JA̰A̰ 7:39 - Bibəl ta Sar̄

³⁹ Ni-əda najə̄ ń toō i tām̄ yā Ndíĺ kə́ Táĺ ń ngé taā kem gə̄ a əngen̄ ɓáý tə́ ní. Dan ngeé ń noō tə́ ní adə̄n̄ Ndíl reē aĺ ɓáý, i tɔdɔ̄ ɔsə gɔn Jeju aĺ ɓáý.

Bible sar

³⁹ Ni-əda najə̄ ń toō i tām̄ yā *Ndíĺ kə́ Táĺ ń ngé taā kem gə̄ a əngen̄ ɓáý tə́ ní. Dan ngeé ń noō tə́ ní adə̄n̄ Ndíl reē aĺ ɓáý, i tɔdɔ̄ ɔsə gɔn Jeju aĺ ɓáý.

JA̰A̰ 7:39 Referans Kwoze

KƏLA RĀĀ 2:17

Loo ń noō tə́ Nə́ɓā əda na, ta tɔ̄l̄ ta ndɔ̄ gə̄ tə́ anī yá̰á̰ ń a rāā yá̰á̰ ní n toó: M-ā m̄-rāā kadə̄ Ndílə́ḿ a reē dɔ de gə̄ tə́ malang. Ngáńsí kə́ dəngam gə̄ kə ngáńsí kə́ dəyá̰ gə̄ a ədan̄ najə̄ kə́ Nə́ɓā əndā tadə́ tə́ ō, balsáa yāsí gə̄ a télən̄ ngé ka̰a̰ yá̰a̰ gə̄ ō, nī a rāā ɓə́ga yāsí gə̄ ō.

KƏLA RĀĀ 2:33

Nə́ɓā ɔsən kə̄ dɔɔ́ kə tɔ́gəneé, adə̄ ni-ənge Ndíĺ kə́ Táĺ ń Bɔbə̄ Ngōn̄ ənī míndən yā kadə̄ ní. I Ndíĺ kə́ Táĺ ngeé ń ni-ənge ní n ni-rāā adə̄ reē á á̰a̰ī ō, ōōī ō toó.

KƏLA RĀĀ 2:4

Ndíĺ kə́ Táĺ rosə kemdə́ malang, adə̄ ɔrə̄n̄ ta kə́ tayā tayā gə̄, kə gō ń Ndíĺ kə́ Táĺ adə̄ńdə́ kadə̄ ɔrə̄n̄ ní.

JA̰A̰ 16:7

Banī m-ə́dásí najə̄ kə́ rɔ̄kum: I só tə́ tām̄ yāsí tə́ kadə̄ m-āw̄. Tɔdɔ̄ ré m-āw̄ aĺ anī, nge dḭḭ̄sí a reē rɔ̄sí tə́ alé. Ba ré m-āw̄ anī, m-ā m-ə́la seneé yā kadə̄sí.

JA̰A̰ 12:16

Ta kəla gíŕ tə́ ní, ngé ndóō yá̰a̰ yān gə̄ gerə̄n̄ kum yá̰á̰ ní alé. Ba dan ń ɔsən̄ gɔn Jeju oy anī, əga kemdə́ dɔ tə́ kadə̄ yá̰á̰ ń rāā yá̰á̰ ní i kə́ ndangən̄ najə̄n kem makətūbə̄ tə́ kété ɔjənə̄ń dɔn.

IJAI 32:15

Ndɔ̄ kógə̄ḿ tə́ anī, Kɔ́ɔ̄ɓē a ɓōkə́ ndílən dɔjí tə́. Loo ń noō tə́ dəla loo a tél ndɔr̄ kāgə̄ gə̄ kə́ a anə̄n̄ ō, ndɔr̄ ní a tél i ku kāgə̄ gə̄ kə́ rɔ̄kum ō.

Makətūbə̄ ń Pol ndang adə̄ Rom gə̄ ní 8:9

Ba ré ī-rāāī yá̰a̰ i kə gō kem ndigə yā dā̰ rɔ̄ɔ́ alé anī, ā ī-rāāī yá̰a̰ i kə gō kem ndigə yā Ndíĺ kə́ Táĺ, tām̄ Ndíl yā Nə́ɓā ndi kemsí tə́. Ré deē kógə̄ḿ ənge Ndíl Kərist aĺ anī, ni i deē yān alé.

KƏLA RĀĀ 2:38

Piyer ədadə́ na: Ī-tūrī háĺsí malang, ba ādə̄ rāān̄sí batém kógə̄ḿ kógə̄ḿ kə rī Jeju Kərist, kadə̄ Nə́ɓā mā̰yń rɔ̄n dɔ yá̰á̰ kə́ majaĺ gə̄ ń ī-rāāī tə́ ní. Ɓá anī ā ə́ngeī Ndíĺ kə́ Táĺ ń Nə́ɓā adə̄ de gə̄ karī ní.

