JA̰A̰ 5:45 - Bibəl ta Sar̄

⁴⁵ Ī-lōōī gír̄ kəda na i mā n m-ā m̄-sə̄lā gíŕsí rɔ̄ Bɔbə́ḿ tə́ ní. Nge ń a sə̄lā gíŕsí ní i Moijə, ni ń ə̄ndāī kemsí dɔn tə́ ní.

Bible sar

⁴⁵ Ī-lōōī gír̄ kəda na i mā n m-ā m̄-sə̄lā gíŕsí rɔ̄ Bɔbə́ḿ tə́ ní. Nge ń a sə̄lā gíŕsí ní i Moijə, ni ń ə̄ndāī kemsí dɔn tə́ ní.

JA̰A̰ 5:45 Referans Kwoze

GALATƏ 3:10

Ba ngé gə̄ ń əndān̄ tɔ́gə́də́ i dɔ rāā yá̰á̰ ń ndū najə̄ əda tə́ ní, ndɔ̄ĺ i dɔdə́ tə́. Tɔdɔ̄ i kə́ ndang na: Náā nəkɔ́ ń rāā yá̰a̰ malang ń ndangən̄ kem makətūbə̄ ndū najə̄ tə́ ní aĺ ní i de kə́ ndɔ̄ĺ i dɔn tə́.

Makətūbə̄ ń Pol ndang adə̄ Rom gə̄ ní 2:12

Ngé gə̄ malang ń gerə̄n̄ ndū najə̄ yā Moijə alé ba rāān̄ yá̰á̰ kə́ majaĺ gə̄ ní a oyn̄, ba i kanjə̄ ndū najə̄. Ba ngé gə̄ malang ń gerə̄n̄ ndū najə̄ yā Moijə ba rāān̄ yá̰á̰ kə́ gō tə́ aĺ ní, i ndū najə̄ ń toō n a gān̄g sarya dɔdə́ tə́ ní.

JA̰A̰ 7:19

I Moijə n adə̄sí ndū najə̄ ní aĺ a? Ba deē kógə̄ḿ kə́ dansí tə́ kə́ ngɔ̄m̄ ndū najə̄ gətóo. I tām̄ rí tə́ á ī-sāāī tɔ̄lə̄m̄ ní?

JA̰A̰ 8:9

De gə̄ ń oōn̄ najə̄ ń noō ní ɔrə̄n̄ rɔ̄də́ kógə̄ḿ kógə̄ḿ kɔ̄ɔ́, nga tɔ́gə gə̄ aw̄n̄ kété, pá tá gotə gə̄ aw̄n̄ gōdə́ tə́, adə̄ na̰y i Jeju ngóy nin̄ kə dəyá̰ ń əndānən̄ dandə́ tə́ ní.

Najə̄ kə́ Majə yā Jeju ń Luk ndang ní 16:29

Anī Abəraham ədan na: Najə̄ń Moijə ō, ngé koō ta gə̄ ō ndangən̄ ní i jīdə́ tə́ noō, ādə̄ nin̄-rāān̄ yá̰á̰ ń əda ní!

JA̰A̰ 12:48

Deē ń mbātə́m̄ ō, ndigə najə̄ yāḿ aĺ ō ní, ni-ənge nge gān̄g sarya dɔn tə́ kɔ̄ɔ́ ɓá: Najə̄ ń m-ə́dá ní a gān̄g sarya dɔn tə́ ta ngóy ndɔ̄ gə̄ tə́.