JA̰A̰ 4:48 - Bibəl ta Sar̄

⁴⁸ Jeju əda na: Ré sḭḭ̄ á̰a̰ī yá̰á̰ kə́ to kɔr kum gə̄ ō, yá̰á̰ kə́ yáā gə̄ ō aĺ anī, ā ī-taāī kem aĺ bátə́ tā!

Bible sar

⁴⁸ Jeju əda na: Ré sḭḭ̄ á̰a̰ī yá̰á̰ kə́ to kɔr kum gə̄ ō, yá̰á̰ kə́ yáā gə̄ ō aĺ anī, ā ī-taāī kem aĺ bátə́ tā!

JA̰A̰ 4:48 Referans Kwoze

JA̰A̰ 20:29

Jeju ədan na: I tām̄ ka̰a̰ ń á̰a̰m̄ ní n ī-taāń kem ní a? Ngé gə̄ ń a̰a̰mə̄n̄ aĺ ba taān̄ kem ní, rɔ̄də́ nel̄də́.

HEBƏRO 2:4

Nə́ɓā ɔjə kadə̄ i rɔ̄kum i kə ta kūl̄ yá̰á̰ kə́ yáā gə̄ ō kə́ to ɓōĺ gə̄ ō, kə́ to kɔr kum gə̄ kə́ gíŕdə́ i ngá̰ý ō, kə ta kūl̄ kadə̄ de gə̄ kadə̄ karī gə̄ yā Ndíĺ kə́ Táĺ ń ni-nə̄bō kə gō kem ndigə yānneé ní ō.

1 KORḚNTƏ 1:22

Jipə gə̄ dəjen̄ kadə̄ rāān̄ yá̰a̰ gə̄ kə́ ɔjən̄ kəla rāā Nə́ɓā kə̄ ndágá ō, Gərek gə̄ a sāān̄ i kum kedə̄ ō.

DANIEL 4:2

Ndɔ̄ kə́rēý tə́ m̄-to dɔ tə̄rá yāḿ tə́ ndɔ̄ɔ́ anī nī kógə̄ḿ rāām̄, adə̄ m̄-gír̄ najə̄ ngá̰ý, tɔdɔ̄ yá̰á̰ ń m-á̰a̰ā̰ ní to ɓōĺ ngá̰ý.

KƏLA RĀĀ 2:22

Israel gə̄, ōōī najə̄ ń m-ā m-ə́dásí toō: Sḭḭ̄ malang ī-gerī kadə̄ Jeju kə́ Najaret ní, Nə́ɓā ndigə najə̄ gōn tə́. Tām̄ ni-unən rāań yá̰á̰ kə́ yáā gə̄ ō, yá̰á̰ kə́ to kɔr kum gə̄ ō, yá̰á̰ kə́ yā kɔjəń yá̰a̰ gə̄ ō dɔ dáńsí tə́.

JA̰A̰ 12:37

Ká ré ni-rāā yá̰á̰ kə́ to kɔr kum gə̄ ngá̰ý ta kumdə́ tə́ gə̄gē anī, ba nin̄-taān̄ kemən alé.

2 KORḚNTƏ 12:12

Yá̰a̰ gə̄ ń ɔjən̄ kə̄ ndágá kadə̄ mā i ngōmbang kəla ní, rāān̄ yá̰a̰ dɔ dáńsí tə́. Nin̄ n toō: I tə́gā kə́ m̄-tə́gā taḿ ngá̰ý dan yá̰a̰ gə̄ tə́ malang ō, i yá̰á̰ kə́ majə ngá̰ý kə́ to kɔr kum gə̄ ō, i yá̰á̰ kə́ yáā kə́ tayā tayā gə̄ ō, i yá̰a̰ gə̄ kə́ rāā kə tɔ́gɔ́ ō.

Makətūbə̄ ń Pol ndang adə̄ Rom gə̄ ní 15:19

i kə tɔ́gə́ yá̰á̰ kə́ to kɔr kum gə̄ ō, yá̰á̰ kə́ yáā gə̄ ō, i kə tɔ́gə yā Ndíĺ kə́ Táĺ ō. Adə̄ m-ɔ́jə Najə̄ kə́ Majə yā Kərist kə taá malang, m-ə́lá gír i Jerusalem ō, kem ɓē gə̄ ń ran̄ kə gō gidə ɓē kə́ Jerusalem ní ō, bátə́ gō nang kə́ Iliri tə́.

