JA̰A̰ 5:3 - Bibəl ta Sar̄

³ Kósə de kə́ ngé mo̰y gə̄ ō, ngé kum tɔ̄ɔ̄ gə̄ ō, ngé tə́sō motə gə̄ ō, ngé kə́ dām̄ rɔ̄də́ oy gə̄ ō, ton̄ gíŕ kújə́ kə́ ta róbə́ tə́ ngeé ń noō tə́ ngá̰ý. Nin̄-ngóōn̄ i ta man̄ kə́ kadə̄ ḭḭ pukətu pukətu.

Bible sar

³ Kósə de kə́ ngé mo̰y gə̄ ō, ngé kum tɔ̄ɔ̄ gə̄ ō, ngé tə́sō motə gə̄ ō, ngé kə́ dām̄ rɔ̄də́ oy gə̄ ō, ton̄ gíŕ kújə́ kə́ ta róbə́ tə́ ngeé ń noō tə́ ngá̰ý. Nin̄-ngóōn̄ i ta man̄ kə́ kadə̄ ḭḭ pukətu pukətu.

JA̰A̰ 5:3 Referans Kwoze

Najə̄ kə́ Majə yā Jeju ń Luk ndang ní 7:22

Gō tə́ anī ni-tūr̄ əda de gə̄ ń Ja̰a̰ əladə́ ní na: Yá̰á̰ ń sḭḭ̄ á̰a̰ī ō, ōōī ō ní āw̄ ɔ́jiī Ja̰a̰ gotə: Ngé kum tɔ̄ɔ̄ gə̄ a̰a̰n̄ loo ō, ngé tə́sō motə gə̄ tél njə̄rān̄ majə ō, bānjə̄ ur̄ kɔ̄ɔ́ rɔ̄ ngé bānjə̄ gə̄ tə́ ō, mbíkī gə̄ oōn̄ loo ō, de kə́ koy gə̄ ndólə̄n̄ ō, ngé ndoō gə̄ oōn̄ Najə̄ kə́ Majə ō.

MATIYE 15:30

Anī kósə de gə̄ reēn̄ rɔ̄n tə́ kə ngé tə́sō motə gə̄ ō, ngé kum tɔ̄ɔ̄ gə̄ ō, kə de kə́ jīdə́ aláa njadə́ gán̄g gə̄ ō, ngé kə́ gír kəlā ndo̰də́ do̰ō̰ naā gə̄ ō, ngé mo̰y kə́ rang gə̄ ngá̰ý ɓáý to̰ ō. Tə́nīn̄də́ nja Jeju tə́, anī ni-rāā adə̄ rɔ̄də́ ngáā.

JAKARI 11:17

I yá̰á̰ kə́ to kum kaȳ aĺ kə́ ba̰ý beē tām̄ yā nge kul̄ yá̰á̰ kə́ ger̄ yá̰a̰ aĺ ngá̰ý, kə́ əya̰ yá̰a̰ kul̄ gə̄ kɔ̄ɔ́ tə́! Ādə̄ ta rɔ̄ɔ̄ tə́ ɓáa jīn kə́ ko̰ó̰ gān̄g kɔ̄ɔ́ ō, kumən kə́ dām̄ kə́ ko̰ó̰ tə́ ɔr̄ kɔ̄ɔ́ ō! Ādə̄ jīn i kə́ tutə njururu malang ō, ādə̄ kumən kə́ dām̄ kə́ ko̰ó̰ tə́ a̰a̰ loo to̰ aĺ ō!

NŌŌ RƆ̄ 3:26

Majə kadə̄ deē əndā kemən dɔ kajə yā Kɔ́ɔ̄ɓē tə́ kə tan kə́ mbóó.

JAKƏ 5:7

Tā anī ngákó̰ó̰ḿ gə̄, ī-tə́gāī tasí bátə́ kadə̄ Kɔ́ɔ̄ɓē reē ugə̄ń. Á̰a̰ī nge ndɔr̄ loo ngóō kōō ń i yá̰á̰ kə́ majə ngá̰ý tām̄ yān tə́ kə́ teē dɔ nang tə́ ní: Ni-tə́gā tan bátə́ kadə̄ man̄ kə́ ta kəga dɔ edə ō, man̄ kaw̄ ɓēé edə ō.

Makətūbə̄ ń Pol ndang adə̄ Rom gə̄ ní 8:25

Banī yá̰á̰ ń á̰a̰ kə kumií aĺ ɓáý ní ré əndā kemií dɔ tə́ anī, ā ī-tə́gā i taí loo ngóō ta tə́.

Gōsə̄ najə̄ gə̄ 8:34

Rɔ̄nel̄ i kə ngé gə̄ ń oōn̄ najə̄ yāḿ ní, ngé gə̄ ń ran̄ ta róbə yāḿ tə́ kə dɔ ndɔ̄ gə̄ ō, ndin̄ kə kumdə́ já̰já̰ ta róbə́ kújə yāḿ tə́ bátə́ loo tīī ní ō.

1 MBAN̄G GƏ̄ 13:4

Dan ń mban̄g Jeroboam oō najə̄ ń deē yā Nə́ɓā əda dɔ loo tun̄ yá̰á̰ kə́ Betel tə́ ní anī, əla jīn dɔ loo tun̄ yá̰á̰ tə́ kum kə̄ rɔ̄ deē yā Nə́ɓā tə́ ba əda na: Əhɔniī! Banī jīn ń əla kə̄ dɔ deē yā Nə́ɓā tə́ ní tutə njururu, adə̄ asə téləń kə̄ rɔ̄n tə́ to̰ alé.

MATIYE 4:24

Lūlūn ɓār̄ gō nang kə́ Siri tə́ malang, adə̄ de gə̄ reēn̄ kə ngé mo̰y gə̄ ō, ngé rɔ̄ tōr̄ kə́ tayā tayā gə̄ ń i ngé ndíĺ kə́ majaĺ gə̄ ō, ngé kəsō yel̄ gə̄ ō, ngé lígə̄rī gə̄ ō ní rɔ̄n tə́. Ba ni-rāā adə̄ rɔ̄də́ ngáā.

JA̰A̰ 5:2

Kem ɓē kə́ Jerusalem tə́ ní, gár̄ man̄ kógə̄ḿ i noó, i ngɔr kə̄ ta róbə́ kə́ yā kudəń kə batə̄ gēé tə́. Dabə kə́ rāā kə mbalá gə̄ i mí ta tə́. A ɓārə́n̄ gár̄ man̄ ní kə ta Hebəro na i Betjata.

JA̰A̰ 5:4

Tɔdɔ̄ de kə́ dɔ rā̰ tə́ yā Kɔ́ɔ̄ɓē a jə̄ngā kum man̄ kə́ kem gár̄ man̄ ní tə́ dan kə́rēý gə̄ tə́ yā pukə́tū man̄ ní. Ba nge mo̰y ń risə kum tə́ kété loo ń man̄ ḭḭ pukətu pukətu ní, ká mo̰y yān i mo̰y kə́ ba̰ý gə̄gē anī, rɔ̄n a ngáā.