JA̰A̰ 5:25 - Bibəl ta Sar̄

²⁵ Ādə̄ m-ə́dásí najə̄ kə́ bo ngá̰ý, ndɔ̄ ń kadə̄ de kə́ koy gə̄ a oōń ndū Ngōn̄ Nə́ɓā ní a reē, ń toō ndɔ̄ ní ugə̄ ɓá, ba ngé gə̄ ń a oōn̄ ndūn ní a ndin̄ kə kumdə́.

Bible sar

²⁵ Ādə̄ m-ə́dásí najə̄ kə́ bo ngá̰ý, ndɔ̄ ń kadə̄ de kə́ koy gə̄ a oōń ndū Ngōn̄ Nə́ɓā ní a reē, ń toō ndɔ̄ ní ugə̄ ɓá, ba ngé gə̄ ń a oōn̄ ndūn ní a ndin̄ kə kumdə́.

JA̰A̰ 5:25 Referans Kwoze

JA̰A̰ 5:28

Ādə̄ najə̄ ń toō ɔr̄ kumsí alé, tɔdɔ̄ ndɔ̄ a reē noó kadə̄ de gə̄ malang ń ton̄ bəlo yo gə̄ tə́ ní a oōn̄ ndūn ba a teēn̄.

EPEJƏ 5:14

tɔdɔ̄ yá̰a̰ malang ń deē teē kə gírneé ndágá ní a tél i loo kə́ unjə̄ kow. I tām̄ ń toō tə́ n ədan̄ na: Ḭ̄ ń ī-ɓīī ní, ī-ndól̄, ḭ́ḭ dɔɔ́ dan de kə́ koy gə̄ tə́, anī Kərist a unjə̄ kow dɔí tə́.

EPEJƏ 2:5

Tɔdɔ̄ jḭḭ̄ ń j-oyiī kɔ̄ɔ́ sɔɔ̄ń yá̰á̰ kə́ gō tə́ aĺ gə̄ ń jə-rāāī ní, ni-rāā adə̄ jə-ndiī kə kumjí naā tə́ kə Kərist. Loo ń noō tə́ ní rajən̄sí i mbée n ajən̄sí ní.

JA̰A̰ 4:23

Banī kum mbang a reē noó, ba kum mbang ní ugə̄ kɔ̄ɔ́. Kum mbang ngeé ń noō tə́ ní, ngé rɔȳ kə́ rɔ̄kum gə̄ a rɔȳn̄ Bɔbə̄ Ngōn̄ i kə ta kūl̄ Ndíl ō, kə́ rɔ̄kum tə́ ō. Tɔdɔ̄ i ngé rɔȳ kə́ tītə̄ ń noō gə̄ n Bɔbə̄ Ngōn̄ a sāādə́ ní.

JEJU TEĒ KUM JA̰A̰ 3:1

Ī-ndang najə̄ ń toō ādə̄ de kə́ dɔ rā̰ tə́ yā Egəlijə kə́ Sardə. Najə̄ ń deē ń ndíĺ kə́ sīrí gə̄ yā Nə́ɓā ō, tə́yō̰ kə́ sīrí gə̄ ō i jīn tə́ əda ní n toó: m̄-ger̄ kəla rāāī gə̄, ḭ̄ i de kə́ rīí ɓār̄ kadə̄ na ī-ndi kə kumií, banī ḭ̄ i de kə́ koy kɔ̄ɔ́.

JA̰A̰ 8:47

Nge ń i deē yā Nə́ɓā ní, a oō najə̄ yā Nə́ɓā. Banī sḭḭ̄ ōōī alé, i tɔdɔ̄ sḭḭ̄ i yā Nə́ɓā alé.

KOLOSƏ 2:13

Sḭḭ̄ ń kété óyiī kɔ̄ɔ sɔɔ̄ ń yá̰a̰ rāāsí kə́ gōtə́ aĺ gə̄ ō, sɔɔ̄ ń kəja kə́ sḭḭ̄ ə́jaī mɔtəsí aĺ ō ní, Nə́ɓā rāā adə̄ ī-tél ī-ndiī kə kumsí gogə́ naā tə́ kə Kərist: Ni-mā̰ȳ rɔ̄n dɔ yá̰a̰ rāājí kə́ gō tə́ aĺ gə̄ tə́ malang.

