JA̰A̰ 6:9 - Bibəl ta Sar̄

⁹ Ngōn̄ kógə̄ḿ ndi laā kə mápá mí ō, kə ngán kānjə̄ gə̄ jōó ō, ba nge ń noō i rí tām̄ yā de kə́ ngá̰ý gə̄ ń toō tə́.

Bible sar

⁹ Ngōn̄ kógə̄ḿ ndi laā kə mápá mí ō, kə ngán kānjə̄ gə̄ jōó ō, ba nge ń noō i rí tām̄ yā de kə́ ngá̰ý gə̄ ń toō tə́.

JA̰A̰ 6:9 Referans Kwoze

Najə̄ kə́ Majə yā Jeju ń Luk ndang ní 9:13

Banī ni-tél ədadə́ na: Sḭḭ̄ kɔ́ gə̄ ādīdə́ yá̰a̰ ādə̄ əsan̄. Anī nin̄-tél ədanən̄ na: Mápa yājí i mí beē ngóy ō, kānjə̄ yājí i jōó beē ngóy ō, ní ī-gḛy i kadə̄ j-aw̄ jə-mang yá̰a̰ kəsa tām̄ yā kósə de gə̄ ń toō tə́ a?

MARK 6:38

Ni ədadə́ na: Mápa to jīsí tə́ noō i kóndóńg? Āw̄ á̰a̰ī! Loo ń nin̄-aw̄ a̰a̰n̄ anī, tél ədanən̄ na mápa na i mí ō, kānjə̄ na i jōó ō.

MATIYE 14:17

Nin̄-tél ədanən̄ na i mápá mí ō kānjə̄ jōó ō ngóy na to jīdə́ tə́ laā ní.

PĀ GƏ̄ 78:19

Nin̄ tāmə̄n̄ kə Nə́ɓāá ədan̄ na ké Nə́ɓā asə kadə̄də́ yá̰a̰ kəsa kem dəla loo tə́ wa.

MATIYE 16:9

Ī-gerī kum aĺ ɓáý a? Dɔsí ndígə̄nal mápá kə́ mí gə̄ ń m-ādə̄ de gə̄ dūbú mí ní a? Aké dɔsí ndígə̄nal kutə dōbə̄ gə̄ ń ɔ́yiī gotə kə́ na̰y kemeé ní a?

MARK 8:19

Dan ń m̄-tétə̄ mápá kə́ mí gə̄ tām̄ yā de kə́ dūbú mí gə̄ tə́ ní, ī-kánī gotə rosə dōbə̄ i kóndóńg? Nin̄-ədanən̄ na: I kutə gidə i jōó.

2 KORḚNTƏ 8:9

Tɔdɔ̄ sḭḭ̄ ī-gerī yá̰á̰ ń Kɔ́ɔ̄ɓē yājí Jeju Kərist rāā ní: Ni ń ənge yá̰á̰ ngá̰ý ní, tél nge ndoō tām̄ yāsí tə́, kadə̄ ī-téliīneé ngé kənge yá̰á̰ ngá̰ý gə̄ kə ta kūl̄ ndoō ń rāān ní.

PĀ GƏ̄ 147:14

I ni n i nge rāā kadə̄ lɔm to dɔ nang yāí tə́ ní. Ni adī gémē kə́ majə ngá̰ý adə̄ ə́sa ī-ndān̄.

PĀ GƏ̄ 81:16

Loo ń noō tə́ madə̄ ba̰ā̰ Kɔ́ɔ̄ɓē gə̄ a sāān̄ i kadə̄ nel̄ Kɔ́ɔ̄ɓē sedə́ ō. Israel gə̄ a ndin̄ majə ngándáńg ō.

NDŪ NAJƏ̄ 8:8

I dɔ nang kə́ kōō gémē ō, kōō ɔ́rjə ō, a əɓan̄ tū tə́ ō, kə́ kāgə̄ nduú ō, kāgə̄ kótə̄ ō, kāgə̄ gərenadə ō, kə́ yibə̄ olibə ō, yibə̄ tejə ō, i ngá̰ý tū tə́.

