JA̰A̰ 6:6 - Bibəl ta Sar̄

⁶ Ni-əda najə̄ ní i yā nāānəń, tām̄ ni-ger̄ yá̰á̰ ń nəkɔ́ a rāā yā rāā ní.

Bible sar

⁶ Ni-əda najə̄ ní i yā nāānəń, tām̄ ni-ger̄ yá̰á̰ ń nəkɔ́ a rāā yā rāā ní.

JA̰A̰ 6:6 Referans Kwoze

TA KƏLA 22:1

Gō yá̰a̰ gə̄ ń noō tə́, Nə́ɓā nāā Abəraham. Ni-ɓārə́n anī Abəraham ndigə na: Mā n toó.

2 YÁ̰A̰ GƏ̄ 32:31

Ɓá tā ba dan ń ngé ko̰o̰ ɓē kə́ Babilon gə̄ əlan̄ de kə́ bo yādə́ gə̄ rɔ̄n tə́ kadə̄ dəjenən̄ najə̄ kə́ dɔ yá̰á̰ kə́ to kɔr kum ń rāā yá̰a̰ kem ɓēé tə́ ní anī, Nə́ɓā əya̰n kɔ̄ɔ́ sāań najə̄ kə́ kemən tə́, yā gerə̄ń yá̰a̰ malang kə́ kemən tə́.

NDŪ NAJƏ̄ 13:3

Ká ré yá̰á̰ ní reē rāā yá̰a̰ rɔ̄kum tītə̄ ń ədań ní gə̄gē, ba ni mēr̄sí rāā ɓesə̄ gə̄ ō, rāā kəla kadə̄ ɓesə̄ gə̄ ń i nə́ɓā kə́ rang gə̄ kə́ sḭḭ̄ ī-gerīdə́ aĺ ní ō anī,

NDŪ NAJƏ̄ 8:16

Mána ń i yá̰a̰ kəsa kə́ kaasí gə̄ gerə̄n̄ aĺ ní, i ni n i nge kadə̄sí kadə̄ ə́saī kem dəla loo tə́ ní. Ni- rāā adə̄ ko̰y əngesí i yā nāańsí ō, yá̰á̰ kə́ majə gə̄ kə́ tām̄ yāsí tə́ ní, ni-əndā dɔ jīn yā rāań majə sesí kem ndɔ̄ gə̄ ń a reēn̄ ɓáý tə́ ní ō.

NDŪ NAJƏ̄ 33:8

Yá̰á̰ ń Moijə əda dɔ Lebi tə́ ní n toó: Kɔ́ɔ̄ɓē, ngé kəla yāí kə́ ran̄ dɔ ndūdə́ tə́ gə̄ ń ī-nāādə́ Masa ō, ī-gān̄g sarya dɔdə́ tə́ tām̄ yā najə̄ kə́ Meriba tə́ ō ní, ī-ɓɔ̄də́ tumim yāí ō, urim yāí ō.

NDŪ NAJƏ̄ 8:2

Ādə̄ əga kemsí dɔ róbə́ ń Kɔ́ɔ̄ɓē Nə́ɓā yāsí rāā adə̄ ī-njə̄rāī tū tə́ ɓāl̄ kutə sɔ́ kem dəla loo tə́ ní. Ni-rāā adə̄ yá̰á̰ kə́ ngan̄g gə̄ əngen̄sí i yā nāańsí ō, i yā ka̰a̰ń yá̰á̰ kə́ kemsí tə́ ō, yā gerə̄ń ké ā ī-rāāī yá̰a̰ gə̄ ń ɔjəsí ní aké ā ī-rāāī aĺ wa ō.

2 KORḚNTƏ 13:5

Sḭḭ̄ kɔ́ gə̄ ə̄ndāī ma̰ȳ rɔ̄sí ba á̰a̰ī ké sḭḭ̄ i dɔ róbə taā kem tə́ wa. Ī-nāāī rɔ̄sí. Aké ī-gerī kadə̄ Jeju Kərist i kemsí tə́ aĺ a? Ké nāā ń ī-nāāī rɔ̄sí ní ənīsí i kɔ̄ɔ́ a?

JEJU TEĒ KUM JA̰A̰ 2:2

m̄-ger̄ yá̰a̰ rāāí gə̄ ō, kəla kə́ ngan̄g gə̄ ń ī-rāā ní ō, kəhɔ rɔ̄ tɔgə yāí ō, m̄-ger̄ kadə̄ ásə́ tə́gā taí dɔ ngé kem ndul gə̄ tə́ aĺ ō, ngé gə̄ ń ədan̄ na nin̄ na i ngámbang kəla gə̄ ba nin̄ i ngámbang kəla gə̄ aĺ ní, ḭ̄ ī-nāādə́ ba á̰a̰ā̰ kadə̄ nin̄ i ngé sor̄ gə̄ ō.