JA̰A̰ 4:9 - Bibəl ta Sar̄

⁹ Dəyá̰ kə́ Samari ní ədan na: Ḭ̄ ń i Jipə ní, i ba̰ý á ī-gədem̄ mā dəyá̰ kə́ Samari man̄ kaȳ ní? Tām̄ Jipə gə̄ kə Samari gə̄ oōn̄ kum naā alé.

Bible sar

⁹ Dəyá̰ kə́ Samari ní ədan na: Ḭ̄ ń i *Jipə ní, i ba̰ý á ī-gədem̄ mā dəyá̰ kə́ Samari man̄ kaȳ ní? Tām̄ *Jipə gə̄ kə Samari gə̄ oōn̄ kum naā alé.

JA̰A̰ 4:9 Referans Kwoze

KƏLA RĀĀ 10:28

ədadə́ na: Ī-gerī majə kadə̄ kudə kújə yā tə̄rā tə́, aláa ɓoo naā kə tə̄rāá i yá̰á̰ kə́ majaĺ ngá̰ý tām̄ yā deē ń ni i Jipə ní tə́. Banī Nə́ɓā ɔjəm̄ kadə̄ m̄-rāā deē kógə̄ḿ de kə́ yḛr tə́ aĺ ō, de kə́ asə kadə̄ deē aw̄ looneé aĺ tə́ aĺ ō.

JA̰A̰ 8:48

Jipə gə̄ tél ədanən̄ na: Dan ń j-əda na ḭ̄ i de kə́ Samari ō, ndíĺ kə́ majaĺ i kemií tə́ ō ní, i gōtə́ aĺ a?

MATIYE 10:5

Dan ń Jeju əla ngé kə́ kutə gidə i jōó gə̄ ní, ni-tāādə́ ədadə́ na: Āwī kem ɓē yā nápar de kə́ rang gə̄ tə́ aĺ ō, údiī kem ɓē gə̄ kə́ Samari tə́ aĺ ō.

KƏLA RĀĀ 1:8

Banī ā ə́ngeī tɔ́gə́ kógə̄ḿ, dan ń Ndíĺ kə́ Táĺ reē dɔsí tə́ ní. Loo ń noō tə́ ā ī-téliī de kə́ kum tə́ yāḿ gə̄, kem ɓē kə́ Jerusalem tə́ ō, gō nang malang kə́ Jude tə́ ō, gō nang kə́ Samari tə́ ō, bátə́ ta ngóy dɔ nang tə́ ō.

JA̰A̰ 4:27

Loo ń noō tə́ anī, ngé ndóō yá̰a̰ yān gə̄ ugə̄n̄. Ɔr kumdə́ ngá̰ý najə̄ kɔr̄ ń ni-ɔr̄ najə̄ kə dəyá̰ ń toō ní, ba deē kógə̄ḿ kə́ yā dəjen na ké ni a sāā i rí wa, aláa ké i tām̄ rí tə́ áké ɔr̄ najə̄ seneé wa ní gətóo.

Najə̄ kə́ Majə yā Jeju ń Luk ndang ní 10:33

Banī deē kógə̄ḿ kə́ Samari kə́ a aw̄ kə̄ mbā tə́ reē, ugə̄ rɔ̄ deē ní tə́ anī kumən o̰o̰n seneé,

KƏLA RĀĀ 10:32

Ní, ə́la kəla kem ɓē kə́ Jope tə́, gō Simo̰ ń rī tɔ̄yn na i Piyer ní tə́ ādə̄ reē. Ni-ndi i ɓē Simo̰ kə́ nge kɔr̄ gidə ngə̄rā gə̄ ń ɓē yān i kadə bā bo tə́ ní.