Biblia Todo Logo
Bib sou entènèt

- Piblisite -




JA̰A̰ 7:17 - Bibəl ta Sar̄

17 Ré deē kógə̄ḿ gḛy rāā yá̰á̰ ń kem Nə́ɓā ndigə ní anī, a ger̄ ké yá̰á̰ ń m̄-ndóō de gə̄ ní ḭḭ rɔ̄ Nə́ɓā tə́, aké m-ɔ̄r̄ najə̄ i kə dɔḿ mə̄kɔ́ wa.

Gade chapit la Kopi

Bible sar

17 Ré deē kógə̄ḿ gḛy rāā yá̰á̰ ń kem Nə́ɓā ndigə ní anī, a ger̄ ké yá̰á̰ ń m̄-ndóō de gə̄ ní ḭḭ rɔ̄ Nə́ɓā tə́, aké m-ɔ̄r̄ najə̄ i kə dɔḿ mə̄kɔ́ wa.

Gade chapit la Kopi




JA̰A̰ 7:17
25 Referans Kwoze  

I tām̄ rí tə́ á sḭḭ̄ ī-gerī kum najə̄ yāḿ aĺ ní? I tɔdɔ̄ sḭḭ̄ ásiī koō najə̄ yāḿ alé.


Nge ń i deē yā Nə́ɓā ní, a oō najə̄ yā Nə́ɓā. Banī sḭḭ̄ ōōī alé, i tɔdɔ̄ sḭḭ̄ i yā Nə́ɓā alé.


Kem Jipə kə́ Bere tə́ gə̄ majə tɔȳ yā ngé kə́ Tesalonik tə́ gə̄. Nin̄-ndigən̄ najə̄ yā Nə́ɓā láẃ ngá̰ý ō, əndān̄ ma̰ȳ najə̄ kə́ ndang kem makətūbə̄ yā Nə́ɓā tə́ kə dɔ ndɔ̄ gə̄, yā ka̰a̰ń ké najə̄ ń Pol əda ní ké i rɔ̄kum wa ō.


A ɔrə̄n̄ kam̄ de gə̄ ngá̰ý kadə̄ unjə̄n̄ njáý njáý ō, kadə̄ kemdə́ ndaa táĺ táĺ ō. De kə́ ngé kem ndul gə̄ a rāān̄ yá̰a̰ i loo kem ndul tə́. De kógə̄ḿ dandə́ tə́ kə́ yā ger̄ kum a gətóo. Banī ngé ger̄ najə̄ gə̄ tá a gerə̄n̄ kum.


Ngé gə̄ ń tə́sōn̄ nang kə́ majə tə́ ní, i ngé gə̄ ń oōn̄ najə̄ yā Nə́ɓā i kə kem kə́ súmūú ō, kə́ majə ō, əren̄ tadə́ nják ngɔ̄mə̄n̄ najə̄ ní adə̄ kumdə́ to ō ní.


Deē ń ɓōĺ ndíĺ Kɔ́ɔ̄ɓē ní, ni a ɔjən róbə́ ń kadə̄ a un ní.


Nápar de kə́ ngá̰ý gə̄ kə́ dɔ nang kə́ rang tə́ a əsōn̄ róbó yā reē. Nin̄ a ədan̄ na: Ī-reē j-awī dɔ mbal̄ yā Kɔ́ɔ̄ɓē tə́, j-awī kújə yā Nə́ɓā yā Jakob tə́. Ni a ndóōjí yá̰á̰ ń a sāā rɔ̄jí tə́ ní ō, j-a j-uniī róbə́ ń ni ɔjəjí ní ō. Tɔdɔ̄ yá̰á̰ ndóō yā Kɔ́ɔ̄ɓē teē i Siyo̰. A̰á̰ā̰, najə̄ yān teē i Jerusalem n reē ugə̄ rɔ̄jí tə́ ní.


Róbə́ kógə̄ḿ kə́ a ɓārə́n̄ na i róbə kə́ yā ɓōĺ gidə a to loo ń noō tə́. De kə́ yḛr a mān̄ tū tə́ alé, róbə́ ní a to i tām̄ yā gír de gə̄ yā Kɔ́ɔ̄ɓē tə́ ngóy. Mbóo de gə̄ a reēn̄ yā tḭ̄ḭ̄ ta rɔ̄də́ tū tə́ alé.


Kɔ́ɔ̄ɓē ənī kemən adə̄ ngé gə̄ ń ɓōlə́n̄ ndílən ní. Ni-rāā adə̄ gerə̄n̄ madə̄ naā yān.


m̄-sāāī i kə ngarā̰ kemḿ gēé malang, ī-lōō kəya̰m̄ kadə̄ m-ə́ya̰ gō míndí gə̄ kɔ̄ɔ́ ba m̄-rā m̄-dáȳ sa̰y.


Lámba yā dā̰ rɔ̄í i kumií. Ré mo̰y rāā kumií aĺ anī, rɔ̄í malang kə taá i kum loo kə́ unjə̄ kow tə́.


Loo ń noō tə́ ní, ādə̄ j-a̰a̰ī jə-gerī kadə̄ Kɔ́ɔ̄ɓē i Nə́ɓā. Ādə̄ jə-sāāī loo gerə̄n kə́ rɔ̄kum tə́. Ni a reē rɔ̄kum tītə̄ ń loo a tīiń rɔ̄kum ní. Ni a reē kə̄ rɔ̄jí tə́ i tītə̄ man̄ kə́ a edə beé, i tītə̄ man̄ ta ɓāl̄ kə́ edə adə̄ dɔ nang sɔl̄ lum beé.


Tɔdɔ̄ deē ń hálən i kə́ nujə kɔ̄ɔ́ ní i de kə́ yḛr ta kum Kɔ́ɔ̄ɓē tə́, ba Kɔ́ɔ̄ɓē ɔjə de kə́ súmūú kemən tɔdɔ̄ ni-ənī kemən adə̄n mámák.


De kə́ majaĺ gə̄ gerə̄n̄ yá̰á̰ kógə̄ḿ tū yá̰á̰ kə́ gōtə́ tə́ alé, banī ngé sāā Kɔ́ɔ̄ɓē gə̄ gerə̄n̄ kum yá̰a̰ malang.


Ba nge ń rāā yá̰á̰ kə́ rɔ̄kum ní a reē kum loo kə́ unjə̄ kow tə́, yā kadə̄ kəla rāān gə̄ ton̄ kə̄ dɔ ndágá wáńg, tɔdɔ̄ yá̰a̰ gə̄ ń ni-rāā ní i gō yā Nə́ɓā tə́.


Bɔbə̄sí i diabəl, ba ī-ndigiī i rāā yá̰á̰ ń kem bɔbə̄sí gḛy ní. Ni i nge tɔ̄l̄ de gə̄ i ta kəla gíŕ tə́ nú bátə́ ngɔlaā. Usən dɔ najə̄ kə́ rɔ̄kum tə́ alé, tɔdɔ̄ najə̄ kə́ rɔ̄kum gətóo kemən tə́. Loo ń a tə́da najə̄ kə́ sor̄ gə̄ anī, ɔr̄ i najə̄ yān nəkɔ́. Tɔdɔ̄ ni i nge sor̄ ō, ni i bɔbə̄ sor̄ ō.


Swiv nou:

Piblisite


Piblisite