JA̰A̰ 5:39 - Bibəl ta Sar̄

³⁹ Sḭḭ̄ ī-ndəleī gír najə̄ yā Nə́ɓā, tɔdɔ̄ ī-gírī kadə̄ ā ī-ndiī kə́ kumsí ngándáńg i kə ta kūl̄neé. I makətūbə̄ gə̄ ngeé ń noō n ɔrə̄n̄ najə̄ kə́ kum tə́ yāḿ ní.

Bible sar

³⁹ Sḭḭ̄ ī-ndəleī gír najə̄ yā Nə́ɓā, tɔdɔ̄ ī-gírī kadə̄ ā ī-ndiī kə́ kumsí ngándáńg i kə ta kūl̄neé. I makətūbə̄ gə̄ ngeé ń noō n ɔrə̄n̄ najə̄ kə́ kum tə́ yāḿ ní.

JA̰A̰ 5:39 Referans Kwoze

Najə̄ kə́ Majə yā Jeju ń Luk ndang ní 24:27

Loo ń noō tə́ anī, ni-əla gír dɔ najə̄ yā Moijə tə́ bátə́ gāngəń dɔ najə̄ yā ngé koō ta gə̄ malang tə́, a ɔrə̄ńdə́ kum yá̰a̰ malang kə́ ɔjə dɔn ń ndangən̄ kem makətūbə̄ tə́ ní.

Najə̄ kə́ Majə yā Jeju ń Luk ndang ní 24:44

Gō tə́ anī, ni-ədadə́ na: Najə̄ gə̄ ń m-ə́dásí dan ń mā i sesí ní n toó: I gáŕ kadə̄ m̄-tɔ̄l̄ ta yá̰a̰ malang ń i kə́ ɔjə dɔḿ mā kem makətūbə̄ ndū najə̄ yā Moijə tə́ ō, yā ngé koō ta gə̄ tə́ ō, kem makətūbə̄ Pā gə̄ tə́ ō ní.

KƏLA RĀĀ 17:11

Kem Jipə kə́ Bere tə́ gə̄ majə tɔȳ yā ngé kə́ Tesalonik tə́ gə̄. Nin̄-ndigən̄ najə̄ yā Nə́ɓā láẃ ngá̰ý ō, əndān̄ ma̰ȳ najə̄ kə́ ndang kem makətūbə̄ yā Nə́ɓā tə́ kə dɔ ndɔ̄ gə̄, yā ka̰a̰ń ké najə̄ ń Pol əda ní ké i rɔ̄kum wa ō.

MATIYE 22:29

Jeju tél ədadə́ na: Gír̄ yāsí i gír̄ kə́ gōtə́ alé. Tɔdɔ̄ ī-gerī makətūbə̄ yā Nə́ɓā aĺ ō, ī-gerī tɔ́gə yā Nə́ɓā aĺ ō.

IJAI 34:16

Ré ī-sāāī kem makətūbə̄ yā Kɔ́ɔ̄ɓē tə́ anī, ā ásiī tə́da najə̄ gə̄ ń toō: Dā̰ gə̄ ngeé ń toō ní, nge kógə̄ḿ kə́ na̰y kɔ̄ɔ́ gətóo. I Kɔ́ɔ̄ɓē n i nge kədadə́ yá̰á̰ kə́ kadə̄ rāān̄ ní, i Ndílən n ɔsə dɔdə́ naā tə́ ní.

KƏLA RĀĀ 13:27

Tɔdɔ̄ de kə́ Jerusalem gə̄ ō, ngār yādə́ gə̄ ō, gerə̄n̄ Jeju alé. Tá najə̄ yā ngé koō ta gə̄ ń a tə́dan̄ kə dɔ ndɔ̄ sabat gə̄ malang ní, nin̄-gerə̄n̄ kum aĺ ō. Nin̄-rāān̄ adə̄ najə̄ gə̄ ní reē udən̄ gírí, tɔdɔ̄ nin̄-gāngə̄n̄ sarya dɔn tə́.

JA̰A̰ 5:46

Tɔdɔ̄ ré ī-taāī kem Moijə anī, ā ī-taāī kemḿ mā ō, tām̄ i najə̄ kə́ dɔḿ mā tə́ n ni-ndang kem makətūbūú ní.

