JA̰A̰ 6:19 - Bibəl ta Sar̄

¹⁹ Nin̄-nēlə̄n̄ to asə kum mbang kógə̄ḿ, pá tá a̰ā̰n̄ Jeju a njə̄rā dɔ bā bo tə́ a reē kə̄ kadə to tə́, adə̄ ɓōĺ rāādə́.

Bible sar

¹⁹ Nin̄-nēlə̄n̄ to asə kum mbang kógə̄ḿ, pá tá a̰ā̰n̄ Jeju a njə̄rā dɔ bā bo tə́ a reē kə̄ kadə to tə́, adə̄ ɓōĺ rāādə́.

JA̰A̰ 6:19 Referans Kwoze

JA̰A̰ 14:18

M-ā m-ə́yá̰sí hal alé, m-ā m̄-tél yā reē rɔ̄sí tə́.

PĀ GƏ̄ 93:4

Kɔ́ɔ̄ɓē ń ndi dɔ rā̰ tə́ ní tɔ́gən i ngá̰ý! Ni tɔȳ kōō man̄ ń a ɓār̄ ngá̰ý ní ō, tɔȳ kōō bəngál bā bo ń ənda kadə mbal̄ kə tɔ́gɔ́ ní ō.

Makətūbə̄ yā Job 9:8

Ni teē kem dɔ rā̰ kə kérneé ō, njə̄rā dɔ bəngál bā bo gə̄ tə́ ō.

JONAS 1:13

Ngé rāā kəla kem too boó gə̄ nēlə̄n̄ too yā kaw̄ń ta gógə́ tə́, banī nin̄ asən̄ alé. Bəngál man̄ a ḭḭ i kum kə̄ kété kété.

EJEKIEL 27:26

Ngé háy gə̄ nēlīn̄ aw̄n̄ seí dan ɓūlūú ō, néĺ kə́ dūn̄ ɓē tə́ a tétī rárák dan bā boó ō.

PĀ GƏ̄ 29:10

Kɔ́ɔ̄ɓē ndi dɔ man̄ kə́ taā loo tə́, ni-ndi mban̄g ngándáńg.

JEJU TEĒ KUM JA̰A̰ 21:16

Ɓē ní i ɓē kə́ kílən i sɔ́. Ngālə̄n ō laan ō asən̄ naā. De kə́ dɔ rā̰ tə́ mbɔ̄jə́ ngāl̄ ɓē ní kə tə̄ɓā ní anī, ngālə̄n i kəlā kūbə̄ mehḛ́. Ngālən ō, laan ō, ngālə̄n kə́ kə̄ dɔɔ́ ō, asən̄ naā.

JEJU TEĒ KUM JA̰A̰ 14:20

Ba mbə́rēn̄ kan̄ kāgə̄ nduú gə̄ kem bay ní tə́ gidə ɓē tə́ ndágá, adə̄ mósə teē tū tə́. Mósə́ ń teē ní ḭḭ bátə́ ugə̄ tū jámá kə́ ta sə́nda gə̄ tə́ dɔɔ́ ō, laa loo ń mósə taā ní, asə kəlā kūbə̄ dūbú sɔ́ kə kə́ kutə sɔ́sɔ́ ō.

JA̰A̰ 11:18

Betani i ngɔr kə̄ Jerusalem, ngāl̄ róbə́ ní asə kilometər mətá,

Najə̄ kə́ Majə yā Jeju ń Luk ndang ní 24:13

Ndɔ̄ nəkɔ́ ń noō tə́, ngé ndóō yá̰a̰ gə̄ jōó a aw̄n̄ kə̄ ɓē kógə̄ḿ kə́ rīn na i Emaus tə́. Kḭḭ Jerusalem yā kaw̄ tū tə́ deē a njə̄rā kum mbang jōó.

Najə̄ kə́ Majə yā Jeju ń Luk ndang ní 9:42

Ngōn̄ a reē kə̄ rɔ̄n tə́ ɓáý anī ndíĺ kə́ yḛr ní un ənīn nang tə́ tul ō, rāān adə̄ dā̰n ndām̄ ngangan ō. Banī Jeju ndán̄g ndíĺ kə́ yḛr ní ba rāā adə̄ ngōn̄ ní adə̄ rɔ̄n ngan̄g ō, tél adə̄n kə bɔbə̄neé gogə́ ō.

JA̰A̰ 6:18

Nél əla ngá̰ý, adə̄ bəngál man̄ bā ḭḭ pukətu pukətu.

JA̰A̰ 6:20

Banī Jeju ədadə́ na: I mā ba ī-ɓōlíī alé.