JA̰A̰ 4:11 - Bibəl ta Sar̄

¹¹ Dəyá̰ ní ədan na: Kɔ́ɔ̄ɓē, yá̰a̰ kuȳ man̄ yāí gətóo ō, bəlo man̄ i kə́ rúu ō ní, loo ń ā ḭ́ḭ kə man̄ kə́ a rāā deē kadə̄ ndi kə kumneé tū tə́ ní i rá?

Bible sar

¹¹ Dəyá̰ ní ədan na: Kɔ́ɔ̄ɓē, yá̰a̰ kuȳ man̄ yāí gətóo ō, bəlo man̄ i kə́ rúu ō ní, loo ń ā ḭ́ḭ kə man̄ kə́ a rāā deē kadə̄ ndi kə kumneé tū tə́ ní i rá?

JA̰A̰ 4:11 Referans Kwoze

1 KORḚNTƏ 2:14

Deē ń aw̄ kə Ndíl Nə́ɓāá aĺ ní, a asə ndigə najə̄ kə́ rɔ̄kum gə̄ kə́ ḭḭn̄ rɔ̄ Ndíĺ ní tə́ alé: Najə̄ gə̄ ní i najə̄ kə́ to mbóo ta kumən ni tə́. Ni-asə ger̄ kumdə́ alé, tɔdɔ̄ deē a asə kəda najə̄ dɔ yá̰á̰ tə́ i kə ta kūl̄ Ndíl.

JA̰A̰ 3:4

Anī Nikodem ədan na: Ba deē ń tɔgə ɓə́ga kɔ̄ɔ́ ní, a ojənən̄ gogə́ ɓáý to̰ i ba̰ý? Ni a asə kudə kem kó̰o̰n tə́ nja kə́ ko̰ jōó ɓáý to̰ kadə̄ tél ojənən̄ gogə́ rang a?

JEREMI 2:13

Rɔ̄kum, yá̰á̰ kə́ gōtə́ aĺ ń gír deē yāḿ gə̄ rāān̄ ní, gír i jōó: Nin̄ mbātə́mə̄n̄ kɔ̄ɔ́, mā ń i kəɓa man̄ kə́ kə kumuú ní. Tām̄ ndērə̄n̄ bəlo taā man̄ ndī gə̄, bəlo taā man̄ ndī kə́ njár̄ kɔ̄ɔ́ gə̄ kə́ man̄ to kemdə́ tə́ alé.

JA̰A̰ 4:14

Banī deē ń a a̰ȳ man̄ ń m-ā m-ādə̄n ní, kəndā a rāān to̰ aĺ i kə́ bátə́ gə̄ tə́, tɔdɔ̄ man̄ ń m-ā m-ādə̄n ní, a tél kəɓa man̄ kə́ a kə̄rā tiriri kemən tə́, yā kadə̄ ni a ndi kə kumneé ngándáńg.

JA̰A̰ 7:37

Ndɔ̄ tɔ̄l̄ ta nāā yā kújə́ kámbə gə̄ i ndɔ̄ bo nāā. Ndɔ̄ ń noō tə́ ní, Jeju ra kə njan kə́ dɔɔ́, ba əga kɔŕ ngá̰ý na: Deē ń kəndā rāān anī, ādə̄ kɔ́ɔ̄ reē rɔ̄ḿ tə́ ō, a̰ȳ man̄ ō.

KƏLA RĀĀ 10:14

Banī Piyer tél əda na: M-ɔ́də aĺ bátə́ Kɔ́ɔ̄ɓē, tɔdɔ̄ yá̰á̰ kə́ Nə́ɓā ɔgə kəsa, aláa yá̰á̰ kə́ yḛr ní, m-ə́sa nja kógə̄ḿ aĺ ɓáý.

JEJU TEĒ KUM JA̰A̰ 7:17

Tɔdɔ̄ Ngōn̄ batə̄ ń ndi dɔ kōr̄ kāgə̄ mbang tə́ danaá bang ní, a ul̄də́ ō, a aw̄ sedə́ ta kəɓa man̄ kə́ a rāā kadə̄ deē ndi kə kumneé tə́ ō. Nə́ɓā a ɔl̄ man̄ nōō kə́ kumdə́ tə́ kɔ̄ɔ́ ō.

JEJU TEĒ KUM JA̰A̰ 21:6

Ba əda ɓáý to̰ na: I kə́ rāā kɔ̄ɔ́ ɓá. Mā i Alpa ō, Omega ō, ta kəla gír ō, ta tɔ̄l̄ ta ō. Deē ń kəndā man̄ rāān anī, m-ā m-ādə̄n man̄ kə́ teē ta kəɓan tə́ karī, kadə̄ ré a̰ȳ anī, ndi kə kumneé.

JEJU TEĒ KUM JA̰A̰ 22:1

Gō tə́ anī, de kə́ dɔ rā̰ tə́ ní ɔjəm̄ man̄ bā kógə̄ḿ kə́ deē a̰ȳ anī a ndi kə kumneé. Bā ní kumən unjə̄ yáŕ yáŕ tītə̄ bətēl̄ kəristal beé ō, teē i tū kōr̄ kāgə̄ mbang yā Nə́ɓā tə́ ō, yā Ngōn̄ Batə̄ tə́ ō.

JEJU TEĒ KUM JA̰A̰ 22:17

Ndíl ō, dəyá̰ nong ō ədan̄ na: Ī-reē! Deē ń oō ní, ādə̄ əda na: Ī-reē! Ba deē ń kəndā rāān anī, ādə̄ reē ō. Deē ń ndigə anī, man̄ ń a rāā kadə̄ deē ndi kə kumneé ní, ādə̄ kɔ́ɔ̄ taā karī ō.