JA̰A̰ 7:7 - Bibəl ta Sar̄

⁷ Banī nin̄-imə̄mə̄n̄ mā i tɔdɔ̄ kəda ń m-ə́da kə̄ ndágá wáńg na kəla rāādə́ gə̄ i kə́ majaĺ ní.

Bible sar

⁷ Banī nin̄-imə̄mə̄n̄ mā i tɔdɔ̄ kəda ń m-ə́da kə̄ ndágá wáńg na kəla rāādə́ gə̄ i kə́ majaĺ ní.

JA̰A̰ 7:7 Referans Kwoze

JA̰A̰ 3:19

Sarya ní n toó: Loo kə́ unjə̄ kow reē dɔ nang tə́, ba de gə̄ ndigən̄ til tɔȳ loo kə́ unjə̄ kow, tɔdɔ̄ yá̰a̰ rāādə́ i kə́ majaĺ.

GALATƏ 4:16

Ba ngɔlaā m̄-tél madə̄ ba̰ā̰sí i tām̄ najə̄ kə́ rɔ̄kum ń m-ə́dásí tə́ ní a?

1 JA̰A̰ 4:5

Nin̄ i de kə́ dɔ nang tə́ gə̄, i tām̄ najə̄ ń noō tə́ n nin̄ a ɔrə̄n̄ najə̄ kɔr̄ de kə́ dɔ nang tə́ gə̄, adə̄ de kə́ dɔ nang tə́ gə̄ oōn̄ najə̄ yādə́ ní.

JAKƏ 4:4

Sḭḭ̄ ngé rāȳ gə̄, ndigə yá̰á̰ kə́ dɔ nang tə́ laā ní rā rɔ̄n i nge ba̰ā̰ Nə́ɓā tə́ aĺ a?

JA̰A̰ 17:14

M-ādə̄də́ najə̄ yāí, banī de kə́ dɔ nang tə́ gə̄ imə̄n̄də́, tām̄ nin̄ i de gə̄ kə́ dɔ nang tə́ alé, tītə̄ ń mā i de kə́ dɔ nang tə́ aĺ ní.

Makətūbə̄ ń Pol ndang adə̄ Rom gə̄ ní 8:7

Tɔdɔ̄ ngé gə̄ ń dā̰ rɔ̄də́ o̰o̰ ɓē dɔ rɔ̄də́ tə́ ní, nin̄ i madə̄ ba̰ā̰ Nə́ɓā. Deē ń njə̄rā kə tɔ́gə yā dā̰ rɔ̄ɔ́ ní, əla dɔn gír ndū najə̄ yā Nə́ɓā tə́ alé. Ni asə aĺ bátə́ gə̄gē ɓáý.

1 MBAN̄G GƏ̄ 21:20

Akab əda Eli na: Madə̄ ba̰ā̰ḿ, ī-téĺ ə́ngem̄ gogə́ ɓáý ḿ? Eli tél ədan na: m̄-tél m-ə́ngeī gogə́ ɓáý to̰ i tām̄ ə́ya̰ rɔ̄í ī-rāań yá̰á̰ kə́ majaĺ ta kum Kɔ́ɔ̄ɓē tə́.

JEREMI 20:8

Ré najə̄ to kadə̄ m-ə́da ɓá anī i gáŕ kadə̄ m̄-ɓāríī kadə̄ ī-diīm̄ ō, kadə̄ m-ə́ga kɔŕ ō, na dɔ́nɔ ō, dəngáy ō rāām̄ ngá̰ý. Tɔdɔ̄ tájə̄ ndū ō, lur loo ō, asəm̄ nák gír najə̄ yā Kɔ́ɔ̄ɓē tə́ kə kum mbang gə̄ malang.

Gōsə̄ najə̄ gə̄ 8:36

Deē ń rāā majaĺ seḿ māá ní rāā majaĺ i kə rɔ̄n nəkɔ́ ō, deē ń imə̄m̄ ní i de kə́ gḛy koy ō.

Najə̄ kə́ Majə yā Jeju ń Luk ndang ní 6:26

Rɔ̄ ndoō i yāsí dan ń de gə̄ malang a ədan̄ najə̄ yāsí kə́ majə ní, tɔdɔ̄ i loo rāā nəkɔ́ ń kaadə́ gə̄ rāān̄neé kə ngé koō ta kə́ rɔ̄kum aĺ gə̄ ní n noó.

