JA̰A̰ 8:11 - Bibəl ta Sar̄

¹¹ Dəyá̰ ní tél ədan na: Kɔ́ɔ̄ɓē, deē gətóo. Anī Jeju ədan na: Mā m̄-gān̄g sarya dɔí tə́ aĺ ō, āw̄, ba ī-rāā yá̰á̰ kə́ majaĺ to̰ alé.

Bible sar

¹¹ Dəyá̰ ní tél ədan na: Kɔ́ɔ̄ɓē, deē gətóo. Anī Jeju ədan na: Mā m̄-gān̄g sarya dɔí tə́ aĺ ō, āw̄, ba ī-rāā yá̰á̰ kə́ majaĺ to̰ alé.

JA̰A̰ 8:11 Referans Kwoze

JA̰A̰ 3:17

Tɔdɔ̄ Nə́ɓā əla kə Ngōn̄neé dɔ nang tə́ i yā gān̄g sarya dɔ de kə́ dɔ nang tə́ gə̄ tə́ alé, banī i yā kadə̄ de kə́ dɔ nang tə́ gə̄ ajən̄ kə ta kūl̄neé.

JA̰A̰ 5:14

Gō tə́ anī Jeju tél əngen kem kújə yā Kɔ́ɔ̄ɓē tə́, ba ədan na: Rɔ̄í ngáā kɔ̄ɔ́ tā, ba ī-lōō rāā yá̰á̰ kə́ majaĺ to̰, na sōgə́ yá̰á̰ kə́ tōr̄ ngá̰ý tɔȳ nge ń noō rāāī ɓáý to̰.

JA̰A̰ 8:15

Sḭḭ̄ ī-gāngī sarya i kə gō gír̄ yā de gēé, ba mā m̄-gān̄g sarya dɔ deē kógə̄ḿ tə́ alé.

Najə̄ kə́ Majə yā Jeju ń Luk ndang ní 15:7

Ādə̄ m-ə́dásí na rɔ̄nel̄ a to dɔ rā̰ tə́ ngá̰ý tītə̄ ń noō ō tām̄ yā nge rāā majaĺ kə́ kógə̄ḿ beē kə́ tūr̄ hálən tə́ tɔȳ yā de kə́ súmūú kə́ kutə ndōhó gidə i ndōhó gə̄ kə́ ɓō tūr̄ háĺdə́ rāādə́ aĺ tə́.

Najə̄ kə́ Majə yā Jeju ń Luk ndang ní 5:32

m̄-reē i ɓāŕ de kə́ súmūú gə̄ tə́ alé, ba i ɓāŕ ngé rāā majaĺ gə̄ tə́ kadə̄ tūrə̄n̄ háĺdə́.

Gōsə̄ najə̄ gə̄ 28:13

De kə́ nge ɓɔ̄ɔ̄ dɔ yá̰a̰ rāān kə́ gōtə́ aĺ gə̄ i de kə́ a teē deē alé, banī deē ń ɔjə yá̰a̰ rāān kə́ gōtə́ aĺ gə̄ kə́ ndágá wáńg ō, lōō gír rāā tə́ ō ní, a a̰a̰n̄ kum tō ndoō yān.

Makətūbə̄ yā Job 34:31

Ba ré deē kógə̄ḿ əda Nə́ɓā na n-taā ndéy tām̄ yā yá̰á̰ kə́ majaĺ kə́ n-rāā tə́ kɔ̄ɔ́ ɓá ní, n-a n-rāā yá̰á̰ kə́ majaĺ to̰ alé.

Makətūbə̄ ń Pol ndang adə̄ Rom gə̄ ní 2:4

Aké ī-kídə̄ i Nə́ɓā ń a rāā kem majə ngá̰ý ō, a tə́gā tan dɔ yá̰a̰ gə̄ tə́ ō, a əre wurən njam dɔ tə́ ō ní ḿ? Ī-ger̄ kadə̄ kem majə ń Nə́ɓā a rāā ní i kadə̄ ī-tūrəń hálí aĺ a?

