JA̰A̰ 7:27 - Bibəl ta Sar̄

²⁷ Deē ń toō jə-ger̄ loo ń ni-ḭḭ tū tə́ ní, ba loo ń Kərist a reē ní, deē kógə̄ḿ kə́ ger̄ loo ń ni-ḭḭ tū tə́ ní gətóo.

Bible sar

²⁷ Deē ń toō jə-ger̄ loo ń ni-ḭḭ tū tə́ ní, ba loo ń *Kərist a reē ní, deē kógə̄ḿ kə́ ger̄ loo ń ni-ḭḭ tū tə́ ní gətóo.

JA̰A̰ 7:27 Referans Kwoze

MISE 5:2

Kɔ́ɔ̄ɓē a əya̰ gír deē yān gə̄ kɔ̄ɔ́ dan kə́rēý tə́. Gō tə́ anī, ndɔ̄ a reē noó kadə̄ dəyá̰ ń sɔɔ̄ kadə̄ ojə ngōn̄ ní, ojə ngōn̄ kə́ dəngam. Ngé gə̄ ń a ndin̄ kə kumdə́ ɓáý gō kɔydə́ kaw̄ sedə́ dɔ ɓē kə́ rang tə́ dɔ gúú tə́ ní, a reēn̄ yā kənge gotə́ Israel gə̄ kadə̄ a ɓoon̄ naā.

JA̰A̰ 9:29

Jə-ger̄ kadə̄ Nə́ɓā ɔr̄ najə̄ kə Moijə ba deē ń noō jə-ger̄ loo ń ni ḭḭ tū tə́ ní alé.

JA̰A̰ 6:42

Nin̄-ədan̄ na: Deē ń toō i Jeju ngōn̄ Jəjep aĺ a? Jə-gerī bɔbə̄n ō kó̰o̰n ō aĺ a? I ba̰ý á əda na n-ḭḭ na i dɔ rā̰ tə́ n n-reē dɔ nang tə́ ní?

JEREMI 30:21

Ngār yān a teē i dan gír deē yān nəkɔ́ gə̄ tə́. A ojən̄ nge ko̰o̰ ɓē yān i ɓēé looneé. M-ā m̄-rāān kadə̄ ndɔ́tə̄ kə̄ ngɔr. Ni a reē rɔ̄ḿ tə́. Tɔdɔ̄ i náā n a asə nāā ndɔ́tə̄ kum kə̄ rɔ̄ḿ tə́ ní? Najə̄ ń Kɔ́ɔ̄ɓē əda ní n noó.

MARK 6:3

Ké ni i nge kəja kāgə̄ aĺ wa, ké ni i ngōn̄ Mari ō, ni i ngōkó̰o̰ Jakə ō, Jose ō, Jud ō, Simo̰ ō aĺ wa, tá ké i ngákó̰o̰n kə́ dəyá̰ gə̄ n ndin̄ danjí tə́ laā toó aĺ wa. Jeju i tītə̄ bə̄dē kə́ əgadə́ beé.

Najə̄ kə́ Majə yā Jeju ń Luk ndang ní 4:22

De gə̄ malang a ədan̄ i najə̄ kə́ majə yā Jeju. Najə̄ kɔrə̄n kə́ majə ngá̰ý gə̄ ní ɔr kumdə́ ngá̰ý adə̄ ədan̄ na: I ngōn̄ Jəjep ní n noó aĺ a?

IJAI 11:1

Ngōn̄ kə́ dəngam kógə̄ḿ a teē dan de gə̄ kə́ kem kojə yā Jese tə́, tītə̄ ta jī kāgə̄ kə́ dūú kə́ əɓa kadə ɓōdə̄ kāgə̄ kə́ tɔgə kɔ̄ɔ́ tə́ beē. Ta jī kāgə̄ kə́ əɓa dɔ ngəran gə̄ tə́.

JEREMI 23:5

Á̰a̰ī, kem ndɔ̄ gə̄ ń a reēn̄ noó tə́ ní, m-ā m̄-rāā kadə̄ ngōn̄ kaa Dabid kógə̄ḿ kə́ súmūú a ḭḭ dɔɔ́. Mban̄g kógə̄ḿ a ḭḭ yā ko̰o̰ ɓē ba a rāā yá̰a̰ i kə kum kedēé. A rɔ̄ɔ̄ dɔ yá̰á̰ kə́ súmūú tə́ ō, yá̰á̰ kə́ gōtə́ tə́ ō, kem ɓēé.

KƏLA RĀĀ 8:33

Əlan̄ rɔ̄sɔl̄ dɔn tə́ ō, gāngə̄n̄ sarya yān kə gōó aĺ ō. I náā n a asə kɔr̄ najə̄ yā de kə́ gōn tə́ gə̄ ní? Tɔdɔ̄ rāān̄ adə̄ gír yān gān̄g kɔ̄ɔ́ dɔ nang tə́.

JA̰A̰ 7:15

Anī ɔr kum Jipə gə̄ ngá̰ý, adə̄ ədan̄ na: Ni ndóō yá̰a̰ alé, ba ger̄ makətūbə̄ yā Nə́ɓā i ba̰ý?

IJAI 53:8

Əhɔnən̄ ba gāngə̄n̄ sarya dɔn tə́, gō tə́ anī rāānən̄ adə̄ ni gətóo kɔ̄ɔ́. Ba i náā n əndā kumən gíŕ yá̰á̰ ń rāān tə́ ní? A̰á̰ā̰, rāānən̄ adə̄ ni gətóo kɔ̄ɔ́ dɔ nang ń de gə̄ ndin̄ kə kumdə́ tū tə́ ní tə́, əndanən̄ adə̄ oy, najə̄ yá̰a̰ rāā kə́ gōtə́ aĺ gə̄ yā gír deē yān gə̄ tə́.