JA̰A̰ 6:39 - Bibəl ta Sar̄

³⁹ Kem ndigə yā Nge ń əlam̄ ní i kadə̄ m̄-tḭ̄ḭ̄ ta deē kógə̄ḿ dan ngé gə̄ ń ni-adə̄m̄ tə́ ní alé, ba i kadə̄ oyn̄ a m̄-ndól̄də́ ta ngóy ndɔ̄ gə̄ tə́.

Bible sar

³⁹ Kem ndigə yā Nge ń əlam̄ ní i kadə̄ m̄-tḭ̄ḭ̄ ta deē kógə̄ḿ dan ngé gə̄ ń ni-adə̄m̄ tə́ ní alé, ba i kadə̄ oyn̄ a m̄-ndól̄də́ ta ngóy ndɔ̄ gə̄ tə́.

JA̰A̰ 6:39 Referans Kwoze

JA̰A̰ 17:12

Dan ń mā i sedə́ ní, m̄-ngɔ̄m̄də́ kə ta kūl̄ rīí, rīí ń ādə̄m̄ ní. m̄-ngɔ̄m̄də́ ō, ta deē kógə̄ḿ kə́ dandə́ tə́ tḭ̄ḭ̄ aĺ ō, ba i nge ń i gáŕ kadə̄ tan tḭ̄ḭ̄ ní tá ngóy, yā kadə̄ najə̄ kə́ ndang kem makətūbūú reē udəń gírí.

JA̰A̰ 6:40

Tɔdɔ̄ kem ndigə yā Bɔbə́ḿ i kadə̄ náā nəkɔ́ ń a̰a̰ Ngōn̄ ba taā kemən anī, ndi kə kumneé ngándáńg ō, mā m-ā m-ndólə̄n ta ngóy ndɔ̄ gə̄ tə́ ō.

JA̰A̰ 18:9

Ni-əda beé i yā kadə̄ najə̄ ń ni-əda kété ní reē udəń gírí, əda na: Ngé gə̄ ń Bɔbə́ḿ adə̄m̄ sedə́ ní, m̄-tḭ̄ ta kógə̄ḿ alé.

JA̰A̰ 6:54

Nge ń əsa dā̰ḿ ō, a̰ȳ mósə́ḿ ō ní, aw̄ kə ndi kə kumuú kə́ ngándáńg, ba mā m-ā m̄-ndólə̄n ta ngóy ndɔ̄ gə̄ tə́.

JA̰A̰ 6:44

Deē kógə̄ḿ kə́ asə reē rɔ̄ḿ tə́ kanjə̄ kadə̄ i Bɔbə́ḿ ń əlam̄ ní n ndɔ́rə̄n kə̄ rɔ̄ḿ tə́ ní gətóo. Ba deē ń reē rɔ̄ḿ tə́ ní, oy a m-ā m̄-ndólə̄n ta ngóy ndɔ̄ gə̄ tə́.

JA̰A̰ 6:37

De gə̄ malang ń Bɔbə́ḿ adə̄m̄ sedə́ ní, a reēn̄ rɔ̄ḿ tə́, ba deē ń reē rɔ̄ḿ tə́ ní, m-ā m̄-tə̄ɓān ndágá alé.

Makətūbə̄ ń Jud ndang ní 1:1

I mā Jud, nge kəla yā Jeju Kərist kə́ ngōkó̰o̰ Jakə n m̄-ndang makətūbə̄ ń toō m-ə́lań m-ādə̄ ngé gə̄ ń Nə́ɓā ɓāŕdə́ ní, adə̄ i ngé gə̄ ń Bɔbə̄jí Nə́ɓā táŕdə́ ō, Jeju Kərist ngɔ̄m̄də́ ō ní.

Makətūbə̄ ń Pol ndang adə̄ Rom gə̄ ní 8:11

Ré Ndíl nge ń ndól̄ Jeju dan de kə́ koy gə̄ tə́ ní ndi kemsí tə́ anī, nge ń ndól̄ Jeju Kərist dan de kə́ koy gə̄ tə́ ní, a rāā kadə̄ rɔ̄sí kə́ a oy ń toō a ndi kə kumuú kə ta kūl̄ Ndílən ń ndi kemsí tə́ ní.

Najə̄ kə́ Majə yā Jeju ń Luk ndang ní 12:32

Sḭḭ̄ ń ī-toī i tītə̄ ɓūtə̄ yá̰a̰ kul̄ gə̄ kə́ sḛ́ý beē ní, ī-lōōī ɓōĺ. Tɔdɔ̄ nel̄ kem Bɔbə̄sí kadə̄ adə̄sí Ɓē ko̰o̰ yān.

MATIYE 18:14

I tītə̄ ń noō kə Bɔbə̄sí kə́ ndi dɔ rā̰ tə́. Ni gḛy kadə̄ ngáń kə́ dūú gə̄ ń toō ní, ta nge kə́ kógə̄ḿ tḭ̄ḭ̄ alé.

1 PIYER 1:5

Ba sḭḭ̄ kɔ́ gə̄, ré ī-taāī kem anī, Nə́ɓā kə́ tɔ́gən i ngá̰ý a ngɔ̄m̄sí yā kajəsí. Kajə ngeé ń toō ní, a gerə̄n̄ i ta ngóy ndɔ̄ gə̄ tə́.

