JA̰A̰ 4:20 - Bibəl ta Sar̄

²⁰ Kaají gə̄ rɔȳn̄ Nə́ɓā i dɔ mbal̄ ń toō tə́, ba sḭḭ̄ ə́daī na gáŕ loo rɔȳ na i Jerusalem.

Bible sar

²⁰ Kaají gə̄ rɔȳn̄ Nə́ɓā i dɔ mbal̄ ń toō tə́, ba sḭḭ̄ ə́daī na gáŕ loo rɔȳ na i *Jerusalem.

JA̰A̰ 4:20 Referans Kwoze

NDŪ NAJƏ̄ 27:12

Loo ń ī-teēī bā Jurdḛ oy anī, de gə̄ kə́ gír ɓē yā Simeo̰ tə́ ō, Lebi tə́ ō, Juda tə́ ō, Isakar tə́ ō, Jəjep tə́ ō, Benjamḛ tə́ ō, a ran̄ dɔ mbal̄ Garijim tə́ yā tɔ́rəń tadə́ dɔ gír deē yāsí gə̄ tə́.

NDŪ NAJƏ̄ 11:29

Dɔ nang ń ā āwī kə̄ taá ní, ré Kɔ́ɔ̄ɓē Nə́ɓā yāsí rāā adə̄ ūgī tū tə́ anī, ā ī-raī i dɔ mbal̄ Garijim tə́ n ā ī-tɔ́rīneé tasí dɔ de gə̄ tə́ ō, ā ī-raī i dɔ mbal̄ Ebal tə́ n ā ī-ndɔ̄líīneédə́ ō ní.

2 YÁ̰A̰ GƏ̄ 7:12

Kɔ́ɔ̄ɓē ndɔ̄bən dan ndɔ̄ɔ́ ba ədan na: M-ōō ndɔ̄ȳ yāí ō, m̄-ndigə gə̄rā loo ń toō kadə̄ tunə̄n̄ yá̰a̰ tū tə́ adə̄mə̄n̄ ō.

Najə̄ kə́ Majə yā Jeju ń Luk ndang ní 9:53

Banī de kə́ kem ɓē ní tə́ gə̄ mbātə́n̄ kəhɔn kə̄ rɔ̄də́ tə́, tɔdɔ̄ ni-aw̄ i kə̄ Jerusalem.

PĀ GƏ̄ 132:13

Tɔdɔ̄ Kɔ́ɔ̄ɓē gə̄rā Siyo̰, ni gḛy rāān i loo ndi yān tə́.

PĀ GƏ̄ 78:68

Ba gə̄rā i gír ɓē yā Juda, adə̄ i mbal̄ kə́ Siyo̰ ń ni gḛy ní.

2 YÁ̰A̰ GƏ̄ 7:16

Ba ngɔlaā ní m̄-gə̄rā kújə́ ń toō ō, m-ɔ̄r̄ kamə̄n tayā ō, kadə̄ rīḿ i dɔ tə́ ngándáńg. Kumḿ i dɔ tə́ ngándáńg ō, kemḿ i dɔ tə́ ngándáńg ō.

2 YÁ̰A̰ GƏ̄ 6:6

banī na n-gə̄rā ɓē kə́ Jerusalem kadə̄ rīn i dɔ tə́ ō, na n-gə̄rāī ḭ̄ Dabid kadə̄ ó̰o̰ ɓē dɔ gír deē yān gə̄ tə́ ō.

1 YÁ̰A̰ GƏ̄ 22:1

I tām̄ najə̄ ń noō tə́ n ni ədań na kújə yā Kɔ́ɔ̄ɓē Nə́ɓā ō, loo tun̄ yá̰á̰ ń kadə̄ Israel gə̄ ndējə̄n̄ yá̰a̰ tun̄ kə́ yā róō horoó gə̄ dɔ tə́ ō ní na i loo ni tə́ ní.

1 YÁ̰A̰ GƏ̄ 21:26

Ni-rāā loo tun̄ yá̰a̰ tām̄ yā Kɔ́ɔ̄ɓē tə́ loo ní tə́, ba ndējə̄n yá̰a̰ tun̄ kə́ róō horoó ō, yá̰a̰ tun̄ kə́ tām̄ yā kem kógə̄ḿ tə́ ō dɔ tə́. Gō tə́ anī ni ɓāŕ Kɔ́ɔ̄ɓē, anī Kɔ́ɔ̄ɓē ndigə ɓār̄ yān ba rāā adə̄ hor ḭḭ dɔ rā̰ tə́ reē o̰o̰ yá̰a̰ tun̄ gə̄ ń ton̄ dɔ loo tun̄ yá̰á̰ tə́ ní.

1 MBAN̄G GƏ̄ 9:3

Kɔ́ɔ̄ɓē ədan na n-oō ndɔ̄ȳ yān ō, rāā ń na rāān ɓɔ́ ní na n-oō ō: Kújə́ ń na rāā ní na n-ɔr̄ kamə̄n tayā kadə̄ rīn kə ɓār̄ dɔ tə́ ngándáńg. Kumən na a ra dɔ tə́ ō, kemən na i dɔ tə́ ō, ngándáńg.

IJAI 66:1

Najə̄ ń Kɔ́ɔ̄ɓē əda ní n toó: Dɔ rā̰ i kōr̄ kāgə̄ mbang yāḿ ō, dɔ nang i loo ń m-ā m-ə̄ndā njaḿ tū tə́ ní ō. I kújə́ kə́ ba̰ý n sḭḭ̄ ásiī rāā kadə̄m̄ ní? I loo kə́ rá n kə m̄-ndi tū tə́ ní?

JA̰A̰ 4:12

I kaají Jakob n adə̄jí bəlo man̄ ń toō ní. Nəkɔ́ a̰ȳ man̄ ní kə ngánən gēé ō, kə yá̰a̰ kul̄ yān gēé ō. Ní, ḭ̄ i de kə́ bo tɔȳn a?