JA̰A̰ 5:23 - Bibəl ta Sar̄

²³ yā kadə̄ de gə̄ malang rɔȳn̄ Ngōn̄ tītə̄ ń rɔȳn̄neé Bɔbə̄ Ngōn̄ ní. Nge ń rɔȳ Ngōn̄ aĺ ní, a rɔȳ Bɔbə̄ Ngōn̄ ń əla Ngōn̄ ní aĺ ō.

Bible sar

²³ yā kadə̄ de gə̄ malang rɔȳn̄ Ngōn̄ tītə̄ ń rɔȳn̄neé Bɔbə̄ Ngōn̄ ní. Nge ń rɔȳ Ngōn̄ aĺ ní, a rɔȳ Bɔbə̄ Ngōn̄ ń əla Ngōn̄ ní aĺ ō.

JA̰A̰ 5:23 Referans Kwoze

1 JA̰A̰ 2:23

Tɔdɔ̄ deē ń mbātə́ Bɔbə̄ Ngōn̄ ní, mbātə́ i Ngōn̄. Ba deē ń əda najə̄ yā Ngōn̄ tan tə́ anī, Bɔbə̄ Ngōn̄ i seneé.

Najə̄ kə́ Majə yā Jeju ń Luk ndang ní 10:16

Jeju əda ngé ndóō yá̰a̰ yān gə̄ ɓáý to̰ na: Deē ń oō najə̄ tasí tə́ ní kɔ́ɔ̄ oō najə̄ i taḿ mā tə́ ō, deē ń mbātə́sí ní kɔ́ɔ̄ mbātə́m̄ i mā ō. Ba deē ń mbātə́m̄ mā ní kɔ́ɔ̄ mbātə́ i deē ń əlam̄ mā ní.

2 JA̰A̰ 1:9

Náā nəkɔ́ ń ra dɔ yá̰á̰ ndóō yā Kərist tə́ alé banī mān̄ dɔ tə́ kum kə̄ kété ní, Nə́ɓā i seneé alé. Deē ń ra dɔ yá̰á̰ ndóō yā Kərist tə́ ní, Bɔbə̄ Ngōn̄ i seneé ō, Ngōn̄ nəkɔ́ i seneé ō.

MATIYE 11:27

Bɔbə́ḿ əla yá̰a̰ malang gír jīḿ tə́. Deē kógə̄ḿ kə́ gerə̄m̄ mā Ngōnən gətóo, ba i Bɔbə́ḿ nəkɔ́ tá ngóy ō, deē kógə̄ḿ kə́ ger̄ Bɔbə́ḿ gətóo, ba i mā Ngōnən nəkɔ́ tá ngóy ō, deē ń mə̄kɔ́ ngōn̄ m̄-ndigə teē kumən dɔn tə́ ní tá ngóy ō.

HEBƏRO 1:6

Banī loo ń əla Ngōn̄ hágə̄n dɔ nang tə́ ní, ni-əda na: Ādə̄ de kə́ dɔ rā̰ tə́ gə̄ malang yā Nə́ɓā ɔsən̄ nodə́ nang tə́ non tə́.

EPEJƏ 6:24

De gə̄ malang ń tárən̄ Kɔ́ɔ̄ɓē yājí Jeju Kərist kə táŕ kə́ a to ngándáńg ní, ādə̄ Nə́ɓā rāā kem majə sedə́.

2 PIYER 3:18

Banī āwī kum kə̄ kété kété tū kem majə yā Nə́ɓā tə́ ō, tū ger̄ Jeju Kərist ń i Kɔ́ɔ̄ɓē yājí ō nge kajəjí ō ní tə́ ō. Kɔsə gɔn i yān ngɔr ń toō tə́ ō, bátə́ kə̄ no tə́ ō! Adə̄ i tītə̄ ń noō.

Makətūbə̄ ń Pol ndang adə̄ Rom gə̄ ní 8:9

Ba ré ī-rāāī yá̰a̰ i kə gō kem ndigə yā dā̰ rɔ̄ɔ́ alé anī, ā ī-rāāī yá̰a̰ i kə gō kem ndigə yā Ndíĺ kə́ Táĺ, tām̄ Ndíl yā Nə́ɓā ndi kemsí tə́. Ré deē kógə̄ḿ ənge Ndíl Kərist aĺ anī, ni i deē yān alé.

1 KORḚNTƏ 10:31

I beé ní, ká ré ə́saīneé i yá̰a̰, aké ā̰yīneé i yá̰a̰, aké ī-rāāīneé i rí gə̄gē anī, ī-rāāī yá̰a̰ malang yā kadə̄ ɔ́siīneé gɔn Nə́ɓā.

