JA̰A̰ 5:42 - Bibəl ta Sar̄

⁴² Tá m̄-ger̄ kadə̄ tár yā Nə́ɓā i kemsí tə́ alé.

Bible sar

⁴² Tá m̄-ger̄ kadə̄ tár yā Nə́ɓā i kemsí tə́ alé.

JA̰A̰ 5:42 Referans Kwoze

1 JA̰A̰ 4:20

Ré deē kógə̄ḿ əda na n-táŕ Nə́ɓā, banī ni-im̄ ngōkó̰o̰n anī, ni i nge sor̄. Tɔdɔ̄ ré deē tár ngōkó̰o̰n ń a̰a̰n kə kumneé ní aĺ anī, Nə́ɓā ń ni-a̰a̰n kə kumneé aĺ ní, loo kadə̄ a tárən i ba̰ý?

1 JA̰A̰ 3:17

Ré deē kógə̄ḿ aw̄ kə yá̰a̰ kənge kə́ dɔ nang tə́ laā ō, a̰a̰ ngōkó̰o̰n kə́ yá̰a̰ tōr̄ rɔ̄n ō, ba kumən o̰o̰n tām̄ yān tə́ aĺ ní, ni-táŕ Nə́ɓā i ba̰ý?

1 JA̰A̰ 2:15

Ī-táriī dɔ nang ń toō aĺ ō, yá̰á̰ kə́ tū tə́ gə̄ aĺ ō. Ré deē kógə̄ḿ tár dɔ nang ń toō anī, tár yā Bɔbə̄ Ngōn̄ gətóo kemən tə́.

JA̰A̰ 2:25

Ni sāā kadə̄ deē ədan najə̄ kə́ dɔ deē tə́ alé, tɔdɔ̄ ni-ger̄ yá̰á̰ kə́ kem deē tə́.

JEJU TEĒ KUM JA̰A̰ 2:23

Tá ɓáý to̰ ní, m-ā m̄-rāā kadə̄ ngánən gə̄ a oyn̄. Loo ń noō tə́ Egəlijə gə̄ malang a gerə̄n̄ kadə̄ mā i nge ger̄ gír̄ kə́ kem deē tə́ ō, nge ger̄ yá̰a̰ gə̄ ń kem deē gḛy ní ō. Yá̰á̰ ń m-ā m̄-rāā sesí kógə̄ḿ kógə̄ḿ ní, i kə gō kəla rāāsí gēé.

Makətūbə̄ ń Pol ndang adə̄ Rom gə̄ ní 8:7

Tɔdɔ̄ ngé gə̄ ń dā̰ rɔ̄də́ o̰o̰ ɓē dɔ rɔ̄də́ tə́ ní, nin̄ i madə̄ ba̰ā̰ Nə́ɓā. Deē ń njə̄rā kə tɔ́gə yā dā̰ rɔ̄ɔ́ ní, əla dɔn gír ndū najə̄ yā Nə́ɓā tə́ alé. Ni asə aĺ bátə́ gə̄gē ɓáý.

JA̰A̰ 21:17

Ədan nja kə́ nge ko̰ mətá na: Simo̰ ngōn̄ Ja̰a̰, ī-tárəm̄ a? Rɔ̄ Piyer nelə̄n alé, tām̄ dəje ń Jeju dəjen nja kə́ nge ko̰ mətá na ké tárən wa ní. Ba ni-tél ədan na: Kɔ́ɔ̄ɓē, ī-ger̄ yá̰a̰ malang, ī-ger̄ kadə̄ nelə̄m̄ seí. Anī Jeju ədan na: Ūl̄ batə̄ yāḿ gə̄.

JA̰A̰ 8:55

kanjə̄ gerə̄n, ba mā m̄-gerə̄n ní. Ré m-ə́da na m̄-gerə̄n aĺ anī, mā i nge sor̄ tītə̄sí. Banī m̄-gerə̄n ō, m̄-rāā yá̰a̰ gə̄ ń ni-əda ní ō.

JA̰A̰ 8:47

Nge ń i deē yā Nə́ɓā ní, a oō najə̄ yā Nə́ɓā. Banī sḭḭ̄ ōōī alé, i tɔdɔ̄ sḭḭ̄ i yā Nə́ɓā alé.

JA̰A̰ 8:42

Jeju tél ədadə́ na: Ré bɔbə̄sí i Nə́ɓā anī, ā ī-tármī, tām̄ m̄-teē i rɔ̄ Nə́ɓā tə́ n m̄-reē toó. m̄-reē i kə dɔḿ alé, banī i ni n əlam̄ ní.

JA̰A̰ 5:44

Sḭḭ̄ i ngé sāā kɔsə gɔn kə́ ḭḭ rɔ̄ naā tə́ gə̄, ba i ngé sāā kɔsə gɔn kə́ ḭḭ rɔ̄ Nə́ɓā tə́ ngóy aĺ ní, loo kadə̄ ā ī-taāī kem i ba̰ý?

Najə̄ kə́ Majə yā Jeju ń Luk ndang ní 16:15

Ba Jeju ədadə́ na: Sḭḭ̄ i ngé kɔjə rɔ̄sí gə̄ ta kum de gə̄ tə́, kadə̄ sḭḭ̄ na i de kə́ súmūú gə̄, ba Nə́ɓā ger̄ kemsí, tɔdɔ̄ yá̰á̰ ń de gə̄ ɔsən̄ kə̄ dɔɔ́ ní i yá̰á̰ kə́ to yḛr kum ngá̰ý ta kum Nə́ɓā tə́.

JA̰A̰ 5:41

Mā m̄-sāā kɔsə gɔn kə́ ḭḭ rɔ̄ deē tə́ alé.

JA̰A̰ 5:43

m̄-reē kə rī Bɔbə́ḿ, ba sḭḭ̄ ə́hɔmī kə̄ rɔ̄sí tə́ alé. Ré de kə́ rang reē kə rīn nəkɔ́ anī, ā ə́hɔniī kə̄ rɔ̄sí tə́.