JA̰A̰ 6:53 - Bibəl ta Sar̄

⁵³ Jeju ədadə́ na: Ādə̄ m-ə́dásí najə̄ kə́ bo ngá̰ý, ré ə́saī dā̰ Ngōn̄ Deē aĺ ō, ā̰yī mósən aĺ ō anī, ā āwī kə ndi kə kumuú kemsí tə́ alé.

Bible sar

⁵³ Jeju ədadə́ na: Ādə̄ m-ə́dásí najə̄ kə́ bo ngá̰ý, ré ə́saī dā̰ Ngōn̄ Deē aĺ ō, ā̰yī mósən aĺ ō anī, ā āwī kə ndi kə kumuú kemsí tə́ alé.

JA̰A̰ 6:53 Referans Kwoze

1 JA̰A̰ 5:12

Deē ń i kə Ngōn̄ Nə́ɓāá ní, ni i de kə́ ndi kə kumneé. Deē ń i kə Ngōn̄ Nə́ɓāá aĺ ní, ni i de kə́ ndi kə kumneé alé.

JA̰A̰ 6:55

Tɔdɔ̄ dā̰ḿ i yá̰a̰ kəsa kə́ rɔ̄kum ō, mósə́ḿ i yá̰a̰ ka̰ȳ kə́ rɔ̄kum ō.

JA̰A̰ 15:4

Ī-ndiī kemḿ tə́ tītə̄ ń mā m̄-ndiń kemsí tə́ ní. Ta jī kāgə̄ a a̰a̰n̄ kə dɔneé alé, ba a a̰a̰n̄ i loo ń ni i tū kāgə̄ tə́ tá ní. Ré sḭḭ̄ ī-ndiī kemḿ mā tə́ aĺ anī, sḭḭ̄ ā ānī aĺ ō.

JA̰A̰ 6:47

Ādə̄ m-ə́dásí najə̄ kə́ bo ngá̰ý, nge ń taā kem ní, aw̄ kə ndi kə kumneé kə́ ngándáńg.

JA̰A̰ 3:3

Anī Jeju tél ədan na: Ādə̄ m-ə́daī najə̄ kə́ bo ngá̰ý, ré tél ojən̄ deē gogə́ rang aĺ anī, kɔ́ɔ̄ a asə ka̰a̰ Ɓē ko̰o̰ yā Nə́ɓā alé.

JEJU TEĒ KUM JA̰A̰ 2:17

Deē ń i kə mbīneé anī, ādə̄ oō yá̰á̰ ń Ndíl əda Egəlijə gə̄ ní. Deē ń tetə rɔ̄ɔ̄ anī, m-ā m-ādə̄n mána kə́ to loo ɓɔ̄ɔ̄ tə́ ō, m-ā m-ādə̄n mbal̄ kə́ ndaa kə́ ndangən̄ rī kə́ kijə dɔ tə́ ō. I deē ń a ənge mbal̄ ní ngóy n a ger̄ rī ní, ba de kə́ rang a ger̄ alé.

JA̰A̰ 3:36

Deē ń taā kem Ngōnən ní, kɔ́ɔ̄ a ndi kə kumneé ngándáńg. Deē ń mbātə́ taā kem Ngōn̄ Nə́ɓā ní, ni a ndi kə kumneé alé, ba wōn̄g yā Nə́ɓā a na̰y dɔn tə́.

MATIYE 18:3

Ādə̄ m-ə́dásí najə̄ kə́ bo ngá̰ý, ré ī-tūrī hálsí kadə̄ tél ī-toī tītə̄ ngáń kə́ dūú gə̄ aĺ anī, ā údiī kem Ɓē ko̰o̰ kə́ dɔ rā̰ tə́ tə́ alé.

JA̰A̰ 3:5

Anī Jeju tél ədan na: Ādə̄ m-ə́daī najə̄ kə́ bo ngá̰ý, ré ojən̄ deē kə maná aĺ ō, kə Ndílí aĺ ō anī, kɔ́ɔ̄ asə kudə kem Ɓē ko̰o̰ yā Nə́ɓā tə́ alé.

Najə̄ kə́ Majə yā Jeju ń Luk ndang ní 13:5

A̰ á̰, i beé alé, ba ré sḭḭ̄ ī-tūrī háĺsí aĺ anī, ā údiī kɔ̄ɔ́ malang tītə̄ ń noō ō.

Najə̄ kə́ Majə yā Jeju ń Luk ndang ní 13:3

A̰ á̰, i beé alé, ba ré sḭḭ̄ ī-tūrī háĺsí aĺ anī, ā údiī malang tītə̄ ń noō ō.

JA̰A̰ 13:8

Piyer ədan na: Kadə̄ ḭ̄ kə ī-tə́go njaḿ mā a, m-ɔ́də aĺ i kə́ bátə́ gə̄ tə́! Jeju tél ədan na: Ré m̄-tə́go njaí aĺ anī, ā ə́ngé yá̰a̰ yāḿ alé.

MATIYE 5:18

Ādə̄ m-ə́dásí najə̄ kə́ bo ngá̰ý, kété tá kadə̄ dɔ rā̰ ō dɔ nang ō a mānə̄n̄ ní, ngōn̄ yá̰á̰ kə́ sḛ́ý beē ngóý ń ndangən̄ ní, aláa kal ndə̄já makətūbə̄ ndū najə̄ gə̄ kə́ kógə̄ḿ a mān̄ alé bátə́ kadə̄ yá̰a̰ malang reē udəń gírí.

JEJU TEĒ KUM JA̰A̰ 2:7

Deē ń i kə mbīneé anī, ādə̄ oō yá̰á̰ ń Ndíl əda Egəlijə gə̄ ní. Deē ń tetə rɔ̄ɔ̄ anī m-ā m-ādə̄n kan̄ kāgə̄ ndi kə kumuú ń ra loo kə́ majə yā Nə́ɓā tə́ ní kadə̄ əsa.

MATIYE 8:20

Jeju ədan na: Njā̰ gə̄ aw̄n̄ kə bəlodə́ gə̄ ō, yel̄ kə́ dɔɔ́ gə̄ aw̄n̄ kə ɓēdə́ gə̄ ō, banī Ngōn̄ deē aw̄ kə loo kə́ yā kəlań dɔn ta tə́ alé.

JA̰A̰ 6:51

Mā i mápá kə́ kə kumuú kə́ ḭḭ dɔ rā̰ tə́ reē dɔ nang tə́. Ré deē əsa mápá ń toō anī, a ndi kə kumneé ngándáńg. Ba mápá ń m-ā m-ādə̄ ní, i dā̰ rɔ̄ḿ. M-ādə̄ i yā kadə̄ de kə́ dɔ nang tə́ gə̄ ndin̄neé kə kumdə́.

JA̰A̰ 6:62

Ba ré á̰a̰ī Ngōn̄ Deē aw̄ ndi dɔɔ́ loo ndin kə́ kété tə́ ní ā ī-rāāī i ba̰ý?