Makətūbə̄ ń Pol ndang adə̄ Rom gə̄ ní 6:22

Ba ngɔlaā sḭḭ̄ ī-teēī kɔ̄ɔ́ ɓəlo rāā yá̰á̰ kə́ majaĺ tə́ banī sḭḭ̄ i ɓəlo gə̄ yā Nə́ɓā. Yá̰á̰ ń ə́ngeī tū tə́ ní i háĺsí ń ɔjə kadə̄ sḭḭ̄ i de kə́ táĺ gə̄ ní. Ta tɔ̄l̄ tasí anī ā ə́ngeī i ndi kə kumuú kə́ ngándáńg.

JA̰A̰ 16:14

Ni a ɔsə gɔnəḿ, tɔdɔ̄ a taā dām̄ yá̰a̰ yāḿ yā kədasí.

1 KORḚNTƏ 6:19

Ndíĺ kə́ Táĺ ń Nə́ɓā adə̄sí á ndi kemsí tə́ ní, rɔ̄sí i kújə ndin ní ī-gerī aĺ a? Rɔ̄sí i yá̰á̰ yāsí alé.

MATIYE 12:21

Nápar de gə̄ a əndān̄ kemdə́ dɔn tə́.

2 TIMOTE 1:12

I tām̄ najə̄ ń noō tə́ n yá̰á̰ kə́ tōr̄ gə̄ ń toō a rāāmə̄n̄neé ní, Banī rɔ̄ḿ sɔlə̄m̄ najə̄n tə́ alé. Tɔdɔ̄ m̄-ger̄ deē ń m̄-taā kemən ní ō, m̄-ger̄ majə kadə̄ ni-asə ngɔ̄m̄ yá̰á̰ ń ɓɔ̄ɔ̄mə̄n̄ ní bátə́ ndɔ̄ ngeé ń noō tə́ ō.

2 KORḚNTƏ 5:19

Tɔdɔ̄ kété Nə́ɓā rāā kəla kə ta kūl̄ Kərist, əndāń de gə̄ malang naā tə́ seneé, kanjə̄ kəhɔ gíŕ yá̰á̰ kə́ gō tə́ aĺ gə̄ ń nin̄-rāān̄ ní. Ba kəla kəndā de gə̄ naā tə́ seneé ngeé ń toō ní, ni-əndā kəla kəda de gə̄ najə̄n dɔjí tə́.

2 KORḚNTƏ 1:9

Jḭḭ j-ɔjəń na jḭḭ na i de kə́ gāngə̄n̄ sarya yo dɔjí tə́ kɔ̄ɔ́ ɓá. Banī yá̰a̰ gə̄ rāān̄ yá̰a̰ beé i yā kadə̄ jə-ndóoń kəndā kemjí dɔ rɔ̄jí jḭḭ kɔ́ gə̄ tə́ alé, ba i yā kadə̄ j-əndāń kemjí dɔ Nə́ɓā ń i nge ndól̄ de kə́ koy gə̄ ní tə́.

1 KORḚNTƏ 1:3

Ādə̄ Bɔbə̄jí Nə́ɓā nin̄ kə Kɔ́ɔ̄ɓē Jeju Kərist rāān̄ kem majə sesí ō, sɔlə̄n̄ kemsí ō.

JA̰A̰ 14:1

Jeju əda ngé ndóō yá̰a̰ yān gə̄: Ādī kemsí sōl̄ alé: Ī-taāī kem Nə́ɓā ō, ī-taāī kemḿ mā ō.

MATIYE 10:37

Deē ń tár bɔbə̄n aláa kó̰o̰n tɔȳm̄ ní, kɔ́ɔ̄ asə tél deē yāḿ alé. Deē ń tár ngōnən kə́ dəngam aláa kə́ dəyá̰ tɔȳm̄ ní, kɔ́ɔ̄ asə tél deē yāḿ alé.

JAKARI 9:9

Ɓē kə́ Siyo̰, ī-ndām̄ kə tɔ́gí gēé malang! A̰á̰ā̰, ɓē kə́ Jerusalem, ə́ga kɔŕ rɔ̄nel̄! Á̰a̰ā̰, mban̄g yāí a reē kə́ rɔ̄í tə́. Ni i de kə́ nge rāā yá̰á̰ kə́ gōtə́ ō, nge tetə rɔ̄ɔ̄ ō, ni i de kə́ najə̄n gətóo ō. Ni-ndi i gidə kərō kógə̄ḿ tə́, adə̄ i gidə ngōn̄ kərōó kógə̄ḿ kə́ kó̰o̰n i noó tə́.

IJAI 45:21

Ɔ̄rī najə̄, ī-teēī kə yá̰a̰ gə̄ kə́ ɔjən̄ kadə̄ najə̄ yāsí i rɔ̄kum gə̄. Ī-tɔ́tī naā dɔ najə̄ tə́. Yá̰á̰ a rāā yá̰a̰ ngɔlaā toó, i náā n əda najə̄n kété adə̄ gerə̄n̄ ní? I náā n əda najə̄n kété jóó ní? I mā Kɔ́ɔ̄ɓē aĺ a? Nə́ɓā kə́ rang gətóo, i mā ngóy. Mā i Nə́ɓā kə́ nge rāā yá̰a̰ gōtə́, Nə́ɓā kə́ nge kajə deē. Nə́ɓā kə́ rang gətóo i mā ngóy.