JEREMI 8:9

Rɔ̄ ngé kum kedə̄ gə̄ sɔl̄də́, gerə̄n̄ yá̰á̰ kə́ yā rāā alé, əsōn̄ kum gūmbə̄ tə́. Dan ń nin̄ kídə̄n̄ najə̄ yā Kɔ́ɔ̄ɓē ní, yá̰a̰ ger̄ yādə́ kə́ ngá̰ý i rí?

Makətūbə̄ ń Pol ndang adə̄ Rom gə̄ ní 3:2

Jipə gə̄ tɔȳn̄ de kə́ rang gə̄ i kə yá̰a̰ malang. Tɔdɔ̄ i nin̄ n Nə́ɓā ədadə́ najə̄ kété kadə̄ ngɔ̄mə̄n̄ ní.

MARK 12:10

Najə̄ ń ndangən̄ na: I mbal̄ ń ngé kəndā kújə gə̄ mbātə́n̄ kété ní n tél mbal̄ kíĺ kújə́ ní, nge ń noō i kəla rāā Kɔ́ɔ̄ɓē adə̄ i yá̰á̰ kə́ majə to ɓōĺ ngá̰ý ta kumjí tə́ ní, á̰a̰ī kem makətūbə̄ tə́ aĺ a?

JEJU TEĒ KUM JA̰A̰ 19:10

Loo ń noō tə́ m-ə̄sō m-ɔ́sə noḿ nang tə́ kə̄ njan tə́ yā rɔȳnəń, anī ni-ədam̄ na kə m̄-lōō rāā beé na ni na i nge kəla madə́ḿ ō, nge kəla madə̄ ngákó̰ó̰ḿ gə̄ kə́ ngé ngɔ̄m̄ najə̄ kə́ kum tə́ yā Jeju ō. I Nə́ɓā n kadə̄ ī-rɔȳn ní. Tɔdɔ̄ najə̄ kə́ kum tə́ yā Jeju, i ndíĺ ń a rāā kadə̄ deē əda najə̄ kə́ Nə́ɓā əndā tan tə́ ní.

Makətūbə̄ ń Pol ndang adə̄ Rom gə̄ ní 1:2

Najə̄ kə́ Majə ní sɔɔ̄ i dɔ Ngōnən Jeju Kərist ń i Kɔ́ɔ̄ɓē yājí ní. Nə́ɓā nəkɔ́ ənī míndən najə̄n tə́ kété kɔ̄ɔ́, adə̄ ngé koō ta yān gə̄ ndangən̄ kem makətūbə̄ yān tə́.

KƏLA RĀĀ 26:27

Mban̄g Agəripa, ī-taā kem najə̄ kɔr̄ ngé koō ta gə̄ a? Mā m̄-ger̄ majə kadə̄ ḭ̄ ī-taā kem.

JA̰A̰ 7:52

Nin̄-tél ədanən̄ na: Ī-ndəle gír najə̄ kə́ kem makətūbə̄ yā Nə́ɓā tə́, anī ā á̰a̰ā̰ kadə̄ nge koō ta kógə̄ḿ kə́ teē i Galile tə́ gətóo.

JA̰A̰ 5:32

I de kə́ rang n ɔr̄ najə̄ kə́ kum tə́ yāḿ ní, ba m̄-ger̄ kadə̄ najə̄ kə́ kum tə́ ń ni-ɔr̄ ní i rɔ̄kum.

PĀ GƏ̄ 36:9

Nin̄ əsan̄ yá̰á̰ kə́ nel̄ gə̄ kə́ kem kújə yāí tə́ adə̄ ndān̄də́ ō, ādə̄də́ yá̰á̰ kə́ nel̄ yāí gə̄ kə́ ngá̰ý tītə̄ man̄ bā beé ní adə̄ a̰ȳn̄ ō.

NDŪ NAJƏ̄ 18:18

M-ā m-ə́la kə nge koō ta kə́ tītīí yā kadə̄də́. Deē ń m-ā m-ə́la seneé ní i de kə́ gír yādə́ tə́. M-ā m-ə̄ndā najə̄ yāḿ tan tə́, ba yá̰a̰ malang ń m-ā m̄-mērən kədadə́ ní, ni a ədadə́.

NDŪ NAJƏ̄ 18:15

I nge koō ta yā Nə́ɓā kə́ tītə̄ḿ mā Moijə n Kɔ́ɔ̄ɓē Nə́ɓā yāí a əla seneé yā kadī ní. Deē ní i de kə́ gír yāí tə́, i ni n ā ōō najə̄ yān ní.