JEJU TEĒ KUM JA̰A̰ 6:6

Anī m-ōō ndū yá̰á̰ kə́ ɓār̄ tītə̄ ndū deē beé dan yá̰á̰ kə́ kə kumuú kə́ sɔ́ gə̄ ní tə́, kɔ́ɔ̄ əda na: Ī-ndégə̄ kōō gémē kem yá̰á̰ kógə̄ḿ tām̄ yā kəla kə́ ndɔ̄ kógə̄ḿ tə́ ō, ī-ndégə̄ kōō ɔ́rjə kem yá̰a̰ mətá tām̄ yā kəla kə́ ndɔ̄ kógə̄ḿ tə́ ō. Ba yā yibə̄ ō, kasə nduú ō ɓáa, ɔ́də rɔ̄ alé.

JA̰A̰ 11:32

Dan ń Mari ugə̄ loo ń Jeju i tū tə́ ní ba a̰a̰n anī, əsō kə̄ njan tə́ ba ədan na: Kɔ́ɔ̄ɓē, nə́ngētə́ gēé ḭ̄ i laā anī, ngōkó̰ó̰ḿ a oy alé.

JA̰A̰ 11:21

Martə əda Jeju na: Kɔ́ɔ̄ɓē, nə́ngētə́ gēé ḭ̄ i laā anī ngōkó̰ó̰ḿ a oy alé.

JA̰A̰ 6:7

Pilipə tél ədan na: Mápá kə́ kum gúrsə dūbú kutə gə̄gē a tɔ́sə̄ dɔdə́ yā kadə̄ de gə̄ kógə̄ḿ kógə̄ḿ əngen̄neé bə̄dē mápa kə dɔdə́ gēé alé.

EJEKIEL 27:17

Gír de gə̄ kə́ Juda tə́ ō, kə́ Israel tə́ ō a rāān̄ gātə̄ i seí ḭ̄ḭ́ ō. Kōō gémē ō, tḛ̄ȳ ō, tejə ō, yibə̄ ō, nō kāgə̄ kə́ otə majə ō ní, nin̄ igənə̄ń i jīí ḭ̄ tə́.

PĀ GƏ̄ 78:41

Tél nāān̄ Nə́ɓā gogə́ rang ɓáý to̰, adə̄n̄ Nə́ɓā kə́ táĺ yā Israel wōn̄g.

2 MBAN̄G 7:1

Elije tūr̄ əda na: Sḭḭ̄ malang, ōōī najə̄ ń Kɔ́ɔ̄ɓē əda ní: Bírí kə mbang kə́ beé gātə̄ ndujə̄ kə́ ta róbə́ kə́ yā kudəń kə̄ kem ɓē kə́ Samari tə́ ní dójə́ kógə̄ḿ i njáŕ sə́lē arjā̰a̰ kógə̄ḿ beē ngóy ō, kōō ɔ́rjə kem səmbē bo kógə̄ḿ i sə́lē arjā̰a̰ kógə̄ḿ beē ngóy ō.

NDŪ NAJƏ̄ 32:14

Adə̄də́ yibə̄ man̄g gə̄ ō, mba batə̄ gə̄ ō, yibə̄ ngán batə̄ gə̄ ō, yibə̄ bal batə̄ gə̄ kə́ Basan ō, yibə̄ bal bə̄yā̰ gə̄ ō, ndujə̄ gémē kə́ lándə̄ ō. Nin̄-a̰yn̄ kasə kan̄ kāgə̄ nduú yādə́ gə̄ ō.

JA̰A̰ 6:11

Jeju taā mápá kə́ mí gə̄, ndadə̄ Nə́ɓā dɔ tə́, ba nə̄ɓō de gə̄ ń ndin̄ nang tə́ ní, ni-adə̄də́ kānjə̄ ō. Adə̄də́ ngá̰ý tītə̄ ń kemdə́ nin̄ kɔ́ gə̄ gḛy ní.

JA̰A̰ 21:9

Dan ń nin̄-jə̄ngān̄ nang tə́ ba teēn̄ kə̄ ndágá anī, a̰ā̰n̄ hor miī, ba kānjə̄ ō, mápa ō, to dɔ tə́.

JA̰A̰ 21:10

Jeju ədadə́ na: Ī-reēī kə kānjə̄ gə̄ ń ə́hɔī ngɔr ɓáý ní.

JA̰A̰ 21:13

Loo ń noō tə́ Jeju reē un mápa adə̄də́, ni-rāā tītə̄ ń noō kə kānjāá ō.