JA̰A̰ 4:14 - Bibəl ta Sar̄

¹⁴ Banī deē ń a a̰ȳ man̄ ń m-ā m-ādə̄n ní, kəndā a rāān to̰ aĺ i kə́ bátə́ gə̄ tə́, tɔdɔ̄ man̄ ń m-ā m-ādə̄n ní, a tél kəɓa man̄ kə́ a kə̄rā tiriri kemən tə́, yā kadə̄ ni a ndi kə kumneé ngándáńg.

Bible sar

¹⁴ Banī deē ń a a̰ȳ man̄ ń m-ā m-ādə̄n ní, kəndā a rāān to̰ aĺ i kə́ bátə́ gə̄ tə́, tɔdɔ̄ man̄ ń m-ā m-ādə̄n ní, a tél kəɓa man̄ kə́ a kə̄rā tiriri kemən tə́, yā kadə̄ ni a ndi kə kumneé ngándáńg.

JA̰A̰ 4:14 Referans Kwoze

JA̰A̰ 6:35

Jeju tél ədadə́ na: I mā n i mápá kə́ nge rāā kadə̄ deē ndi kə kumneé ní. Nge ń reē rɔ̄ḿ tə́ anī, ɓō a rāān aĺ bátə́ ō, nge ń taā kemḿ anī, kəndā a rāān aĺ bátə́ ō.

IJAI 49:10

Ɓō a rāādə́ to̰ aĺ ō, kəndā man̄ a rāādə́ to̰ aĺ ō. Néĺ kə́ təngā kə́ dəla loo tə́ a rāādə́ kadə̄ a̰a̰n̄ tápə̄ to̰ aĺ ō, mbang a ɔsədə́ to̰ aĺ ō. Tām̄ m-ā m-ɔ́r nodə́ kə tárá, m-ā m-āw̄ sedə́ ta kəɓa man̄ gə̄ tə́.

JEJU TEĒ KUM JA̰A̰ 7:16

Ɓō a rāādə́ to̰ aĺ ō, kəndā a rāādə́ to̰ aĺ ō, mbang ō, kəngān ō, a rāān̄ yá̰a̰ sedə́ to̰ aĺ bátə́ ō.

JA̰A̰ 11:26

Deē ń ndi kə kumneé ba taā kemḿ ní, a oy aĺ bátə́. Ī-taā kem najə̄ ń noō a?

JA̰A̰ 6:58

Mápá ń ḭḭ dɔ rā̰ tə́ reē dɔ nang tə́ ní n toó. Ni to i tītə̄ máná ń kaasí gə̄ əsan̄ ní alé. Nin̄-əsan̄ mána ba oyn̄ kɔ̄ɔ́. Nge ń əsa mápá ń toō ní, a ndi kə kumneé ngándáńg.

1 JA̰A̰ 5:20

Jə-gerī kadə̄ Ngōn̄ Nə́ɓā reē ō, ni-adə̄jí kur̄ dɔ kə́ kadə jə-gerīneé De kə́ Rɔ̄kum ō. Banī jḭḭ̄ i kem De kə́ Rɔ̄kum tə́ i kə ta kūl̄ Ngōnən Jeju Kərist. Ni i De kə́ Rɔ̄kum ō, ni i Nə́ɓā ō, ni i ndi kə kumuú kə́ ngándáńg ō.

2 KORḚNTƏ 1:22

Ni-əndā tə́ré yá̰á̰ kógə̄ḿ rɔ̄jí tə́ yā kɔjəń kadə̄ jḭḭ i deē yān gə̄ ō, adə̄jí Ndíĺ kə́ Táĺ kemjí tə́ tītə̄ yá̰a̰ kəhɔ gātə̄jí beē, yā kɔjəńjí kadə̄ na n-adə̄jí yá̰á̰ kə́ majə gə̄ ń ni ngɔ̄m̄ tām̄ yājí tə́ ní rɔ̄kum ō.

Makətūbə̄ ń Pol ndang adə̄ Rom gə̄ ní 6:23

Tɔdɔ̄ yá̰a̰ kəndā nja kə́ loo rāā majaĺ tə́ i yo, ba yá̰á̰ ń Nə́ɓā adə̄ karī ɔjəń dɔ tár yān ní, i ndi kə kumuú kə́ ngándáńg, kə gō ɓoo naā yājí kə Jeju Kərist Kɔ́ɔ̄ɓē yājí.