JA̰A̰ 20:22

Gō najə̄ ń toō tə́ anī, ni əla tóo dɔdə́ tə́ ba ədadə́ na: Ī-taāī Ndíĺ kə́ Táĺ.

JA̰A̰ 12:23

Anī Jeju tél ədadə́ na: Mbang asə kɔ̄ɔ́ adə̄ ɔsən̄ gɔn Ngōn̄ Deē.

IJAI 44:3

Tām̄ mā m̄-rāā kadə̄ man̄ a nūgə́ dɔ nang kə́ kəndā man̄ a rāān tə́ ō, m-ā m̄-rāā kadə̄ ngán man̄ gə̄ a nūgə́n̄ dɔ nang kə́ tutə tə́ ō. M-ā m̄-ɓōkə́ ndílə́ḿ dɔ ngání gə̄ tə́ ō, m-ā m̄-tɔ́r̄ taḿ dɔ ngán kaaí gə̄ tə́ ō.

EPEJƏ 4:30

Ndíĺ kə́ Táĺ ń rāā rɔ̄n i tə́ré yá̰á̰ kə́ Nə́ɓā əndā dɔsí tə́, ɔjəń kadə̄ sḭḭ̄ i yān gə̄ tām̄ yā ndɔ̄ ń a gāngəń dɔ de gə̄ tə́ ní, ī-lōōī rāān kadə̄ rɔ̄n nelə̄n alé.

2 KORḚNTƏ 3:8

kɔsə gɔn ń a dān̄ gō kəla yā Ndíĺ ní i ngá̰ý tɔȳ aĺ a?

KƏLA RĀĀ 4:31

Dan ń nin̄-ndɔ̄ȳn̄ oy anī, loo ń kánə̄n̄ naā tū tə́ ní ndebə. Ndíĺ kə́ Táĺ rosə kemdə́ malang ō, nin̄-ənīn̄ kemdə́ ɔjən̄neé najə̄ yā Nə́ɓā kanjə̄ ɓōĺ ō.

KƏLA RĀĀ 3:13

Nə́ɓā yā Abəraham ō Isaak ō Jakob ō ń i Nə́ɓā yā kaají gə̄ ní, ɔsə gɔn Jeju nge kəla yān ń sḭḭ̄ ə́laniī jī de gə̄ tə́ ō, ī-mbātə́niī ta kum Pilatə tə́ dan ń Pilatə gḛy kəya̰n dɔɔ́ ní ō.

JA̰A̰ 17:5

Ngɔlaā ní, Bɔbə́ḿ, ɔ́sə gɔnəḿ rɔ̄í īkɔ́ tə́ kə kɔsə gɔn ń m-āwń dan ń m̄-ndiń rɔ̄í tə́ kété pá tá kadə̄ dɔ rā̰ kə dɔ nang ton̄ ní.

JA̰A̰ 14:13

Ba yá̰a̰ malang ń ā ī-dəjeī kə rīḿ ní, m-ā m̄-rāā, yā kadə̄ Ngōn̄ ɔsəń gɔn Bɔbə̄n.

JA̰A̰ 7:12

Kósə de gə̄ kɔdə́n̄ naā najə̄ dɔ dáńdə́ tə́ dɔn tə́. Ngé kə́rēý gə̄ ədan na ni i de kə́ majə, ba ngé kə́rēý gə̄ ədan na i tītə̄ ń noō alé, ni a gól̄ i kósə de gə̄.

JA̰A̰ 6:14

Loo ń de gə̄ a̰ā̰n̄ yá̰á̰ kə́ yáā ń Jeju rāā ní anī, ədan̄ na: Nge koō ta ń kadə̄ reē dɔ nang tə́ ní i deē ń toō rɔ̄kum.

JA̰A̰ 1:33

Kété m̄-gerə̄n alé, ba nge ń əlam̄ rāā de gə̄ batém tə́ kum man̄ tə́ ní ədam̄ na: Deē ń ā á̰á̰ Ndíĺ jə̄ngā dɔ rā̰ tə́ ndi dɔn tə́ ní, i nge ń a rāā de gə̄ batém kum Ndíĺ kə́ Táĺ tə́ ní.

JA̰A̰ 1:25

Nin̄-dəjen̄ Ja̰a̰ najə̄ kógə̄ḿ ɓáý to̰, ədan̄ na: Ba ré ḭ̄ i Kərist aĺ ō, Eli aĺ ō, nge koō ta kə́ rɔ̄kum aĺ ō anī, i tām̄ rí tə́ á ā ī-rāā de gə̄ batém ní?