JA̰A̰ 5:36

Banī mā i kə najə̄ kə́ kum tə́ kə́ bo tɔȳ yā Ja̰a̰. Tɔdɔ̄ kəla gə̄ ń m̄-rāā ní, i kəla gə̄ ń Bɔbə́ḿ adə̄m̄ kadə̄ m̄-rāā m̄-tɔ̄l̄ ta ní. Nin̄-ɔjən̄ najə̄ kə́ kum tə́ yāḿ kadə̄ i Bɔbə́ḿ n əlam̄ ní.

PĀ GƏ̄ 119:11

m̄-ngɔ̄m̄ yá̰a̰ gə̄ ń ɔ́sə kə de gēé ta rāā ní kemḿ tə́, kadə̄ m̄-rāań majaĺ seí alé.

PĀ GƏ̄ 16:11

Ḭ̄ ɔ́jəm̄ róbə́ kə́ aw̄ kə deé tū ndi kə kumuú tə́ adə̄ m̄-ger̄. Ré deē i rɔ̄í tə́ ngɔr anī rɔ̄n nelə̄n ngá̰ý. Rɔ̄nel̄ kə́ ngándáńg i dɔ jī ko̰í tə́.

Najə̄ kə́ Majə yā Jeju ń Luk ndang ní 16:31

Banī Abəraham tél ədan ɓáý to̰ na: Ré nin̄-oōn̄ ta Moijə ō, ngé koō ta gə̄ ō aĺ anī, de kə́ rang, ká i kə́ ndól̄ dan de kə́ koy gə̄ tə́ gə̄gē anī, nin̄ a taān̄ kemən alé.

Gōsə̄ najə̄ gə̄ 6:23

Tɔdɔ̄ yá̰á̰ kə́ kəda kadə̄ yā rāā ní, rāā rɔ̄n i hor lámbá kə́ unjə̄ loo tə́ ō, kɔjə̄ rāā rɔ̄n i loo kə́ unjə̄ kow tə́ ō, ndán̄g loo i yá̰á̰ kə́ a əhɔ əndājí gotoó dɔ róbə ndi kə kumuú tə́ ō.

JOJUE 1:8

Yá̰á̰ ndóō gə̄ ń ton̄ kem makətūbə̄ ndū najə̄ ń toō tə́ ní, ādə̄ i sa̰y rɔ̄í tə́ aĺ ō, ī-toń taí tə́ ndɔ̄ɔ́ ō, kadaá ō, kadə̄ ī-rāań yá̰a̰ malang ń i kə́ ndang kemeé ní. Loo ń noō tə́ yá̰a̰ gə̄ ń ā ī-rāā ní a majən̄ ō, a teēn̄ yá̰a̰ ō.

NDŪ NAJƏ̄ 32:47

Tɔdɔ̄ yá̰á̰ kə́ yā rāā gə̄ ń m-ɔ́jə́sí ní i yá̰á̰ kə́ kanjə̄ kumən alé, tām̄ ā ī-ndiī kə kumsí i kə ta kūl̄də́ ō, ā ī-ndiī ɓāl̄ ngá̰ý dɔ nang ń ā āwī yā taā gidə bā Jurdḛ kə́ dām̄ kə́ nú tə́ ní i kə ta kūl̄də́ ō.

HEBƏRO 11:16

Kə́ rɔ̄kum tə́ tā anī nin̄-gḛyn̄ i ɓē kə́ majə tɔȳ nge ń nin̄-teēn̄ kemeé á reēn̄ ní. Kumən na nin̄-gḛyn̄ i ɓē kə́ dɔ rā̰ tə́. I tām̄ najə̄ ń noō tə́ n ré ɓārə́n̄ Nə́ɓā na i Nə́ɓā yādə́ anī, rɔ̄ Nə́ɓā sɔlə̄n aĺ ní. Tɔdɔ̄ Nə́ɓā rāā ɓē kógə̄ḿ tām̄ yādə́ tə́.