1 PIYER 1:22

Sḭḭ̄ ə́laī dɔsí gír najə̄ kə́ rɔ̄kum tə́ ī-tə́goīneé ngarān̄g kemsí adə̄ unjə̄ njáý njáý, i yā tárəń ngákó̰ó̰sí kə́ ngé taā kem gə̄ kə táŕ kə́ kanjə̄ gól̄ looó. I beé ní, ī-táriī naā kə kem kə́ ndaa tá táĺ, kanjə̄ kɔr ta tə́.

JA̰A̰ 10:10

Nge ɓogə reē i ɓogoó ō, tɔ̄lɔ̄ɔ́ ō, nujəń ō ngóy. Mā m̄-reē i yā kadə̄ de gə̄ ndin̄ kə kumuú, ba kadə̄ ndi kə kumuú ní i ngá̰ý al̄ naā.

EPEJƏ 4:30

Ndíĺ kə́ Táĺ ń rāā rɔ̄n i tə́ré yá̰á̰ kə́ Nə́ɓā əndā dɔsí tə́, ɔjəń kadə̄ sḭḭ̄ i yān gə̄ tām̄ yā ndɔ̄ ń a gāngəń dɔ de gə̄ tə́ ní, ī-lōōī rāān kadə̄ rɔ̄n nelə̄n alé.

Makətūbə̄ ń Pol ndang adə̄ Rom gə̄ ní 5:21

Adə̄ loo ń noō tə́ ní, tītə̄ ń majaĺ taā loo kə yoó ní, tītə̄ ń noō ɓáý to̰ rajə yā Nə́ɓā a o̰o̰ ɓē kə ta kūl̄ yá̰á̰ kə́ gōtə́ yā kaw̄ń sejí tū ndi kə kumuú kə́ ngáńdáńg tə́, kə ta kūl̄ Kɔ́ɔ̄ɓē yājí Jeju Kərist ō.

MATIYE 25:46

Anī de gə̄ ní a aw̄n̄ yā kənge ndéý kə́ dan gān̄g aĺ tām̄ yā majaĺ yādə́ tə́ ō, de kə́ súmūú gə̄ a aw̄n̄ loo kə́ deē a ndi kə kumneé tū tə́ ngándáńg tə́ ō.

IJAI 55:1

Sḭḭ̄ malang ń kə̄ndā man̄ rāāsí ní, man̄ n toó, ī-reēī! Ká ré nar gətóoń jīsí tə́ gə̄gē, ī-reēī! Ī-mangiī yá̰á̰ kə́ kadə̄ ə́saī, a adə̄n̄sí i karī. Ī-reēī, ī-mangiī kasə nduú ō, mba ō, kanjə̄ nar.

IJAI 58:11

Kɔ́ɔ̄ɓē a tél nge kɔjiī róbə́ ngándáńg. Dəla loo tə́ gə̄gē ni a adī yá̰a̰ kəsa ō, a adī tɔ́gə gogə́ rang ō. Ā ī-to tītə̄ ndɔr̄ kə́ rāān̄ man̄ dɔ tə́ adə̄ man̄ asən beé, tītə̄ man̄ kə́ əɓa nang tə́ kə́ a nūgə́ ngándáńg beē.

JEREMI 2:13

Rɔ̄kum, yá̰á̰ kə́ gōtə́ aĺ ń gír deē yāḿ gə̄ rāān̄ ní, gír i jōó: Nin̄ mbātə́mə̄n̄ kɔ̄ɔ́, mā ń i kəɓa man̄ kə́ kə kumuú ní. Tām̄ ndērə̄n̄ bəlo taā man̄ ndī gə̄, bəlo taā man̄ ndī kə́ njár̄ kɔ̄ɔ́ gə̄ kə́ man̄ to kemdə́ tə́ alé.

JEREMI 31:25

Ngé gə̄ ń kəndā man̄ taā tɔ́gə́də́ ní, m-ā m̄-tɔ̄l̄ kəndā dɔdə́ tə́ ō. Ngé gə̄ ń tél sɔlə̄n̄ yélélé ní m-ā m-ādə̄də́ tɔ́gə ō.