JA̰A̰ 1:21

Ní, ḭ̄ i náā tā? Ḭ̄ i Eli a? Ni ədadə́ na: Mā i ni alé. Ḭ̄ i nge koō ta kə́ rɔ̄kum ní a? Anī ni-tél ədadə́ na: I mā alé.

Najə̄ kə́ Majə yā Jeju ń Luk ndang ní 24:49

Ba mā tā a, m-ā m-ə́la kə nge ń Bɔbə́ḿ ənī míndən dɔ tə́ yā kadə̄sí ní, adə̄ a reē dɔsí tə́. Ní, sḭḭ̄ ī-ndiī kem ɓēé laā bátə́ kadə̄ Nə́ɓā əlań tɔ́gə́ kə́ dɔɔ́ kūbə̄ tə́ rɔ̄sí tə́.

Najə̄ kə́ Majə yā Jeju ń Luk ndang ní 7:16

Ɓōĺ rāā de gə̄ malang, adə̄ a ɔsən̄ gɔn Nə́ɓā, ədan̄ na: Nge koō ta kə́ bo teē danjí tə́, adə̄ Nə́ɓā reē go̰ō̰ gír deē yān gə̄ tə́.

Najə̄ kə́ Majə yā Jeju ń Luk ndang ní 3:16

Anī Ja̰a̰ tūr̄ ədadə́ malang na: Mā m̄-rāāsí batém, banī deē kógə̄ḿ kə́ tɔ́gən tɔȳ yāḿ a reē noó, kəla sākə̄rā kə́ njan tə́ gə̄gē ní mā m-ásə́ tútə alé. Ni a rāāsí batém kə Ndíĺ kə́ Táĺ ō, kə horoó ō.

MATIYE 16:14

Nin̄-tél ədanən̄ na: De kə́rēý gə̄ ədan̄ na ḭ̄ na i Ja̰a̰ Batistə, de kə́ rang gə̄ ədan̄ na ḭ̄ na i Eli, de kə́ rang gə̄ ɓáý to̰ ədan̄ na ḭ̄ na i Jeremi, aláa na i nge koō ta kógə̄ḿ kə́ dan madə̄ gə̄ tə́.

Gōsə̄ najə̄ gə̄ 1:23

Ōōī gír kə́ kemḿ tə́. Á̰a̰ī, m-ā m̄-rāā kadə̄ ndílə́ḿ a risə dɔsí tə́, m-ā m-ə́dásí najə̄ yāḿ kadə̄ ī-gerī.

JA̰A̰ 14:26

Ba nge rāā sesí i Ndíĺ kə́ Táĺ ń Bɔbə́ḿ a əlań kə rīḿ ní. Ni a ndóōsí yá̰a̰ malang ō, a rāā kadə̄ əga kemsí dɔ najə̄ gə̄ ń m-ə́dásí tə́ ní ō.

MATIYE 21:11

Anī kósə de gə̄ tūr̄ ədan̄də́ na: I Jeju nge koō ta kə́ ḭḭ Najaret, gō nang kə́ Galile tə́.

IJAI 12:3

Ā ɔ́diī man̄, ta kəɓa man̄ gə̄ yā kajə tə́, i kə rɔ̄nelēé.

PĀ GƏ̄ 68:18

Púsə rɔ̄ɔ̄ gə̄ yā Nə́ɓā i dūbú ngá̰ý, i dūbú ngá̰ý nja kutə kə̄ gogə́. Kɔ́ɔ̄ɓē i dandə́ tə́, mbal̄ Sinai i kem loo kə́ táĺ tə́.

JA̰A̰ 8:54

Jeju tél ədadə́ na: Ré i mə̄kɔ́ n m-ɔ́sə gɔn rɔ̄ḿ anī, kɔsə gɔn yāḿ i yá̰á̰ kə́ karī. Deē ń ɔsə gɔnəḿ ní i Bɔbə́ḿ ń sḭḭ̄ ə́daī na i Nə́ɓā yāsí

JA̰A̰ 16:14

Ni a ɔsə gɔnəḿ, tɔdɔ̄ a taā dām̄ yá̰a̰ yāḿ yā kədasí.

JA̰A̰ 17:1

Dan ń Jeju ɔr̄ najə̄ beé oy anī, ənī kumən kə̄ dɔɔ́ dɔ rā̰ tə́, ba əda na: Bɔbə́ḿ, mbang asə, ɔ́sə gɔn Ngōnīí ādə̄ Ngōnīí ɔsə gɔnií ō.

KƏLA RĀĀ 19:2

Anī dəjedə́ na: Loo ń ī-taāī kem ní ə́ngeī Ndíĺ kə́ Táĺ a? Nin̄-tél ədanən̄ na: Kadə̄ Ndíĺ kə́ Táĺ na ndi noó gə̄gē ní jḭḭ j-oō najə̄n sḛ́ý aĺ bátə́!