EPEJƏ 2:1

Sḭḭ̄ ń óyiī kɔ̄ɔ́ sɔɔ̄ń yá̰á̰ kə́ gō tə́ aĺ gə̄ ō, kə́ majaĺ gə̄ ō

Makətūbə̄ ń Pol ndang adə̄ Rom gə̄ ní 6:4

Batéḿ ń rāān̄jí ní, rāān̄jí i batém koy ń j-oyiī naā tə́ kə Kərist adə̄ dubə̄n̄jí naā tə́ seneé ní. I yā kadə̄ tītə̄ ń kɔsə gɔn yā Bɔbə̄ Ngōn̄ ndóləń Kərist dan de kə́ koy gə̄ tə́ ní, jḭḭ̄ jə-ndiī kə kumjí ndi kə́ kijə ō.

JA̰A̰ 8:43

I tām̄ rí tə́ á sḭḭ̄ ī-gerī kum najə̄ yāḿ aĺ ní? I tɔdɔ̄ sḭḭ̄ ásiī koō najə̄ yāḿ alé.

JA̰A̰ 5:21

Tītə̄ ń Bɔbə̄ Ngōn̄ ndól̄ de kə́ koy gə̄ ba rāā adə̄ ndin̄ kə kumdə́ ní, tītə̄ ń toō Ngōn̄ rāā adə̄ ngé gə̄ ń ni-ndigədə́ ní ndin̄ kə kumdə́ ō.

Najə̄ kə́ Majə yā Jeju ń Luk ndang ní 15:24

tɔdɔ̄ ngōnə̄ḿ ń toō oy i mbée, ba ngɔlaā ni-tél ajə gogə́, tan tḭ̄ḭ̄ i mbée ba j-əngeniī kɔ̄ɔ́ tā. Loo ń noō tə́ nin̄-əlan̄ gír rāā rɔ̄nel̄.

Najə̄ kə́ Majə yā Jeju ń Luk ndang ní 9:60

Banī Jeju ədan na: Ə́yá̰ ngé gə̄ ń oyn̄ kɔ̄ɔ́ ní ādə̄ dubə̄n̄ nīń yādə́ gə̄, ba ḭ̄, āw̄ ɔ́jə de gə̄ najə̄ kə́ dɔ Ɓē ko̰o̰ yā Nə́ɓā tə́.

JA̰A̰ 4:21

Jeju ədan na: Dəyá̰, ī-taā kemḿ, ndɔ̄ a reē noó kadə̄ ā ī-rɔyī i dɔ mbal̄ ń toō tə́ aĺ ō, i Jerusalem aĺ ō.

Najə̄ kə́ Majə yā Jeju ń Luk ndang ní 15:32

Ba majə ngá̰ý kadə̄ jə-rāāī yá̰á̰ kə́ to rɔ̄nel̄ gə̄, jə-rāāīneé rɔ̄nel̄, tɔdɔ̄ ngōkó̰ó̰í ń toō ní oy i mbée, ba tél ajə gogə́, ni-tan tḭ̄ḭ̄, ba ngɔlaā j-əngeniī kɔ̄ɔ́ tā.

JA̰A̰ 17:1

Dan ń Jeju ɔr̄ najə̄ beé oy anī, ənī kumən kə̄ dɔɔ́ dɔ rā̰ tə́, ba əda na: Bɔbə́ḿ, mbang asə, ɔ́sə gɔn Ngōnīí ādə̄ Ngōnīí ɔsə gɔnií ō.

JA̰A̰ 13:1

Kété no nāā Pákə tə́ ní, Jeju ger̄ kadə̄ kum mbang yān asə. I mbang ń kadə̄ əya̰ń de kə́ dɔ nang tə́ gə̄ ba aw̄ń rɔ̄ Bɔbə̄n tə́ ní. Ni ń tár deē yān gə̄ kə́ dɔ nang tə́ kə dɔ ndɔ̄ gə̄ ní, táŕdə́ mbóńg ta tɔ̄l̄ tə́.

JA̰A̰ 6:60

Loo ń ngé ndóō yá̰a̰ yān gə̄ oōn̄ najə̄ ń toō ní anī, ngá̰ý gə̄ dandə́ tə́ ədan̄ na najə̄ ń toō na ngan̄g ngá̰ý, ní ké i náā n asə koō wa.

JA̰A̰ 9:27

Ni-tél ədadə́ na: M-ə́dásí kɔ̄ɔ́ ɓá, banī sḭḭ̄ ōōī najə̄ yāḿ alé. I tām̄ rí tə́ á ī-sāāī kadə̄ m-ə́da ɓáý kadə̄ ōōī ní? Ī-sāāī kadə̄ ī-téliī ngé ndóō yá̰a̰ yān gə̄ ō a?