JA̰A̰ 3:36 - Bibəl ta Sar̄

³⁶ Deē ń taā kem Ngōnən ní, kɔ́ɔ̄ a ndi kə kumneé ngándáńg. Deē ń mbātə́ taā kem Ngōn̄ Nə́ɓā ní, ni a ndi kə kumneé alé, ba wōn̄g yā Nə́ɓā a na̰y dɔn tə́.

Bible sar

³⁶ Deē ń taā kem Ngōnən ní, kɔ́ɔ̄ a ndi kə kumneé ngándáńg. Deē ń mbātə́ taā kem Ngōn̄ Nə́ɓā ní, ni a ndi kə kumneé alé, ba wōn̄g yā Nə́ɓā a na̰y dɔn tə́.

JA̰A̰ 3:36 Referans Kwoze

JA̰A̰ 5:24

Ādə̄ m-ə́dásí najə̄ kə́ bo ngá̰ý, nge ń oō najə̄ yāḿ ba taā kem nge ń əlam̄ ní anī, ni i kə ndi kə kumuú ngándáńg. A gāngə̄n̄ sarya dɔn tə́ alé, banī ni-teē kɔ̄ɔ́ tū yo tə́ ba aw̄ tū ndi kə kumuú tə́.

JA̰A̰ 1:12

Ba ngé gə̄ ń əhɔnən̄ kə̄ rɔ̄də́ tə́, adə̄ i ngé gə̄ ń taān̄ kemən ní, ni-adə̄də́ tɔ́gə kadə̄ télən̄ ngáń Nə́ɓā.

1 TESALONIK 5:9

Tɔdɔ̄ Nə́ɓā əndājí i yā kadə̄ wōn̄g yān əsō dɔjí tə́ alé, banī i yā kadə̄ j-ajiī kə ta kūl̄ Kɔ́ɔ̄ɓē yājí Jeju Kərist ń

EPEJƏ 5:6

Ādī deē kógə̄ḿ gól̄sí kə mbóo najá alé. Ī-tām̄ yá̰á̰ kə́ tītə̄ ń noō gə̄ tə́ n wōn̄g yā Nə́ɓā a reēń dɔ ngé gə̄ ń mbātə́n̄ koō najə̄ tan tə́ ní.

Makətūbə̄ ń Pol ndang adə̄ Rom gə̄ ní 5:9

Jə-téliī de kə́ súmūú gə̄ ta kum Nə́ɓā tə́ ngɔlaā i kə ta kūl̄ kadə̄ rɔ̄ yānneé. Adə̄ wōn̄g yā Nə́ɓā ń a reē ɓáý ní, ni-ajəjí kɔ̄ɔ́ ta tə́.

JA̰A̰ 8:51

Ādə̄ m-ə́dásí najə̄ kə́ bo ngá̰ý, deē ń rāā yá̰a̰ gə̄ ń m-ə́dá ní anī, a oy aĺ bátə́.

JA̰A̰ 10:28

Mā m-ādə̄də́ ndi kə kumuú kə́ ngándáńg, adə̄ nin̄ a udən̄ kɔ̄ɔ́ aĺ bátə́. De kə́ yā taādə́ jīḿ tə́ a gətóo.

JA̰A̰ 3:3

Anī Jeju tél ədan na: Ādə̄ m-ə́daī najə̄ kə́ bo ngá̰ý, ré tél ojən̄ deē gogə́ rang aĺ anī, kɔ́ɔ̄ a asə ka̰a̰ Ɓē ko̰o̰ yā Nə́ɓā alé.

JEJU TEĒ KUM JA̰A̰ 21:8

Ba yā ngé ɓōĺ gə̄ ō, ngé ra dɔ ndūdə́ tə́ aĺ gə̄ ō, de kə́ háĺdə́ majaĺ ngá̰ý gə̄ ō, ngé tɔ̄l̄ de gə̄ ō, ngé sāā naā loo kaya tə́ gə̄ ō, ngé kəga gə̄ ō, ngé rāā ɓesə̄ gə̄ ō, ngé sor̄ gə̄ malang ō ní, loo yādə́ i kum bundūm̄ hor bursu kə́ a o̰o̰ tə́. I loo ngeé ń noō n i yo kə́ nge ko̰ jōó ní.