Najə̄ kə́ Majə yā Jeju ń Luk ndang ní 13:3

A̰ á̰, i beé alé, ba ré sḭḭ̄ ī-tūrī háĺsí aĺ anī, ā údiī malang tītə̄ ń noō ō.

Najə̄ kə́ Majə yā Jeju ń Luk ndang ní 15:10

Ādə̄ m-ə́dásí, de kə́ dɔ rā̰ tə́ gə̄ yā Nə́ɓā a rāān̄ rɔ̄nel̄ kə́ ngá̰ý tītə̄ ń noō ō, tām̄ yā nge rāā majaĺ kə́ kal kógə̄ḿ beē kə́ tūr̄ hálən tə́.

JA̰A̰ 18:36

Jeju tél ədan na: Ko̰o̰ ɓē yāḿ i dɔ nang ń toō tə́ alé. Ré ko̰o̰ ɓē yāḿ i dɔ nang ń toō tə́ anī, deē yāḿ gə̄ a rɔ̄ɔ̄n̄ dɔḿ tə́, yā kadə̄ əlamə̄n̄ jī Jipə gə̄ tə́ alé. Ba ngɔlaā ń toō ko̰o̰ ɓē yāḿ i dɔ nang tə́ laā alé.

Najə̄ kə́ Majə yā Jeju ń Luk ndang ní 15:32

Ba majə ngá̰ý kadə̄ jə-rāāī yá̰á̰ kə́ to rɔ̄nel̄ gə̄, jə-rāāīneé rɔ̄nel̄, tɔdɔ̄ ngōkó̰ó̰í ń toō ní oy i mbée, ba tél ajə gogə́, ni-tan tḭ̄ḭ̄, ba ngɔlaā j-əngeniī kɔ̄ɔ́ tā.

Najə̄ kə́ Majə yā Jeju ń Luk ndang ní 13:5

A̰ á̰, i beé alé, ba ré sḭḭ̄ ī-tūrī háĺsí aĺ anī, ā údiī kɔ̄ɔ́ malang tītə̄ ń noō ō.

IJAI 55:6

Ī-sāāī Kɔ́ɔ̄ɓē dan ń ni a əya̰ń rɔ̄n adə̄ de gə̄ əngenən̄ tə́ ní. Ī-ɓāríīin̄ dan ń ni i ngɔr rɔ̄sí tə́ ní.

NDŪ NAJƏ̄ 17:9

adə̄ i rɔ̄ ngán Lebi gə̄ kə́ ngé tun̄ yá̰a̰ gə̄ tə́ ō, rɔ̄ nge gān̄g sarya kə́ kem ndɔ̄ gə̄ ń noō tə́ ō, yā kadə̄ ōō yādə́. Nin̄ a ədanī yá̰á̰ kə́ dɔ tə́.

NDŪ NAJƏ̄ 16:18

Ɓē gə̄ malang ń Kɔ́ɔ̄ɓē Nə́ɓā yāí a adī ní, ā ī-tə́ndā ngār sarya gə̄ ō, ngé ndóō de gə̄ ndū najə̄ gə̄ ō, kemeé kadə̄ gāngə̄n̄ sarya yā de gə̄ kə́ gír ɓē yāí gə̄ tə́ kə gōó.

2 PIYER 3:15

Majə kadə̄ ī-rāāī tə́gā ta kə́ dan i ngá̰ý yā Kɔ́ɔ̄ɓē yājí i ta róbə́ kə́ kadə̄ ájiīneé tə́! Ngōkó̰ó̰jí kə́ kó tár yājí ń i Pol ní, ndang adə̄sí kə gō kum kedə̄ ń Nə́ɓā adə̄n ní i tītə̄ ń noō ō.

1 KORḚNTƏ 5:12

Tɔdɔ̄ gān̄g sarya dɔ de kə́ ndágá gə̄ tə́ i najə̄ yāḿ mā alé. Ngé gə̄ ń kadə̄ ī-gāngī sarya dɔdə́ tə́ ní, i ngé kə́ kemeé gə̄ aĺ a?

Najə̄ kə́ Majə yā Jeju ń Luk ndang ní 9:56

Gō tə́ anī nin̄-ɔtə aw̄n̄ kə̄ ɓē kə́ rang tə́.