EJEKIEL 47:9

Loo malang ń man̄ ń noō a mān̄ tū tə́ ní yá̰á̰ kə́ kumuú gə̄ malang a rāān̄ rɔ̄də́. Kānjə̄ gə̄ a ojən̄ naā ngá̰ý, tɔdɔ̄ man̄ ní a ugə̄ noō ō, kum man̄ bā bo a majə ō, loo malang ń man̄ ń noō a teē tū tə́ ní yá̰a̰ gə̄ a ndin̄ kə kumdə́ ō.

MATIYE 5:6

Rɔ̄nel̄ i kə ngé gə̄ ń ɓō yá̰á̰ kə́ gōtə́ rāādə́ ō, kəndā yá̰á̰ kə́ gōtə́ rāādə́ ō ní, tɔdɔ̄ Nə́ɓā a rāā kadə̄ a ndānə̄n̄.

JA̰A̰ 4:10

Jeju tél ədan na: Nə́ngētə́ ī-ger̄ yá̰á̰ ń Nə́ɓā a adə̄ de gə̄ karī ní ō, deē ń gədeī man̄ kadə̄ n-a̰ȳ toó ō anī, i ḭ̄ n ā ī-gəden man̄ ní. Ba man̄ ń ni a adī ní i man̄ kə́ a rāā deē kadə̄ ndi kə kumneé.

JA̰A̰ 4:11

Dəyá̰ ní ədan na: Kɔ́ɔ̄ɓē, yá̰a̰ kuȳ man̄ yāí gətóo ō, bəlo man̄ i kə́ rúu ō ní, loo ń ā ḭ́ḭ kə man̄ kə́ a rāā deē kadə̄ ndi kə kumneé tū tə́ ní i rá?

JA̰A̰ 4:13

Jeju tél ədan na: Náā nəkɔ́ ń a̰ȳ man̄ ń toō ní, kəndā a rāān ɓáý.

JA̰A̰ 4:36

Nge sāā kōō ənge yá̰a̰ kəndā nja yān kɔ̄ɔ́ o, ni-kán̄ kum kōō ní kə̄ naā tə́ tām̄ yā ndi kə kumuú kə́ ngándáńg tə́ ō. Adə̄ nge dubə̄ kōō, ō nge sāā kōō ō, əngen̄ rɔ̄nel̄ mbak.

JA̰A̰ 6:27

Ī-lōōī rāā kəla tām̄ yā yá̰a̰ kəsa kə́ a nujə kɔ̄ɔ́ tə́, banī ī-rāāī kəla tām̄ yā yá̰a̰ kəsa kə́ a to tām̄ yā ndi kə kumuú kə́ ngándáńg tə́. Yá̰a̰ kəsa nge ń noō ní Ngōn̄ Deē a adə̄sí, tɔdɔ̄ i ni n Bɔbə̄n Nə́ɓā ɔjə kə̄ ndágá kadə̄ n-əla seneé rɔ̄kum ní.

JA̰A̰ 7:37

Ndɔ̄ tɔ̄l̄ ta nāā yā kújə́ kámbə gə̄ i ndɔ̄ bo nāā. Ndɔ̄ ń noō tə́ ní, Jeju ra kə njan kə́ dɔɔ́, ba əga kɔŕ ngá̰ý na: Deē ń kəndā rāān anī, ādə̄ kɔ́ɔ̄ reē rɔ̄ḿ tə́ ō, a̰ȳ man̄ ō.

JEJU TEĒ KUM JA̰A̰ 7:17

Tɔdɔ̄ Ngōn̄ batə̄ ń ndi dɔ kōr̄ kāgə̄ mbang tə́ danaá bang ní, a ul̄də́ ō, a aw̄ sedə́ ta kəɓa man̄ kə́ a rāā kadə̄ deē ndi kə kumneé tə́ ō. Nə́ɓā a ɔl̄ man̄ nōō kə́ kumdə́ tə́ kɔ̄ɔ́ ō.

LEBI GƏ̄ 11:36

Ba ré nīń dā̰ ní əsō i kum man̄ kə́ kem gárāá tə́, aké i kum man̄ kə́ a əɓa tə́ anī, man̄ ní i kə́ unjə̄ njáý njáý. Ba deē ń a ɔdə nīń dā̰ ní kum man̄ ní tə́ ní, kɔ́ɔ̄ i de kə́ yḛr.