JA̰A̰ 5:22 - Bibəl ta Sar̄

²² Bɔbə̄ Ngōn̄ gān̄g sarya yā deē alé, banī sarya malang ní, ni-adə̄ i Ngōn̄ kadə̄ gān̄g,

Bible sar

²² Bɔbə̄ Ngōn̄ gān̄g sarya yā deē alé, banī sarya malang ní, ni-adə̄ i Ngōn̄ kadə̄ gān̄g,

JA̰A̰ 5:22 Referans Kwoze

JA̰A̰ 5:27

Ba ni-adə̄n tɔ́gə kadə̄ gāngə̄ń sarya tām̄ ni i Ngōn̄ Deē.

KƏLA RĀĀ 17:31

Tɔdɔ̄ ni-gān̄g ndɔ̄ ń kadə̄ a gāngəń sarya kə́ gōtə́ dɔ de gə̄ malang kə́ dɔ nang tə́ ní kɔ̄ɔ́. Ni a gān̄g sarya ní i kə ta kūl̄ deē ń ni-əndān ní. Deē ní oy banī ni-ndólə̄n, ɔjəń de gə̄ malang kadə̄ n-a n-gān̄g sarya ní i kə ta kūl̄ deē ní rɔ̄kum.

2 KORḚNTƏ 5:10

Tɔdɔ̄ i gáŕ kadə̄ jḭḭ̄ malang jə-raī no Kərist tə́, yā kadə̄ ni-gān̄g sarya dɔjí tə́. Loo ń noō tə́ deē kógə̄ḿ kógə̄ḿ a ənge yá̰á̰ gír kəla rāān kə́ majə, aké kə́ majaĺ tə́, adə̄ i yá̰a̰ gə̄ ń ni rāādə́ dan ń ni ndiń kə kumneé ɓáý tə́ ní.

MATIYE 28:18

Jeju reē rɔ̄də́ tə́ ngɔr ba ɔr̄ najə̄ ń toō sedə́, ədadə́ na: Adə̄mə̄n̄ tɔ́gə malang dɔ yá̰á̰ kə́ dɔ rā̰ tə́ gə̄ tə́ ō, dɔ yá̰á̰ kə́ dɔ nang tə́ gə̄ tə́ ō.

KƏLA RĀĀ 10:42

Ni ədají na kə j-əda ngán Israel gə̄ najə̄ ń toō, kə j-ənī mbēr̄ kə j-əda na i ni n Nə́ɓā əndān nge gān̄g sarya dɔ de kə́ ndin̄ kə kumdə́ gə̄ tə́ ō, dɔ de kə́ koy gə̄ tə́ ō ní.

JA̰A̰ 9:39

Anī Jeju əda na: m̄-reē dɔ nang tə́ i tām̄ yā sarya tə́, kadə̄ ngé gə̄ ń a̰ā̰n̄ loo aĺ ní a̰ā̰n̄ loo, ba kadə̄ ngé gə̄ ń a̰ā̰n̄ loo ní télən̄ ngé ka̰a̰ loo aĺ gə̄.

2 TIMOTE 4:1

m̄-dəjeī kə ngangāá ngá̰ý ta kum Nə́ɓā tə́ ō, ta kum Kərist Jeju nge gān̄g sarya yā ngé gə̄ ń ndin̄ kə kumdə́ ō, ngé gə̄ ń oyn̄ kɔ̄ɔ́ ō ní, Kərist ń a tél yā reē ō, a o̰o̰ ɓē ō ní,

Makətūbə̄ ń Pol ndang adə̄ Rom gə̄ ní 2:16

I yá̰á̰ ń toō n a teē ta kumjí tə́ wáńg ndɔ̄ ń Nə́ɓā a gāngəń sarya dɔ yá̰á̰ kə́ to loo mundə̄ tə́ yā de gə̄ tə́ kə ta kūl̄ Jeju Kərist ní. Najə̄ kə́ Majə ń m-ɔ́jə́sí ní əda i tītə̄ ń noō ō.

