JA̰A̰ 6:43 - Bibəl ta Sar̄

⁴³ Jeju tél ədadə́ na: I lōōī yṵ́r̄ najə̄ dɔ dáńsí tə́.

Bible sar

⁴³ Jeju tél ədadə́ na: I lōōī yṵ́r̄ najə̄ dɔ dáńsí tə́.

JA̰A̰ 6:43 Referans Kwoze

HEBƏRO 4:13

Yá̰a̰ malang ń Nə́ɓā rāā ní, nge kógə̄ḿ kə́ kumən a̰ā̰ aĺ gətóo. Gíŕ yá̰a̰ malang to i kə̄ dɔ ndágá ta kumən tə́. Kumən aw̄ kə tɔ́gə dɔ yá̰a̰ malang tə́ ō. I ni n j-a j-ɔjiī-n gíŕ yá̰a̰ rāājí gə̄ malang ní ō.

JA̰A̰ 6:64

Banī ngé kə́rēý gə̄ dɔ dáńsí tə́ taān̄ kem alé. Jeju əda beé i tɔdɔ̄ ta kəla gíŕ tə́ ní, ni-ger̄ ngé gə̄ ń taān̄ kem aĺ ní ō, deē ń a əlan jī de gə̄ tə́ ní ō.

JA̰A̰ 16:19

Jeju ger̄ kadə̄ a sāān̄ dəjen anī, ədadə́ na: Sḭḭ̄ ī-sāāī ger̄ kum najə̄ ń m-ə́da na: sḛ́ý to̰ anī ā á̰a̰mī alé, ba sḛ́ý to̰ anī ā á̰a̰mī ní.

MARK 9:33

Nin̄-ugə̄n̄ Kapernaum, ba dan ń Jeju ndi kújú anī, dəjedə́ na ké nējə̄n̄ naā najə̄ i dɔ rí tə́ róbó wa.

MATIYE 16:8

Banī Jeju ger̄ gír̄ yādə́, adə̄ tél ədadə́ na: I tām̄ rí tə́ á ī-gírī dɔ mápá kə́ gətóo jīsí tə́ ní? Sḭḭ̄ i de kə́ ngé taā kem mámák aĺ gə̄!

JA̰A̰ 6:42

Nin̄-ədan̄ na: Deē ń toō i Jeju ngōn̄ Jəjep aĺ a? Jə-gerī bɔbə̄n ō kó̰o̰n ō aĺ a? I ba̰ý á əda na n-ḭḭ na i dɔ rā̰ tə́ n n-reē dɔ nang tə́ ní?

JA̰A̰ 6:44

Deē kógə̄ḿ kə́ asə reē rɔ̄ḿ tə́ kanjə̄ kadə̄ i Bɔbə́ḿ ń əlam̄ ní n ndɔ́rə̄n kə̄ rɔ̄ḿ tə́ ní gətóo. Ba deē ń reē rɔ̄ḿ tə́ ní, oy a m-ā m̄-ndólə̄n ta ngóy ndɔ̄ gə̄ tə́.