1 TESALONIK 1:10

ba ngóoń Ngōnən ń a ḭḭ dɔ rā̰ tə́ yā reē ní ō. Adə̄ i Ngōnən Jeju ń oy á ni-ndólən ní. Sarya yā Nə́ɓā ń a reē ní, Ngōnən ngeé ń toō un dɔjí tə́ kɔ̄ɔ́.

TƏ́DA 32:11

Bátə́ gə̄gē de kə́ ɓāl̄ kutə jōó gə̄ ō, kə́ ɓāl̄də́ tɔȳ kutə jōó gə̄ ō ń teēn̄ kɔ̄ɔ́ kem ɓē kə́ Ejiptə tə́ ní, kógə̄ḿ dandə́ tə́ kə́ yā ka̰a̰ dɔ nang ń m-ə̄nī ndūḿ dɔ tə́ m-ādə̄ Abəraham ō, Isaak ō, Jakob ō ní a gətóo, tām̄ kemdə́ tɔ́sə̄də́ loo kun gōḿ tə́.

GALATƏ 3:10

Ba ngé gə̄ ń əndān̄ tɔ́gə́də́ i dɔ rāā yá̰á̰ ń ndū najə̄ əda tə́ ní, ndɔ̄ĺ i dɔdə́ tə́. Tɔdɔ̄ i kə́ ndang na: Náā nəkɔ́ ń rāā yá̰a̰ malang ń ndangən̄ kem makətūbə̄ ndū najə̄ tə́ ní aĺ ní i de kə́ ndɔ̄ĺ i dɔn tə́.

Makətūbə̄ ń Pol ndang adə̄ Rom gə̄ ní 8:1

Adə̄ ngɔlaā ní sarya kógə̄ḿ kə́ yā kəhɔjí jḭḭ̄ ń i ngé ɓoo naā kə Kərist gə̄ ní gətóo.

Najə̄ kə́ Majə yā Jeju ń Luk ndang ní 3:6

Loo ń noō tə́ de gə̄ malang a a̰a̰n̄ loo kajə ń Nə́ɓā a ajə deē ní.

PĀ GƏ̄ 49:19

Dan ń ndi kə kumneé ní, əda na n-ndi majə. De gə̄ əndan̄ jīdə́ gírən tə́, tɔdɔ̄ yá̰a̰ malang i kə́ majə tām̄ yān tə́.

PĀ GƏ̄ 36:9

Nin̄ əsan̄ yá̰á̰ kə́ nel̄ gə̄ kə́ kem kújə yāí tə́ adə̄ ndān̄də́ ō, ādə̄də́ yá̰á̰ kə́ nel̄ yāí gə̄ kə́ ngá̰ý tītə̄ man̄ bā beé ní adə̄ a̰ȳn̄ ō.

HEBƏRO 10:29

Deē ń a tə́ɓā Ngōn̄ Nə́ɓā njan tə́ ō, rāā mósə́ ń Nə́ɓā əhɔń madə̄ naā kə de gēé ní yá̰á̰ kə́ karī tə́ ō, mósə́ ń unnəń majaĺ yān gə̄ kɔ̄ɔ́ dɔn tə́ adə̄ ni tél de kə́ kɔr̄ kam̄ tayā ō, tájə̄ Ndíĺ ń kem majə yā Nə́ɓā adə̄jí ní ō anī, ī-gírī kadə̄ yá̰á̰ kə́ tōr̄ ń majə kadə̄ rāān̄ seneé tām̄ majaĺ yān tə́ ní, i yá̰á̰ kə́ tōr̄ kə́ tɔȳ nge ń noō aĺ a?

HEBƏRO 2:3

jḭḭ̄ ní, ré usəjí dɔ kajə kə́ bo ngá̰ý ń toō tə́ aĺ anī, j-a j-asiī teē karī ta ndéý tə́ i ba̰ý? Kajə ngeé ń toō, Kɔ́ɔ̄ɓē əla gír kɔr̄ najə̄ kə́ dɔ tə́ ō, ngé gə̄ ń oōn̄ ní ədan̄ kadə̄ i najə̄ kə́ rɔ̄kum ō.

