ loo ń a ɓōkə́n̄ nar tū tə́ kem kújə yā Kɔ́ɔ̄ɓē tə́ ní.

JA̰A̰ 2:4

Anī Jeju tél ədan na: Dəyá̰ ī-gḛy i rí? Mbang yāḿ asə aĺ ɓáý.

JA̰A̰ 7:14

Dan bo nāā yā kújə́ kámbə gə̄ tə́ anī, Jeju aw̄ kem kújə yā Kɔ́ɔ̄ɓē tə́, ba ndóō de gə̄ yá̰a̰.

JA̰A̰ 8:2

Banī dəloí ɓatə anī, tél aw̄ kem kújə yā Kɔ́ɔ̄ɓē tə́. Kósə de gə̄ malang reēn̄ rɔ̄n tə́, anī ni-ndi nang tə́ ba a ndóōdə́ yá̰a̰.