MALASI 3:5

A̰á̰ā̰, Kɔ́ɔ̄ɓē kə́ bo kə́ tɔ́gən i ngá̰ý əda najə̄ ń toō: M-ā m̄-reē dansí tə́ yā rāā sarya sesí. M-ā m-ɔ́r bā̰ā̰ loo kəndā najə̄ dɔ ngé kəga gə̄ tə́ aĺ ō, ngé rāȳ gə̄ tə́ aĺ ō, ngé túbə dɔ lám̄ gə̄ tə́ aĺ ō, ngé kəgā ngé kəla yādə́ gə̄ kə gōó aĺ gə̄ ō, ngé rējə̄ dəyá̰ kə́ ngaa koy gə̄ ō, ngán hal gə̄ ō, kə yá̰a̰ rāādə́ kə́ gōtə́ aĺ ō, ngé rāā tə̄rā gə̄ majaĺ ō, de gə̄ malang ń ɓōlə́n̄ ndílə́ḿ aĺ ní ō.

JAKARI 11:8

Kem nāā kógə̄ḿ ní, m-ɔ̄r̄ ngé kul̄də́ gə̄ mətá kem kəlaá kɔ̄ɔ́. Gō tə́ anī, m̄-tə́gā taḿ sétə́ dɔ batə̄ gə̄ tə́ ō, nin̄ batə̄ gə̄ asən̄ tə́gā tadə́ dɔḿ mā tə́ to̰ aĺ ō.

IJAI 49:7

Kɔ́ɔ̄ɓē, nge kɔr̄ Israel ɓəloó, Nə́ɓā yān kə́ táĺ, ɔr̄ najə̄. Ḭ̄ ń de gə̄ kídīn̄ ō, nel̄ de gə̄ malang seí aĺ ngá̰ý ō, ḭ̄ ń i ɓəlo yā mban̄g gə̄ kə́ ko̰o̰ ɓē yādə́ majə aĺ ní, yá̰á̰ ń ni ədaī ní n toó: Dan ń mban̄g gə̄ a a̰a̰īn̄ anī, a ḭḭn̄ kɔ̄ɔ́ dɔ kōr̄ kāgə̄ mbang yādə́ gə̄ tə́. Dan ń ngār gə̄ a a̰a̰īn̄ kə̄ sa̰y anī, nin̄ a ɔsən̄ kejədə́ nang tə́ noí tə́. Yá̰á̰ ń noō a rāā yá̰a̰ i najə̄ yā Kɔ́ɔ̄ɓē ń i de kə́ nge ra dɔ ndūn tə́ ní tə́, i najə̄ yā Nə́ɓā kə́ táĺ yā Israel kə́ gə̄rāī tə́ tə́.

Gōsə̄ najə̄ gə̄ 15:12

De kə́ nge kɔjə rɔ̄n gḛy kadə̄ deē ɔsən dɔ hálən tə́ alé, ni-aw̄ rɔ̄ ngé kum kedə̄ gə̄ tə́ alé.

1 MBAN̄G GƏ̄ 22:8

Anī mban̄g kə́ Israel tə́ tél əda Josapat na deē kógə̄ḿ na nay noó ɓáý, ba deē ní tá na nelə̄n ni seneé alé, tɔdɔ̄ deē ní na i de kə́ a əda najə̄ kə́ majə dɔn ni tə́ alé, ba a əda na i najə̄ kə́ majaĺ tá dejə: Deē ní i Mise ngōn̄ Yimla. Josapat əda mban̄g kə́ Israel tə́ na kə lōō kɔr̄ najə̄ beé.

PĀ GƏ̄ 109:5

Nin̄ rāāmə̄n̄ yá̰á̰ kə́ majaĺ kum gotə majə ń m̄-rāā sedə́ ní. Nin̄ imə̄mə̄n̄ tām̄ rāā ń m̄-rāā tɔdɔ̄də́ ní.

LEBI GƏ̄ 13:10

Nge tun̄ yá̰a̰ a əndā ma̰ȳ mo̰y ní. Ré rɔ̄ deē ní agə̄ ba ndaa ō, bḭḭ̄ kə́ tū tə́ tetə ndaa ō, dā̰n sə̄lā mba kə̄ ndágá ō anī,