KƏLA RĀĀ 14:3

Banī Pol nin̄ kə Barnabas ndin̄ Ikoniyɔm dan oy tām̄. Nin̄-ɔrə̄n̄ najə̄ kanjə̄ ɓōĺ, tɔdɔ̄ ənīn̄ kemdə́ mámák adə̄n̄ Kɔ́ɔ̄ɓē. Ni-adə̄də́ tɔ́gə adə̄ rāān̄ yá̰á̰ kə́ to kɔr kum gə̄ ō, yá̰á̰ kə́ yáā gə̄ ō, yā kadə̄ najə̄ kə́ dɔ kem majə yā Nə́ɓā kə́ ajə deē tə́ ń nin̄-ɔjən̄ ní i najə̄ kə́ rɔ̄kum.

MARK 13:22

Tām̄ Kərist kə́ rɔ̄kum aĺ gə̄ ō, ngé koō ta kə́ rɔ̄kum aĺ gə̄ ō, a ḭḭn̄, ba a rāān̄ yá̰á̰ kə́ to kɔr kum gə̄ ō, yá̰á̰ kə́ yáā gə̄ ō, yā góləń ngé gə̄ ń Nə́ɓā gə̄rādə́ ní gə̄gē.

MATIYE 24:24

Tām̄ Kərist kə́ rɔ̄kum aĺ gə̄ ō, ngé koō ta kə́ rɔ̄kum aĺ gə̄ ō a ḭḭn̄, ba a rāān̄ yá̰á̰ kə́ yáā kə́ bo ngá̰ý gə̄ ō, yá̰á̰ kə́ to kɔr kum gə̄ ō yā góləń de gə̄. Adə̄ nə́ngētə́ asə i naā tə́ anī a gólə̄n̄ ngé gə̄ ń Nə́ɓā gə̄rādə́ ní gə̄gē.

KƏLA RĀĀ 2:43

Ngámbang kəla gə̄ rāān̄ yá̰á̰ kə́ yáā gə̄ ō, yá̰á̰ kə́ to kɔr kum gə̄ ō ngá̰ý, adə̄ de gə̄ malang ndin̄ i kə ɓōló kemdə́ tə́.

JA̰A̰ 2:18

Anī Jipə gə̄ dəjenən̄ na: Yá̰a̰ kə́ yáā ń ā ī-rāā yā kɔjəńjí tɔ́gə yāí ā ī-rāań yá̰a̰ tītə̄ ń noō ní i rí?

Najə̄ kə́ Majə yā Jeju ń Luk ndang ní 16:31

Banī Abəraham tél ədan ɓáý to̰ na: Ré nin̄-oōn̄ ta Moijə ō, ngé koō ta gə̄ ō aĺ anī, de kə́ rang, ká i kə́ ndól̄ dan de kə́ koy gə̄ tə́ gə̄gē anī, nin̄ a taān̄ kemən alé.

TƏ́DA 14:11

Kɔ́ɔ̄ɓē əda Moijə na: I ndɔ̄ kə́ rá tə́ n a asə gír de gə̄ toō mbātə́m̄ ní? m̄-rāā yá̰á̰ kə́ yáā gə̄ malang kə́ ɔjən̄ tɔ́gə́ḿ kə̄ ndágá dɔ dáńdə́ tə́, ba i rə́ngáý tə́ n a ənīn̄ kemdə́ yā kadə̄m̄ ní?

2 TESALONIK 2:9

Nge mbātə́ ndū najə̄ ní, a reē i kə tɔ́gə yā Sətan ō, kə gíŕ yá̰á̰ kə́ yáā gə̄ malang ō, kə yá̰á̰ kə́ to kɔr kum kə́ rɔ̄kum aĺ gə̄ ō,

KƏLA RĀĀ 15:12

Loo ń noō tə́ ngé kán̄ naā gə̄ malang tél ndin̄ kə tadə́ kə́ mbóó kóńg ō, de gə̄ oōn̄ najə̄ kə́ ta Barnabas tə́ ō, Pol tə́ ō. Nin̄-ənīn̄ gōtə́ yá̰á̰ kə́ to kɔr kum gə̄ malang ō, yá̰á̰ kə́ yáā gə̄ ō ń Nə́ɓā rāā kə ta kūl̄də́ dan de gə̄ ń i Jipə aĺ gə̄ tə́ ní.

