JA̰A̰ 5:2 - Bibəl ta Sar̄

² Kem ɓē kə́ Jerusalem tə́ ní, gár̄ man̄ kógə̄ḿ i noó, i ngɔr kə̄ ta róbə́ kə́ yā kudəń kə batə̄ gēé tə́. Dabə kə́ rāā kə mbalá gə̄ i mí ta tə́. A ɓārə́n̄ gár̄ man̄ ní kə ta Hebəro na i Betjata.

Bible sar

² Kem ɓē kə́ Jerusalem tə́ ní, gár̄ man̄ kógə̄ḿ i noó, i ngɔr kə̄ ta róbə́ kə́ yā kudəń kə batə̄ gēé tə́. Dabə kə́ rāā kə mbalá gə̄ i mí ta tə́. A ɓārə́n̄ gár̄ man̄ ní kə ta Hebəro na i Betjata.

JA̰A̰ 5:2 Referans Kwoze

NEHEMI 12:39

Jə-mān̄ dɔ róbə yā Epəraim tə́ ō yā Yesana tə́ ō yā kānjə̄ gə̄ tə́ ō. Jə-mān̄ kújə́ kə́ ngāl̄ ɓururu yā Hananel ō yā ngé kə́ ɓú gə̄ ō, ta róbə yā batə̄ gə̄ ō, ba j-aw̄ jə-dəba ta róbə yā ngé ngɔ̄m̄ loo gə̄ tə́.

NEHEMI 3:1

Eliasib kə́ ngol ngé tun̄ yá̰á̰ gə̄ nin̄ kə ngé tun̄ yá̰a̰ madə̄n gēé ḭḭn̄ dɔɔ́ rāān̄ kəla. Nin̄ rāān̄ ta róbə yā batə̄ gə̄ gogə́ rang. Ɔrə̄n̄ kamə̄n tayā ba tə́lan̄ bápə gə̄ ta tə́. Nin̄ rāān̄ loo kə́ nujə gə̄ kə́ tū ndogə̄ mbal̄ tə́ bátə́ ugə̄n̄ kújə́ kə́ ngāl̄ ɓururu yā ngé kə́ ɓú gə̄ tə́. Dan ń ɔrə̄n̄ kamə̄n tayā oy anī unən̄ ta kəla yādə́ rāān̄ bátə́ ugə̄ kújə́ kə́ ngāl̄ ɓururu yā Hananel tə́.

NEHEMI 3:32

Ngé rāā kəla lɔ́r gə̄ ō, ngé rāā gātə̄ gə̄ ō, rāān̄ kəla i loo ń to dɔ dáń kújə́ kə́ dɔɔ́ kə́ kíl loo tə́ tə́ kə ta róbə yā batə̄ gēé ní tə́.

IJAI 22:11

Sḭḭ̄ ī-rāāī bəlo kə́ yā kadə̄ man̄ aw̄ kemeé dɔ dán ndogə̄ mbal̄ kə́ jōó gə̄ tə́, tām̄ yā man̄ kə́ kem jóo man̄ kə́ bo kə́ jóó tə́ tə́. Banī deē ń rāā yá̰á̰ á yá̰a̰ gə̄ ń noō malang rāānəń yá̰á̰ ní, sḭḭ̄ ī-tūrī kumsí kə̄ rɔ̄n tə́ alé. Ni-əndā dɔ yá̰a̰ gə̄ ní danaá i jóó ngá̰ý, banī sḭḭ̄ á̰a̰ī alé.

KƏLA RĀĀ 21:40

Ngol áskar gə̄ kə́ bo ní əya̰ Pol adə̄ ɔr̄ najə̄. Anī Pol ra dɔ loo kəndā nja kə́ yā kalə̄ń kə̄ dɔɔ́ kə́ ta gérger ní tə́, wél̄ jīn, anī de gə̄ tél ran̄ jəke. Pol ɔr̄ najə̄ sedə́ kə ta Hebəro əda na:

JA̰A̰ 20:16

Jeju ədan na: Mari! Anī Mari tūr̄ rɔ̄n, ba ədan kə ta Hebəro na: Rabuni, kumən na i ngoləḿ.

JA̰A̰ 19:17

Jeju nəkɔ́ ətō kāgə̄ kə́ dēsə́ yān, teēń kem ɓēé, ba aw̄ ugə̄ loo ń a ɓārə́n̄ na i kār̄ dɔ deē ní tə́. Rī loo ní kə ta Hebəro na i Golgota.

JA̰A̰ 19:13

Dan ń Pilatə oō bərá anī, adə̄ teēn̄ kə Jeju ndágá. Ba ni-ndi dɔ kāgə̄ gān̄g sarya tə́, dɔ loo kə́ kḭḭ kə̄ dɔɔ́ sḛ́ý tə́ ń rāān̄ kə mbal̄ gə̄ kə́ tə́ndādə́ kadə naā tə́ ba a ɓārə́n̄ kə ta Hebəro na i Gabata ní tə́.

IJAI 22:9

Ndogə̄ mbal̄ kə́ gidə ɓē yā Dabid tə́ ń a rɔ̄ɔ̄nəń dɔ ɓē tə́ ní, loon kə́ njár̄ gə̄ ní sḭḭ̄ á̰a̰ī malang. Jóo man̄ kə́ bo kə́ gírí nang tə́ ní, sḭḭ̄ ī-ngɔ̄mī man̄ kemeé.

JA̰A̰ 19:20

Jipə gə̄ ngá̰ý tə́dan̄ najə̄ ní, tɔdɔ̄ loo ń əndan̄ Jeju kə máyá̰ tū kāgə̄ kə́ dēsə́ tə́ tū tə́ ní i gidə ɓē tə́ ngɔr. Ndangən̄ najə̄ ní i kə ta Hebəro ō, kə ta Latḛ ō, kə ta Gərek ō.

JA̰A̰ 5:3

Kósə de kə́ ngé mo̰y gə̄ ō, ngé kum tɔ̄ɔ̄ gə̄ ō, ngé tə́sō motə gə̄ ō, ngé kə́ dām̄ rɔ̄də́ oy gə̄ ō, ton̄ gíŕ kújə́ kə́ ta róbə́ tə́ ngeé ń noō tə́ ngá̰ý. Nin̄-ngóōn̄ i ta man̄ kə́ kadə̄ ḭḭ pukətu pukətu.

JA̰A̰ 7:21

Jeju tél ədadə́ na: m̄-rāā kəla kógə̄ḿ, adə̄ ɔr kumsí malang.

JEJU TEĒ KUM JA̰A̰ 9:11

Mban̄g kə́ dɔdə́ tə́ i de kə́ dɔ rā̰ tə́ kə́ ndi i kem bəlo kə́ bo ngá̰ý kə́ ngɔ́nən gətóó tə́. Rīn kə́ kə ta Hebəro na i Abado̰ ō, kə́ kə ta Gərek na i Apolyon ō. Kum rī ní na i nge nujə yá̰a̰.

JEJU TEĒ KUM JA̰A̰ 16:16

Ndíĺ kə́ majaĺ gə̄ ní ɔsən̄ dɔ mban̄g gə̄ naā tə́ loo ń a ɓārə́n̄ kə ta Hebəro na i Harmagedo̰ ní tə́.