JA̰A̰ 5:6 - Bibəl ta Sar̄

⁶ Dan ń Jeju a̰a̰n to nang tə́ ba ger̄ kadə̄ mo̰y rāān i jóó ngá̰ý anī, dəjen na ké gḛy kadə̄ rɔ̄n ngáā wa.

Bible sar

⁶ Dan ń Jeju a̰a̰n to nang tə́ ba ger̄ kadə̄ mo̰y rāān i jóó ngá̰ý anī, dəjen na ké gḛy kadə̄ rɔ̄n ngáā wa.

JA̰A̰ 5:6 Referans Kwoze

HEBƏRO 4:15

Jḭḭ̄ i kə ngol ngé tun̄ yá̰a̰ gə̄ kə́ asə ka̰a̰ tápə̄ sejí najə̄ yā rɔ̄ ngan̄g aĺ yājí tə́. Yá̰a̰ malang ń nāājí ní nāān ō, banī rāā majaĺ alé.

Najə̄ kə́ Majə yā Jeju ń Luk ndang ní 18:41

ké gḛy kadə̄ kə n-rāā i rí tām̄ yān tə́ wa, anī ni-tél ədan na: Kɔ́ɔ̄ɓē, ī-rāā kadə̄ m-á̰a̰ loo!

HEBƏRO 4:13

Yá̰a̰ malang ń Nə́ɓā rāā ní, nge kógə̄ḿ kə́ kumən a̰ā̰ aĺ gətóo. Gíŕ yá̰a̰ malang to i kə̄ dɔ ndágá ta kumən tə́. Kumən aw̄ kə tɔ́gə dɔ yá̰a̰ malang tə́ ō. I ni n j-a j-ɔjiī-n gíŕ yá̰a̰ rāājí gə̄ malang ní ō.

JA̰A̰ 21:17

Ədan nja kə́ nge ko̰ mətá na: Simo̰ ngōn̄ Ja̰a̰, ī-tárəm̄ a? Rɔ̄ Piyer nelə̄n alé, tām̄ dəje ń Jeju dəjen nja kə́ nge ko̰ mətá na ké tárən wa ní. Ba ni-tél ədan na: Kɔ́ɔ̄ɓē, ī-ger̄ yá̰a̰ malang, ī-ger̄ kadə̄ nelə̄m̄ seí. Anī Jeju ədan na: Ūl̄ batə̄ yāḿ gə̄.

IJAI 65:1

Kɔ́ɔ̄ɓē əda na: M-ə̄ndā dɔ rɔ̄ḿ danaá kɔ̄ɔ́ yā kadə̄ m̄-dal najə̄, banī deē dəjem̄ najə̄ alé. M-ə̄ndā dɔ rɔ̄ḿ danaá kɔ̄ɔ́ tām̄ yā kəla tə́, banī de kə́ yā sāā njaḿ kadə̄ m̄-rāā seneé gətóo. M-ə́dá nápar de gə̄ kə́ ɓāŕmə̄n̄ kadə̄ m̄-rāā sedə́ alé na: Mā i laā, mā i laā!

PĀ GƏ̄ 142:3

M-ɔ́jən wur kɔl ń əsō dɔḿ tə́ ní, m-ɔ́jən yá̰á̰ ń tɔȳ dɔḿ ní.

JEREMI 13:27

M-ōō ndūí loo nōō ɓō dəngam tə́ ō, m-á̰a̰ī loo rāā rāȳ tə́ ō, loo rāā ájə́ba kə́ to rɔ̄sɔl̄ tə́ ō. M-á̰á̰ yá̰á̰ kə́ to yḛr kum yāí gə̄ ń ī-rāā dɔ ngán mbal̄ gə̄ tə́ ō, kem ndɔr̄ gə̄ tə́ ō ní. Rɔ̄ ndoō wa, Jerusalem! Ī-mbātə́ kun gōḿ yā tə́goń rɔ̄í kadə̄ unjə̄ i bátə́ ta kə́ rá?

JA̰A̰ 5:5

Deē kógə̄ḿ to noó kə́ mo̰y rāān ɓāl̄ kutə mətá gidə i sɔ́sɔ́.

JA̰A̰ 5:7

Nge mo̰y ní ədan na: Kɔ́ɔ̄ɓē, dan ń man̄ ḭḭ pukətu pukətu ní, m-ə́nge de kə́ yā kənīm̄ kum tə́ alé. Adə̄ dan ń m-ā m-āw̄ ɓáý ní a, de kə́ rang jə̄ngā kété noḿ tə́ kɔ̄ɔ́.