KƏLA RĀĀ 7:36

I ni n-teē sedə́ kɔ̄ɔ́ kem ɓē kə́ Ejiptə tə́ ní, tɔdɔ̄ ni-rāā yá̰á̰ kə́ yáā gə̄ ō, yá̰á̰ kə́ to kɔr kum gə̄ ō, kem ɓē ní tə́ ō, bā ń a ɓārə́n̄ na i bā Kərē ní tə́ ō, kem dəla loo tə́ ɓāl̄ kutə sɔ́ ō.

KƏLA RĀĀ 6:8

Etiyen rāā yá̰á̰ kə́ yáā gə̄ kə́ to ɓōĺ ngá̰ý gə̄ ō, yá̰á̰ kə́ to kɔr kum gə̄ kə́ bo ngá̰ý gə̄ ō, dan ngán Israel gə̄ tə́ kə ta kūl̄ tɔ́gə́ ń Nə́ɓā adə̄n ní.

KƏLA RĀĀ 5:12

Yá̰á̰ kə́ to kɔr kum gə̄ ō, yá̰á̰ kə́ yáā gə̄ ō, rāān̄ yá̰á̰ ngá̰ý dan ngán Israel gə̄ tə́ kə ta kūl̄ ngámbang kəla gēé. Nin̄ malang ní kemdə́ i kógə̄ḿ ō, ran̄ naā tə́ loo kógə̄ḿ ō, gír dabə yā Salomo̰ kə́ rāā kə mbalá tə́.

KƏLA RĀĀ 4:30

Ī-rāā ādə̄ rɔ̄ ngé mo̰y gə̄ ngáā ō, yá̰á̰ kə́ to kɔr kum gə̄ ō, kə́ yáā gə̄ ō, rāān̄ yá̰a̰ kə ta kūl̄ rī Jeju nge kəla yāí kə́ táĺ ɔ́jəń tɔ́gí kə̄ ndágá.

KƏLA RĀĀ 2:19

M-ā m̄-rāā yá̰á̰ kə́ yáā gə̄ dɔɔ́ dɔ rā̰ tə́ ō, yá̰á̰ kə́ to kɔr kum gə̄ dɔ nang tə́ laā ō. Mósə ō, hor ō, sa hor kə́ tītə̄ kil̄ man̄ gə̄ ō a ton̄.

JA̰A̰ 15:24

Nə́ngētə́ m̄-rāā kəla kə́ de kə́ rang rāā aĺ ɓáý dandə́ tə́ aĺ anī, majaĺ yādə́ a gətóo. Banī ngɔlaā nin̄-a̰a̰n̄ kəla rāāḿ gə̄ ba imə̄n̄jí mbak kə Bɔbə́ḿ.

Najə̄ kə́ Majə yā Jeju ń Luk ndang ní 10:18

Anī Jeju tél ədadə́ na: M-á̰a̰ Sətan ḭḭ dɔ rā̰ tə́ əsō tītə̄ man̄ kə́ tel̄ beé.

MATIYE 27:42

Ni ajə de kə́ rang gə̄, ba asə kajə rɔ̄n nəkɔ́ aĺ wa! Ni i mban̄g kə́ Israel tə́ aĺ a? Ādə̄ risə kɔ̄ɔ́ dɔ kāgə̄ kə́ dēsə́ tə́ ngɔr ń toō tə́ ādə̄ jə-taāī kemən.

MATIYE 16:1

Parijiyḛ gə̄ ō Sadusiyḛ gə̄ ō reēn̄ rɔ̄ Jeju tə́ ngɔr, ba dəjenən̄ najə̄ kógə̄ḿ sāān̄neé tan. Ədanən̄ na kə rāā yá̰á̰ kə́ yáā kógə̄ḿ kə́ ɔjə kadə̄ tɔ́gə ḭḭ rɔ̄ Nə́ɓā kadə̄ n-a̰a̰n̄.

DANIEL 6:27

M-ə́da de gə̄ kadə̄ rāān̄ yá̰á̰ ń toō gō nang malang kə́ kem ɓē ko̰o̰ yāḿ tə́: Ādə̄ de gə̄ ɓōlə́n̄ ndíĺ Nə́ɓā yā Daniel. Tɔdɔ̄ i ni n i Nə́ɓā kə́ ndi kə kumneé ō, i Nə́ɓā kə́ a ndi ngándáńg ō ní. Ko̰o̰ ɓē yān dan a gān̄g alé, ni a o̰o̰ ɓē bátə́ yā tɔ̄l̄ ta.

JA̰A̰ 4:49

Pajā yā mban̄g ədan na: Kɔ́ɔ̄ɓē, ī-reē āw̄ seḿ ɓēé dan ń ngōnə̄ḿ oyń aĺ ɓáý toō.