JA̰A̰ 5:17 - Bibəl ta Sar̄

¹⁷ Banī Jeju tél ədadə́ na: Bátə́ ngɔlaā ní Bɔbə́ḿ ndi i kə kəlaá jīn tə́, adə̄ mā m̄-ndi i kə kəlaá jīḿ tə́ ō.

Bible sar

¹⁷ Banī Jeju tél ədadə́ na: Bátə́ ngɔlaā ní Bɔbə́ḿ ndi i kə kəlaá jīn tə́, adə̄ mā m̄-ndi i kə kəlaá jīḿ tə́ ō.

JA̰A̰ 5:17 Referans Kwoze

JA̰A̰ 14:10

Ī-taā kem kadə̄ mā i kem Bɔbə́ḿ tə́ ō, Bɔbə́ḿ i kemḿ mā tə́ ō aĺ a? Najə̄ gə̄ ń m-ə́dásí ní, m-ə́dásí i kə dɔḿ mə̄kɔ́ alé, banī i Bɔbə́ḿ ń ndi kemḿ tə́ ní n rāā kəla yān gə̄ ní.

JA̰A̰ 9:4

Dan ń loo kə́ kadaá to ɓáý ní, majə kadə̄ jə-rāāī kəla yā nge ń əlam̄ ní. Loo kə́ ndɔ̄ɔ́ a reē noó, yā kadə̄ deē a asə rāā kəla alé.

KOLOSƏ 1:16

Nə́ɓā rāā yá̰a̰ malang kə́ dɔ rā̰ tə́ gə̄gē, dɔ nang tə́ gə̄gē, i kə ta kūl̄ Ngōnən. Ni-rāā yá̰á̰ kə́ deē asə ka̰a̰ kə kumneé ō, kə́ deē asə ka̰a̰ kə kumneé aĺ ō. I kɔ́ɔ̄ ɓē gə̄ ō, ngé ko̰o̰ ɓē gə̄ ō, kōr̄ kāgə̄ mbang yādə́ gə̄ ō. Nə́ɓā rāā yá̰a̰ malang i kə ta kūl̄neé ō, i tām̄ yān tə́ ō.

1 KORḚNTƏ 12:6

Gír kəla gə̄ i ngá̰ý, banī i Nə́ɓā kə́ kal kógə̄ḿ beē n rāādə́ malang kemjí gə̄ tə́ malang ní.

HEBƏRO 1:3

Ngōn̄ Nə́ɓā ní i kɔsə gɔn yā Bɔbə̄n kə́ ndə́lē i ndə́lē yā Nə́ɓā ō, i ngarān̄g kum Nə́ɓā Bɔbə̄n nəkɔ́ kə́ ɔjə rɔ̄n kə̄ ndágá ō. Ni-rāā adə̄ yá̰a̰ gə̄ malang ndin̄ ngan̄g kə ta kūl̄ tɔ́gə najə̄ yānneé. Dan ń ni-ɔr̄ majaĺ kə́ kem de gə̄ tə́ kɔ̄ɔ́ ní, ni-ndi dɔ jī ko̰ Nə́ɓā tə́ dɔ rā̰ tə́. Nə́ɓā i tɔ́gə́ kə́ dɔ tɔ́gə gə̄ tə́ malang.

KƏLA RĀĀ 17:28

Tɔdɔ̄ i tītə̄ ń gōsə̄ pā yāsí kə́rēý gə̄ ədan̄neé ní: Jə-ndiī kə kumjí ō, jə-rāāī rɔ̄jí ō, jə-ndiī ō i kemən tə́. Nin̄-ədan̄ ɓáý to̰ na: Tɔdɔ̄ jḭḭ̄ i gír kaa kə́ kógə̄ḿ beē seneé.

IJAI 40:26

Úniī kumsí kə̄ dɔɔ́ ba á̰a̰ī: I náā n rāā tə́yō̰ gə̄ ní? I náā n rāā adə̄ njə̄rān̄ kə gō naá majə tītə̄ áskar gə̄ beé ní? I nge ɓāŕdə́ malang kə rīdə́ gēé. Ngan̄g yān ō, tɔ́gə ko̰o̰ ɓē yān ō, i ngá̰ý, adə̄ tə́yō̰ kógə̄ḿ kə́ ɓāŕnən̄ banī ni i kə́ gətóó ní gətóo.

KƏLA RĀĀ 14:17

Ɓá tā ba ni-əya̰də́ kanjə̄ kədadə́ najə̄ kə́ kum tə́ kə́ dɔ rāā majə yān tə́ alé. Tām̄ ni-adə̄sí man̄ kə́ dɔ rā̰ tə́ ō, ɓāl̄ gə̄ kə́ kōō gə̄ teēn̄ tū tə́ ngá̰ý ō, adə̄sí yá̰a̰ kəsa kə́ ə́saī adə̄ ndān̄ kemsí ō, rāā adə̄ kemsí nel̄sí ngá̰ý ō.

MATIYE 10:29

A igən̄ kə́lē jōó gúrsə kógə̄ḿ aĺ a? Ba ni kógə̄ḿ dandə́ tə́ kə́ əsō nang tə́ kanjə̄ kadə̄ Bɔbə̄sí ndigə ní gətóo.

PĀ GƏ̄ 65:6

Nə́ɓā nge kajəjí, yá̰á̰ ń jə-dəjeī ní, ḭ̄ ī-rāā yá̰á̰ kə́ to kɔr kum gə̄ ī-tɔ̄ləń ɓōn kə́ kemjí tə́ ādə̄jí i kə gō kem majə yāí. De gə̄ malang kə́ dɔ nang tə́ kə taá ō, kə́ dɔ dor̄ kə́ sa̰y ngá̰ý gə̄ tə́ ō, əndān̄ kemdə́ i dɔí tə́.

JA̰A̰ 5:16

I tām̄ najə̄ ń noō tə́ n Jipə gə̄ rāān̄ Jeju kə najá ngá̰ý ní, tām̄ ni-rāā yá̰á̰ ní i ndɔ̄ sabat tə́.

JA̰A̰ 5:18

I tām̄ najə̄ ń noō tə́ n Jipə gə̄ sāān̄ tɔ̄lə̄n tɔȳ kə́ kété ɓáý ní. I tām̄ mān̄ ń ni-mān̄ dɔ ndū najə̄ yā ndɔ̄ sabat tə́ ní ngóy alé, banī i tām̄ kəda ń ni-əda na Nə́ɓā i Bɔbə̄n nəkɔ́ mámák ní ō, rāā ń ni-rāā rɔ̄n i de kə́ asən̄ naā kə Nə́ɓāá tə́ ní ō.

JA̰A̰ 10:36

Ba mā ń Bɔbə́ḿ ɔrə̄m̄ tayā tām̄ yān tə́ ba əlam̄ dɔ nang tə́ ní, i ba̰ý n sḭḭ̄ ə́daī na m̄-tájə̄ Nə́ɓā kə najə̄ kɔrə̄ḿ tām̄ kəda kə́ m-ə́da na mā na i Ngōn̄ Nə́ɓā ní?

1 TESALONIK 2:13

Najə̄ ń jə-ndadə̄ń Nə́ɓā tām̄ yāsí tə́ ngándáńg ní n toó: Dan ń j-ɔjəsí najə̄ yā Nə́ɓā ādə̄ ōōī ō, ī-taāī ō ní, ī-taāī i tītə̄ najə̄ yā de gə̄ alé, ba i kə́ najə̄ yā Nə́ɓā nəkɔ́ tə́.