KOLOSƏ 3:16

Kadə̄ Najə̄ yā Kərist ndi kemsí tə́ kə yá̰a̰ kənge kə́ tū tə́ gə̄ malang. Ī-ndóōī naā ō, ɔ̄jī naā ō, kə kum kedēé ngá̰ý. Ādə̄ Nə́ɓā rajəsí ba rāā adə̄ ə̄nīī pā gə̄ kə́ ton̄ kem makətūbə̄ pā gə̄ tə́ ō, pā gə̄ kə́ sḭḭ̄ kɔ́ gə̄ ī-rāāī ɔ́siīneé gɔnən ō, pā gə̄ kə́ Ndíĺ kə́ Táĺ əndā tasí tə́ ō, kə ngarān̄g kemsí gēé malang ādīin̄.

Najə̄ kə́ Majə yā Jeju ń Luk ndang ní 16:29

Anī Abəraham ədan na: Najə̄ń Moijə ō, ngé koō ta gə̄ ō ndangən̄ ní i jīdə́ tə́ noō, ādə̄ nin̄-rāān̄ yá̰á̰ ń əda ní!

DANIEL 12:2

De gə̄ ń to a ɓīīn̄ ɓádá ní, ngá̰ý gə̄ a ndólə̄n̄. Kə́rēý gə̄ ndólə̄n̄ i tām̄ yā ndi kə kumuú kə́ ndándáńg tə́ ō, kə́rēý gə̄ i tām̄ yā rɔ̄sɔl̄ kə́ ngá̰ý tə́ ō, yá̰á̰ kə́ majə ka̰ā̰ aĺ ngá̰ý kə́ a to ngándáńg tə́ ō.

JA̰A̰ 1:45

Pilipə ənge Natanayel anī ədan na: J-ənge nge ń ɔrə̄n̄ najə̄ yān kem makətūbə̄ ndū najə̄ yā Moijə tə́ ō, kem makətūbə̄ yā ngé koō ta gə̄ tə́ ō ní: I Jeju ngōn̄ Jəjep kə́ Najaret.

IJAI 8:20

ī-tūr̄ ə́dain̄ na: Yá̰á̰ ń kadə̄ deē tél reē dɔ tə́ ní, i yá̰á̰ ndóō yā Kɔ́ɔ̄ɓē ō, i najə̄ yā Kɔ́ɔ̄ɓē ō. Deē ń a əda najə̄ ń noō aĺ ní, a a̰a̰ loo kə́ atə wororo kə́ ta gír loo tə́ alé.

PĀ GƏ̄ 21:4

Ḭ̄ ɔ́ý yá̰á̰ kə́ majə gə̄ ngá̰ý dɔí tə́, ī-tə́nań tan yā rāań majə seneé. Ḭ̄ ə́la jākā mbang kə́ rāā kə lɔ́rɔ́ dɔn tə́.

PĀ GƏ̄ 133:3

To i tītə̄ tal kə́ dɔ mbal̄ Hermon tə́, kə́ əhɔ dɔ mbal̄ Siyo̰ tə́. Kɔ́ɔ̄ɓē gḛy rāā majə kə deé ō, kadə̄ deē ndi kə kumneé ngándáńg ō, i loo ń noō tə́.

HEBƏRO 11:35

I kə ta kūl̄ taā kem n dəyá̰ gə̄ tél əngen̄ de gə̄ yādə́ kə́ koy gə̄ kə́ ndólə̄n̄ ní. Rāān̄ de kə́ rang gə̄ yá̰á̰ kə́ tōr̄ ń adə̄ oyn̄. Nin̄-mbātə́n̄ kadə̄ gāngə̄n̄ dɔdə́, yā kadə̄ ré n-oyn̄ anī, n-ndólə̄n̄ dan de kə́ koy gə̄ tə́ ba n-ndin̄ kə kumdə́ ndin̄ kə́ majə tɔȳ kə́ kété.

Najə̄ kə́ Majə yā Jeju ń Luk ndang ní 24:25

Anī Jeju ədadə́ na: Sḭḭ̄ ní kur̄ dɔsí gətóo, tá ɔ́riī bā̰ā̰ ngá̰ý loo taā kem yá̰a̰ gə̄ malang ń ngé koō ta gə̄ ədan̄ tə́ ní.

JA̰A̰ 5:40

Banī sḭḭ̄ ī-ndigiī reē rɔ̄ḿ tə́ kadə̄ ə́ngeīń ndi kə kumuú kə́ rɔ̄kum alé.

MARK 10:3

Ba ni-tél dəjedə́ na ké Moijə əndā dɔdə́ tə́ na i rí wa.