JA̰A̰ 17:2

Tɔdɔ̄ ḭ̄ ādə̄n tɔ́gə dɔ de gə̄ tə́ malang, yā kadə̄ de gə̄ malang ń ḭ̄ ādə̄n ní, ni-adə̄də́ ndi kə kumuú kə́ ngándáńg.

1 PIYER 4:5

Banī yá̰a̰ gə̄ ń nin̄-rāān̄ ní, Nə́ɓā ń əndā dɔ rɔ̄n danaá kɔ̄ɔ́ yā rāā sarya kə de gə̄ kə́ ndin̄ kə kumdə́ ō, kə de kə́ koy kɔ̄ɔ́ gə̄ ō ní, nin̄ a ədanən̄ gíŕ ɓáý.

PĀ GƏ̄ 96:13

ta kum Kɔ́ɔ̄ɓē tə́ tā, tɔdɔ̄ ni a reē i mbée, a reē i kə̄ ko̰o̰ ɓē tə́ dɔ nang tə́. Ni a o̰o̰ ɓē dɔ de kə́ dɔ nang tə́ gə̄ tə́ i kə gōó ō, dɔ gír de gə̄ tə́ i kə hálən kə́ súmūú ō.

MATIYE 16:27

Tɔdɔ̄ Ngōn̄ Deē a reē kə deē yān kə́ dɔ rā̰ tə́ gə̄ ō, kə kɔsə gɔn yā Bɔbə̄n ō. Loo ń noō tə́ ni a əgā de gə̄ kógə̄ḿ kógə̄ḿ malang ɔjəń dɔ yá̰a̰ rāādə́ gə̄.

PĀ GƏ̄ 98:9

kété no Kɔ́ɔ̄ɓē tə́, tɔdɔ̄ ni a reē i mbée. A reē i kə̄ ko̰o̰ ɓēé dɔ dɔ nang tə́. Ni a o̰o̰ ɓē dɔ de kə́ dɔ nang tə́ gə̄ tə́ i kə gōó ō, dɔ gír de gə̄ tə́ i kə hálən kə́ súmūú ō.

JA̰A̰ 3:35

Bɔbə̄ Ngōn̄ tár Ngōn̄, adə̄ əya̰ yá̰a̰ malang kem jīn tə́.

MATIYE 11:27

Bɔbə́ḿ əla yá̰a̰ malang gír jīḿ tə́. Deē kógə̄ḿ kə́ gerə̄m̄ mā Ngōnən gətóo, ba i Bɔbə́ḿ nəkɔ́ tá ngóy ō, deē kógə̄ḿ kə́ ger̄ Bɔbə́ḿ gətóo, ba i mā Ngōnən nəkɔ́ tá ngóy ō, deē ń mə̄kɔ́ ngōn̄ m̄-ndigə teē kumən dɔn tə́ ní tá ngóy ō.

KOHELET 11:9

Balsáa, dan ń ḭ̄ i ngōn̄ ɓáý ní ī-rāā rɔ̄nel̄. Ādə̄ kemií i kə rɔ̄nelēé kem ndɔ̄ gə̄ ń dɔí dūúń ɓáý tə́ ní. Ī-rāā yá̰a̰ malang ń kemií gḛy ní, yá̰a̰ malang ń nelī ní. Banī majə kadə̄ ī-ger̄ káý káý kadə̄ Nə́ɓā a gān̄g sarya dɔ yá̰a̰ rāāí gə̄ tə́ kógə̄ḿ kógə̄ḿ malang.

KOHELET 12:14

Tɔdɔ̄ Nə́ɓā a aw̄ kə yá̰a̰ malang loo sarya tə́, yá̰á̰ kə́ to loo mundə̄ tə́ gə̄gē, ká i kə́ majə aké i kə́ majaĺ gə̄ gē anī ni a aw̄ń loo sarya tə́.