PĀ GƏ̄ 2:12

Ī-rɔyī ngōn̄, na sōgə́ wōn̄g rāān anī ā óyiī róbó. Yá̰á̰ kə́ sḛ́ý beē gə̄gē anī wōn̄g rāān kɔ̄ɔ́. De gə̄ malang ń ni i loo ɓɔ̄ɔ̄ rɔ̄ yādə́ ní rɔ̄də́ nel̄də́.

2 KORḚNTƏ 5:14

Tɔdɔ̄ tár yā Kərist o̰o̰ ɓē dɔjí tə́, jḭḭ ń jə-ger̄ majə ngá̰ý kadə̄ de kə́ kal kógə̄ḿ beē oy tām̄ yā de kə́ ngá̰ý gə̄ tə́ ní. Kumən na nin̄ malang oyn̄ seneé.

1 KORḚNTƏ 16:22

Ré de kə́rēý táŕ Kɔ́ɔ̄ɓē Jeju Kərist aĺ anī, ādə̄ ndɔ̄ĺ i dɔn tə́. Marana ta.

Makətūbə̄ ń Pol ndang adə̄ Rom gə̄ ní 15:12

Ba Ijai əda ɓáý to̰ ō, əda na: Ngōn̄ kaa Jese kógə̄ḿ a reē. I ni n a ḭḭ dɔɔ́ yā ndi dɔ nápar de gə̄ tə́ ní. Nápar de gə̄ a əndān̄ kemdə́ i dɔn tə́.

Makətūbə̄ ń Pol ndang adə̄ Rom gə̄ ní 1:7

Ní, m-ə́la kə makətūbūú m-ādə̄sí, sḭḭ̄ kó tár yā Nə́ɓā gə̄ ń ī-ndiī Rom á Nə́ɓā ɓāŕsí kadə̄ ī-téliī ngé yān gə̄ ní. Ādə̄ Bɔbə̄jí Nə́ɓā nin̄ kə Kɔ́ɔ̄ɓē Jeju Kərist rāān̄ kem majə sesí ō, sɔlə̄n̄ kemsí ō.

JA̰A̰ 17:10

Ba yá̰a̰ malang ń i yāḿ ní i yāí ō, yá̰a̰ yāí malang i yāḿ ō, kɔsə gɔn yāḿ ɔjə rɔ̄n kə̄ ndágá rɔ̄də́ tə́ ō.

MATIYE 28:19

Ní, āwī kə̄ dan nápar de gə̄ tə́ malang, ī-rāāī ādə̄ de gə̄ télən̄ ngé ndóō yá̰a̰ yāḿ gə̄. Ī-rāāīdə́ batém kə rī Bɔbə̄ Ngōn̄ ō, Ngōn̄ ō, Ndíĺ kə́ Táĺ ō.

IJAI 44:6

Yá̰á̰ ń Kɔ́ɔ̄ɓē ō, mban̄g ō, nge gān̄g dɔ Israel ō, Kɔ́ɔ̄ɓē kə́ bo kə́ tɔ́gən i ngá̰ý, əda ní n toó: Mā i ta kəla gíŕ yá̰a̰ malang tə́ ō, ta tɔ̄l̄ ta yá̰a̰ malang tə́ ō. Nə́ɓā kə́ rang gətóo, i mā ngóy n i Nə́ɓā ní.

IJAI 42:8

Mā i Kɔ́ɔ̄ɓē, rīḿ n noó. M-ā m-ún kɔsə gɔn yāḿ yā kadə̄ de kə́ rang alé. M-ā m-ə́ya̰ tɔ̄ȳ kə́ tām̄ yāḿ tə́ yā kadə̄ yá̰á̰ kə́ tɔ́sə̄ kum gotə nə́ɓā kə́ rɔ̄kum aĺ gə̄ alé.

2 PIYER 1:1

I mā Simo̰ Piyer ń i nge kəla yā Jeju Kərist ō, ngōmbang kəla yān ō ní n m̄-ndang makətūbə̄ ń toō m-ə́lań m-ādə̄ ngé gə̄ ń əngen̄ taā kem kə́ gātə̄n i ngá̰ý tītə̄ yājí, kə ta kūl̄ kəla kə́ gōtə́ yā Nə́ɓā yājí ō, Jeju Kərist nge kajəjí ō ní.

IJAI 45:15

Nə́ɓā yā Israel, ḭ̄ ń i nge kajə deē ní, ḭ̄ i Nə́ɓā kə́ to loo ɓɔ̄ɔ̄ tə́ rɔ̄kum.

MATIYE 15:8

De gə̄ ń toō rɔȳmə̄n̄ i kə tadə́ karī, ba kemdə́ i sa̰y rɔ̄ḿ tə́.