JA̰A̰ 5:10 - Bibəl ta Sar̄

¹⁰ Anī Jipə gə̄ ədan̄ deē ń rɔ̄n ngáā ní na: Ɓōólaā i ndɔ̄ sabat, adə̄ adīn̄ ta róbə kun waá yāí alé.

Bible sar

¹⁰ Anī *Jipə gə̄ ədan̄ deē ń rɔ̄n ngáā ní na: Ɓōólaā i ndɔ̄ *sabat, adə̄ adīn̄ ta róbə kun waá yāí alé.

JA̰A̰ 5:10 Referans Kwoze

JA̰A̰ 9:16

De kə́rēý gə̄ dɔ dan Parijiyḛ gə̄ tə́ ədan̄ na: Deē ń toō ḭḭ i rɔ̄ Nə́ɓā tə́ alé, tɔdɔ̄ ni-ngɔ̄m̄ ndɔ̄ sabat alé. De kə́ rang gə̄ ədan̄ na: De kə́ nge rāā majaĺ asə rāā yá̰á̰ kə́ yáā kə́ tītə̄ ń noō gə̄ i ba̰ý? Adə̄ míndə kasə naā aĺ to dandə́ tə́.

Najə̄ kə́ Majə yā Jeju ń Luk ndang ní 6:2

Loo ń noō tə́ Parijiyḛ kə́rēý gə̄ ədan̄ na: Yá̰á̰ ń ndū najə̄ ɔgə̄ rāā ndɔ̄ sabat tə́ ní sḭḭ̄ ī-rāāī i tām̄ rí tə́?

JEREMI 17:21

Kɔ́ɔ̄ɓē ɔr̄ najə̄ i tītə̄ ń toō beé: Ī-lōōī kətō yá̰á̰ kə́ kɔȳ gə̄ ndɔ̄ sabat tə́, ī-mānīneé ta róbə́ kə́ Jerusalem gə̄ tə́ aĺ ō.

Najə̄ kə́ Majə yā Jeju ń Luk ndang ní 13:14

Banī wōn̄g rāā ngār kə́ dɔ kújə́ kán̄ naā ní tə́, tām̄ rāā kə́ Jeju rāā adə̄ rɔ̄ deē kógə̄ḿ ngáā ndɔ̄ sabat tə́, adə̄ un najə̄ əda kósə de gə̄ na: Ndɔ̄ kə́ yā kadə̄ ī-rāāīneé kəla i mehḛ́. Ní ī-reēī ndɔ̄ gə̄ ń noō tə́ kadə̄ rāān̄ adə̄ rɔ̄sí ngáā, ba ī-lōōī reē ndɔ̄ sabat tə́.

MARK 3:4

Ni dəjedə́ na ké ndū najə̄ yā Nə́ɓā ndigə kadə̄ ndɔ̄ sabat tə́ ní, jə-rāāī yá̰á̰ kə́ majə aké i yá̰á̰ kə́ majaĺ wa, kadə̄ j-ajiī de gə̄ aké jə-tɔ̄līdə́ wa. Ba nin̄-ndin̄ kə tadə́ kə́ mbóó.

MARK 2:24

Loo ń noō tə́ Parijiyḛ gə̄ ədan̄ Jeju na: Á̰a̰ā̰ tá, i tām̄ rí tə́ á nin̄ a rāān̄ yá̰á̰ ń ndū najə̄ yā Nə́ɓā ɔgə̄ rāā ndɔ̄ sabat tə́ ní?

JA̰A̰ 5:16

I tām̄ najə̄ ń noō tə́ n Jipə gə̄ rāān̄ Jeju kə najá ngá̰ý ní, tām̄ ni-rāā yá̰á̰ ní i ndɔ̄ sabat tə́.

JA̰A̰ 7:23

Ré ə́jaī mɔtə deē ndɔ̄ sabat tə́ tām̄ kadə̄ ī-mānī dɔ ndū najə̄ yā Moijə aĺ anī, i tām̄ rí tə́ á wursí atə̄sí seḿ tām̄ m̄-rāā adə̄ rɔ̄ deē kógə̄ḿ ngáā ndɔ̄ sabat tə́ ní?

Najə̄ kə́ Majə yā Jeju ń Luk ndang ní 23:56

Gō tə́ anī tél aw̄ rāān̄ loo yibə̄ kə́ kotə majə ngá̰ý gə̄ kə́ yā rāā dɔ nīń tə́, kə yibə̄ ítər gə̄, əndān̄. Ndɔ̄ sabat tə́ ɓá anī, nin̄-ɔrə̄n̄ koō tītə̄ ń ndū najə̄ ədań ní.

JEREMI 17:27

Banī ré sḭḭ̄ ī-mbātíī koō najə̄ yāḿ, adə̄ ɔ̄rī kam̄ ndɔ̄ sabat aĺ ō, ə̄tōī yá̰á̰ kə́ kɔȳ gə̄ ō, údiī kə ta róbə́ kə́ Jerusalem tə́ gə̄ ndɔ̄ sabat tə́ ō anī, m-ā m̄-rāā hor ta róbə ɓē gə̄ tə́ kadə̄ a o̰o̰ kújə́ kə́ majə ngá̰ý kə́ Jerusalem tə́ gə̄ ō, a oy aĺ ō.

IJAI 58:13

Tītə̄ ń toō: Ī-mbātə́ rāā kəla ndɔ̄ sabat tə́, ndɔ̄ ń noō ń i ndɔ̄ kə́ kɔr̄ kam̄ tām̄ yān tə́ ní, ə̄ndā kumií gíŕ yá̰a̰ yāí gə̄ tə́ ndɔ̄ ń noō tə́ alé. Ī-ɓāŕ ndɔ̄ sabat na i ndɔ̄ rɔ̄nel̄. Ī-ɓāŕ ndɔ̄ yā Kɔ́ɔ̄ɓē na i ndɔ̄ kə́ yā ɓōĺ gidə ō, ī-ɓōĺ gidə ndɔ̄ ní kə mbātə́ rāā kəlaá ō, kə mbātə́ kəndā kumií gíŕ yá̰a̰ gə̄ tə́ ō, kə mbātə́ kɔr̄ najə̄ kə́ dan gān̄g aĺ ō.

MATIYE 12:10

Anī deē kógə̄ḿ kə́ jīn oy kɔ̄ɔ́ ndi tū tə́. Nin̄-dəjen̄ Jeju na ké ndū najə̄ adə̄ deē ta róbə tɔ̄l̄ mo̰y dɔ deē tə́ ndɔ̄ sabat tə́ wa. Dəjenən̄ najə̄ ní i yā kadə̄ kə n-sekə́nən̄neé.

JA̰A̰ 1:19

Najə̄ ń Ja̰a̰ əda dɔ rɔ̄n tə́ dan ń Jipə kə́ Jerusalem gə̄ əlan̄ ngé tun̄ yá̰a̰ gə̄ ō, ngán Lebi gə̄ ō, kadə̄ reē dəjenən̄ na ké ni i náā wa ní n toó.

JA̰A̰ 5:11

Ni-tél ədadə́ na: I deē ń rāā adə̄ rɔ̄ḿ ngáā ní n ədam̄ na kə m-ún waá yāḿ ba kə m̄-njə̄rā ní.

JA̰A̰ 5:15

Deē ní əda Jipə gə̄ na i Jeju n na rāā adə̄ rɔ̄n ngáā ní.