HABAKUK 2:4

Ī-ndang najə̄ ń toō: Deē ń gír̄ kə́ kemən tə́ i kə́ majaĺ ní, tɔ́gən gətóo. Banī deē ń ra dɔ ndūn tə́ kə Nə́ɓāá ní, i nge rāā yá̰á̰ kə́ gōtə́. I tītə̄ ń noō n ni ndiń kə kumneé ní

PĀ GƏ̄ 2:12

Ī-rɔyī ngōn̄, na sōgə́ wōn̄g rāān anī ā óyiī róbó. Yá̰á̰ kə́ sḛ́ý beē gə̄gē anī wōn̄g rāān kɔ̄ɔ́. De gə̄ malang ń ni i loo ɓɔ̄ɔ̄ rɔ̄ yādə́ ní rɔ̄də́ nel̄də́.

Makətūbə̄ yā Job 33:28

Ni-gān̄g dɔḿ jī yo tə́ kɔ̄ɔ́, adə̄ m̄-ndi kə kumḿ ō, m-á̰a̰ loo kə́ unjə̄ kow ō.

Makətūbə̄ ń Pol ndang adə̄ Rom gə̄ ní 4:15

Tɔdɔ̄ ndū najə̄ a reē kə wōn̄g yā Nə́ɓāá dɔ de gə̄ tə́, ba loo ń ndū najə̄ gətóo tū tə́ ní, loo mbātə́ rāā yá̰á̰ kə́ ndū najə̄ ɔjə a gətóo ō.

Najə̄ kə́ Majə yā Jeju ń Luk ndang ní 2:30

Tɔdɔ̄ kumḿ a̰a̰ kajə yāí ń

MATIYE 25:46

Anī de gə̄ ní a aw̄n̄ yā kənge ndéý kə́ dan gān̄g aĺ tām̄ yā majaĺ yādə́ tə́ ō, de kə́ súmūú gə̄ a aw̄n̄ loo kə́ deē a ndi kə kumneé tū tə́ ngándáńg tə́ ō.

MARK 16:16

Deē ń a taā kem ō, a rāānən̄ batém ō ní, a ajə. Deē ń a taā kem aĺ ní, a gāngə̄n̄ sarya dɔn tə́.

JA̰A̰ 4:36

Nge sāā kōō ənge yá̰a̰ kəndā nja yān kɔ̄ɔ́ o, ni-kán̄ kum kōō ní kə̄ naā tə́ tām̄ yā ndi kə kumuú kə́ ngándáńg tə́ ō. Adə̄ nge dubə̄ kōō, ō nge sāā kōō ō, əngen̄ rɔ̄nel̄ mbak.

JA̰A̰ 6:58

Mápá ń ḭḭ dɔ rā̰ tə́ reē dɔ nang tə́ ní n toó. Ni to i tītə̄ máná ń kaasí gə̄ əsan̄ ní alé. Nin̄-əsan̄ mána ba oyn̄ kɔ̄ɔ́. Nge ń əsa mápá ń toō ní, a ndi kə kumneé ngándáńg.

KƏLA RĀĀ 14:2

Banī Jipə gə̄ ń taān̄ kem aĺ ní, sə̄lān̄ de gə̄ ń i Jipə aĺ gə̄ ní adə̄ gírə̄n̄ yá̰á̰ kə́ majaĺ kə ngákó̰ó̰jí gēé.

HEBƏRO 3:18

Dan ń Nə́ɓā túbə əda na: Nin̄ a ugə̄n̄ ɓē ń m-ə̄ndā dɔ kɔr̄ koō danaá tū tə́ tām̄ yādə́ tə́ ní alé ní, ni-ɔr̄ i najə̄ yā náā gə̄? I ngé gə̄ ń əsōn̄ wōn̄g ní n ni-ɔr̄ najə̄ yādə́ ní.

HEBƏRO 3:19

Ba j-a̰ā̰ī kadə̄ nin̄-asən̄ kugə̄ tū kɔr̄ koō ní tə́ alé, tɔdɔ̄ nin̄-taān̄ kem alé.