JA̰A̰ 7:32 - Bibəl ta Sar̄

³² Parijiyḛ gə̄ oōn̄ kósə de gə̄ ń a kɔdə́n̄ najə̄ dɔn tə́ ní anī, ngol gə̄ kə́ dɔ ngé tun̄ yá̰a̰ gə̄ tə́ ō, Parijiyḛ gə̄ ō, əlan̄ pajā gə̄ kəhɔn tə́.

Bible sar

³² *Parijiyḛ gə̄ oōn̄ kósə de gə̄ ń a kɔdə́n̄ najə̄ dɔn tə́ ní anī, ngol gə̄ kə́ dɔ *ngé tun̄ yá̰a̰ gə̄ tə́ ō, *Parijiyḛ gə̄ ō, əlan̄ pajā gə̄ kəhɔn tə́.

JA̰A̰ 7:32 Referans Kwoze

KƏLA RĀĀ 5:26

Anī ngār ɔy pajā gə̄ aw̄ reēń kə ngámbang kəla gēé jəke kanjə̄ rāādə́ yá̰á̰ kə́ tōr̄. Tɔdɔ̄ nin̄-ɓōlə́n̄ najə̄ kadə̄ ngán Israel gə̄ tə́nīn̄də́ kə mbalá yā tɔ̄l̄də́.

JA̰A̰ 18:3

Anī Judas əsō kété no ɓūtə̄ áskar gə̄ kə pajā gə̄ ń ngol gə̄ kə́ dɔ ngé tun̄ yá̰a̰ gə̄ tə́ ō, Parijiyḛ gə̄ ō, əlan̄də́ ní tə́. Ni-reē sedə́ kem ndɔr̄ ní tə́ kə lámba gə̄ ō, kə hor ngel̄ gə̄ ō, kə yá̰a̰ rɔ̄ɔ̄ gə̄ ō.

JA̰A̰ 12:19

Anī Parijiyḛ gə̄ ədan̄ naā dɔ dáńdə́ tə́ na: Á̰a̰ī tā waḿ, sḭḭ̄ ī-rāāī yá̰á̰ kógə̄ḿ alé, de gə̄ malang aw̄n̄ i gōn tə́!

MATIYE 23:13

Sḭḭ̄ ngé ndóō de gə̄ ndū najə̄ gə̄ ō, Parijiyḛ gə̄ ō, sḭḭ̄ ń i ngé gól̄ kum de gə̄ ní, yāsí i rɔ̄ ndoō! Tɔdɔ̄ sḭḭ̄ ūtī ta róbə Ɓē ko̰o̰ kə́ dɔ rā̰ tə́ kɔ̄ɔ́ ta de gə̄ tə́. Sḭḭ̄ kɔ́ gə̄ údiī kemeé aĺ ō, ngé gə̄ ń gḛyn̄ kudə kemeé ní a sḭḭ̄ ɔ̄gīdə́ kudə kemeé kɔ̄ɔ́ ō.

1 SAMUEL 19:20

Anī Saul əla de gə̄ kəhɔ Dabid tə́ ɓáý to̰. Dan ń de gə̄ ń Saul əladə́ ní a̰a̰n̄ ɓūtə̄ ngé koō ta yā Nə́ɓā gə̄ kə́ Ndíl yā Nə́ɓā ɔsə sedə́ adə̄ a̰a̰n̄ oy oy tītə̄ de gə̄ kə́ yá̰a̰ rāādə́ beé ō, a̰a̰n̄ kadə̄ Samuel i ngāgəra dɔ ngé koō ta yā Nə́ɓā gə̄ ní ō anī, Ndíl yā Nə́ɓā udə kemdə́ tə́ adə̄ nin̄ a̰a̰n̄ oy oy tītə̄ de kə́ yá̰a̰ rāādə́ beé ō.

MATIYE 12:14

Parijiyḛ gə̄ ń ndin̄ noó ní teēn̄ ndágá anī oōn̄ naā dɔ Jeju tə́ ké n-a n-rāān̄ i ba̰ý n n-ā n-tɔ̄l̄nən̄neé ní wa.

MATIYE 26:58

Piyer njə̄rā gō Jeju tə́, banī dandə́ gə̄lā sḛ́ý. Ni un gōn bátə́ ugə̄ ta ndágə́ kújə yā ngol ngé tun̄ yá̰a̰ gə̄ tə́. Udə kem ndogó ba aw̄ ndi kə ngé kəla gēé yā ka̰a̰ń ta tɔ̄l̄ ta yá̰á̰ ní.

JA̰A̰ 7:30

Lon ń noō tə́ nin̄-sāān̄ kəhɔn, ba deē kógə̄ḿ kə́ əla jīn yā kəhɔnəń gətóo, tɔdɔ̄ kum mbang yān asə aĺ ɓáý.

JA̰A̰ 11:46

Banī kə́rēý gə̄ dáńdə́ tə́ aw̄n̄ rɔ̄ Parijiyḛ gə̄ tə́ ba ənīn̄də́ gotə yá̰á̰ ń Jeju rāā ní.