JA̰A̰ 12:48

Deē ń mbātə́m̄ ō, ndigə najə̄ yāḿ aĺ ō ní, ni-ənge nge gān̄g sarya dɔn tə́ kɔ̄ɔ́ ɓá: Najə̄ ń m-ə́dá ní a gān̄g sarya dɔn tə́ ta ngóy ndɔ̄ gə̄ tə́.

2 TIMOTE 2:19

Ba gíŕ kújə́ ń Nə́ɓā əndā adə̄ ndi ngan̄g ní, to gotoó. Ndangən̄ najə̄ gə̄ ń toō tū tə́ ədan̄ na: Kɔ́ɔ̄ɓē ger̄ ngé gə̄ ń nin̄ i yān gə̄ ní ō, ādə̄ náā nəkɔ́ ń ɓāŕ rī Kɔ́ɔ̄ɓē ní, əya̰ yá̰á̰ kə́ gō tə́ aĺ gə̄ kɔ̄ɔ́ ō.

JA̰A̰ 5:28

Ādə̄ najə̄ ń toō ɔr̄ kumsí alé, tɔdɔ̄ ndɔ̄ a reē noó kadə̄ de gə̄ malang ń ton̄ bəlo yo gə̄ tə́ ní a oōn̄ ndūn ba a teēn̄.

1 SAMUEL 25:29

Kɔ́ɔ̄ḿ, gír̄ ń deē kə́rēý aw̄ń kemən tə́ ní i kógə̄ḿ beē, i ndəle gōí. Deē ní sāā i kadə̄ óy kɔ̄ɔ́. Ba Kɔ́ɔ̄ɓē Nə́ɓā yāí a ngɔ̄mī kadə̄ ā ī-ndi kə kumií kə ndɔ̄ gə̄. Banī ni a ənī koō kajə yā madə̄ ba̰ā̰í gə̄ sa̰y kɔ̄ɔ́ rɔ̄n tə́ tītə̄ kə́ ənī i kə bējēé beē.

JEREMI 23:4

M-ā m-ādə̄də́ ngé kul̄ yá̰a̰ gə̄ kadə̄ a aw̄n̄ sedə́ ko̰ó̰. A ɓōlə́n̄ to̰ aĺ ō, yá̰a̰ a a̰ȳ ndíĺdə́ to̰ aĺ ō, ta kógə̄ḿ a tḭ̄ḭ̄ aĺ ō. Najə̄ ń Kɔ́ɔ̄ɓē əda ní n noó.

MATIYE 10:15

Ādə̄ m-ə́dásí najə̄ kə́ bo ngá̰ý, ndɔ̄ sarya tə́ anī yá̰á̰ ń a reē dɔ ɓē ń noō tə́ ní, yā nang kə́ Sodom ō Gomor ō i só tə́ ngá̰ý tɔȳ yān.

JA̰A̰ 17:2

Tɔdɔ̄ ḭ̄ ādə̄n tɔ́gə dɔ de gə̄ tə́ malang, yā kadə̄ de gə̄ malang ń ḭ̄ ādə̄n ní, ni-adə̄də́ ndi kə kumuú kə́ ngándáńg.

JA̰A̰ 17:6

De gə̄ ń ḭ̄ ɔ̄r̄də́ dan de kə́ dɔ nang tə́ gə̄ tə́ ādə̄m̄ ní, mā m̄-rāā adə̄ nin̄-gerə̄n̄ rīí. Kété nin̄ i yāí gə̄, ba ḭ̄ ādə̄m̄ sedə́ ō, nin̄-rāān̄ yá̰á̰ ń ə́dá ní ō.

JA̰A̰ 17:9

m̄-ndɔ̄yī tām̄ yādə́ tə́. m̄-ndɔ̄ȳ i tām̄ yā de kə́ dɔ nang tə́ gə̄ tə́ alé, banī i tām̄ yā ngé gə̄ ń ḭ̄ adə̄m̄ sedə́ ní tə́, tɔdɔ̄ nin̄ i yāí gə̄.

JA̰A̰ 17:24

Bɔbə́ḿ, m̄-gḛy kadə̄ loo ń mā i tū tə́ ní, ngé gə̄ ń ḭ̄ ādə̄m̄ sedə́ ní nin̄ i tū tə́ seḿ ō, yā kadə̄ a̰ā̰n̄ kɔsə gɔn yāḿ ń ādə̄m̄ ní. Tɔdɔ̄ ḭ̄ ī-tárəm̄ kété pá tá kadə̄ ī-rāā dɔ rā̰ ō dɔ nang ō ɓáý.

1 KORḚNTƏ 6:14

Ba Nə́ɓā ń ndól̄ Kɔ́ɔ̄ɓē ń oy ní, ré j-oyiī anī ni a ndól̄jí kə tɔ́gəneé ō.

JAKƏ 5:15

Tɔdɔ̄ ré ndɔ̄ȳn̄ sɔɔ̄ń taā ń nin̄-taān̄ kem Nə́ɓā ní anī, nge mo̰y ní a ajə. Kɔ́ɔ̄ɓē a unən yā kudən dɔɔ́ ō, a mā̰ȳ rɔ̄n dɔ yá̰á̰ kə́ majaĺ gə̄ ń ni-rāā tə́ ní ō.