JA̰A̰ 3:29 - Bibəl ta Sar̄

²⁹ Deē ń taā dəyá̰ ní, kɔ́ɔ̄ i ngaa dəyá̰. Ba balsáa madə̄ ngaa dəyá̰ ń ra noó ba oō ndūn ní, rɔ̄n nelə̄n ngá̰ý dan ń ndū ngaa dəyá̰ əsō mbīn tə́ ní. I yá̰á̰ ń toō n i rɔ̄nel̄ yāḿ mā ní, ba rɔ̄nel̄ ní majə ɔtə̄ kə taá.

Bible sar

²⁹ Deē ń taā dəyá̰ ní, kɔ́ɔ̄ i ngaa dəyá̰. Ba balsáa madə̄ ngaa dəyá̰ ń ra noó ba oō ndūn ní, rɔ̄n nelə̄n ngá̰ý dan ń ndū ngaa dəyá̰ əsō mbīn tə́ ní. I yá̰á̰ ń toō n i rɔ̄nel̄ yāḿ mā ní, ba rɔ̄nel̄ ní majə ɔtə̄ kə taá.

JA̰A̰ 3:29 Referans Kwoze

OJEE 2:19

M-ā m-ɔ̄r̄ rī ɓesə̄ Baal gə̄ tan tə́ kɔ̄ɔ́ ō, a əga kem deē dɔ tə́ to̰ aĺ ō.

MATIYE 9:15

Anī Jeju tél ədadə́ na: Dan ń nga dəyá̰ ndiń kə madə̄n gēé ɓáý ní madə̄n gə̄ ní a əhɔn̄ ndoō a? Banī ndɔ̄ gə̄ a reēn̄ noó kadə̄ a ɔrə̄n̄ nga dəyá̰ dandə́ tə́ kɔ̄ɔ́, tā anī a ndin̄ ɓō tām̄ yā Nə́ɓā tə́ tā.

EJEKIEL 16:8

m̄-tél m̄-mān̄ kadií tə́ ɓáý to̰, anī m-á̰a̰ kadə̄ ásə dəyá̰ kɔ̄ɔ́. Loo ń noō tə́ ní m-ə̄nī kūbə̄ yāḿ dɔí tə́ m-utəń gidə rɔ̄í, tām̄ rɔ̄í i karī. m̄-túbə̄ m-ɔ́jəń kadə̄ m-ā m̄-ra dɔ ndūḿ kə́ m-ə̄nī m-ādī tə́ ō, m-ə́hɔ madə̄ naā seí ō. Loo ń noō tə́ ní ḭ̄ i yāḿ, adə̄ mā Kɔ́ɔ̄ɓē Nə́ɓā m-ə́da nge ń noō kə̄ ndágá.

IJAI 54:5

I tām̄ najə̄ ń toō tə́: Ngaaí ń ā ə́ngé ní, i nge rāāī, i nge ń rīn na i Kɔ́ɔ̄ɓē kə́ bo kə́ tɔ́gən i ngá̰ý ní. Nge taā kəya̰ī dɔɔ́ i Nə́ɓā kə́ táĺ yā Israel, i nge ń a ɓāŕnən̄ na i Nə́ɓā yā dɔ nang kə taá malang ní.

JEJU TEĒ KUM JA̰A̰ 21:9

Anī de kə́ dɔ rā̰ tə́ kógə̄ḿ, kə́ dan ngé kə́ sīrí gə̄ ń kópə kə́ sīrí gə̄ kə́ yá̰á̰ kə́ tōr̄ kə́ ta tɔ̄l̄ ta tə́ gə̄ rosən̄ kem i jīdə́ tə́ ní, reē rɔ̄ḿ tə́ ba ədam̄ na: Ī-reē na m-ā m-ɔ́jiī kə dəyá̰ nong yā Ngōn̄ batāá.

PILIPƏ 2:2

I beé ɓáa ī-rāāī ādə̄ rɔ̄nel̄ yāḿ i rɔ̄nel̄ kə́ ɔtə̄ kə taá mámák. Ādī gír̄ yāsí i kógə̄ḿ beē ō, tár yāsí i kógə̄ḿ beē ō, kemsí i kógə̄ḿ beē ō, yá̰á̰ ń ī-sāāī rāā ní i yá̰á̰ kə́ kógə̄ḿ beē ō.

JA̰A̰ 16:24

Bátə́ ngɔlaā ní sḭḭ̄ ī-dəjeī yá̰á̰ kógə̄ḿ kə rīḿ aĺ ɓáý. Ní, ī-dəjeī, anī ā ə́ngeī, yā kadə̄ rɔ̄nel̄ yāsí i kə́ ɔtə̄ kə taá mámák.

1 JA̰A̰ 1:4

Jə-ndang najə̄ kə́ dɔ yá̰á̰ ní tə́ j-adə̄sí i yā kadə̄ rɔ̄nel̄ yājí i rɔ̄nel̄ kə́ majə ɔtə̄ kə taá.

2 KORḚNTƏ 11:2

m̄-rāā jang najə̄ yāsí tə́, ba jang ń m̄-rāā ní, i jang kə́ ḭḭ i rɔ̄ Nə́ɓā tə́. Tām̄ sḭḭ̄ i tītə̄ ngōmandə kə́ ger̄ dəngam aĺ ɓáý kə́ m-ə́hɔ gātə̄sí tām̄ yā dəngam kə́ kógə̄ḿ beē tə́, dəngam ní i Kərist.

Najə̄ kə́ Majə yā Jeju ń Luk ndang ní 15:6

Ba dan ń tél reē ugə̄ ɓēé looneé anī, a ɔsə dɔ madə̄n gə̄ ō, madə̄ ɓēn gə̄ ō naā tə́, yā kədadə́ na kə rāān̄ rɔ̄nel̄ seneé, tɔdɔ̄ na n-ənge batə̄ yān ń tan tḭ̄ḭ̄ ní kɔ̄ɔ́.

PĀ KƏ́ MAJƏ 5:1

Ngōkó̰ó̰ḿ kə́ dəyá̰, nge nong yāḿ, m̄-reē kem ndɔr̄ yāḿ tə́. M-ɔ̄r̄ nō kāgə̄ mír yāḿ naā tə́ kə nō kāgə̄ bomə yāḿ. M-ə́sa mbar̄ tejə yāḿ ō, m-ó̰o̰ yibə̄ tejə yāḿ ō. M-ā̰ȳ kasə nduú yāḿ ō, m-ā̰ȳ mba yāḿ ō! Madə̄ḿ gə̄, ə́saī yá̰a̰ ō, ā̰yī ō, ādī tár rāāsí kə́ kasə tə́!

MATIYE 25:1

Loo ń noō tə́ ní, Ɓē ko̰o̰ kə́ dɔ rā̰ tə́ a to i tītə̄ kūjə́ najə̄ yā ngámandə kə́ kutə kógə̄ḿ gə̄ ń ɔyn̄ lámba yādə́ gə̄ ba aw̄n̄ tə́nī ta ngaa dəyá̰ tə́ ní.

JEREMI 2:2

Āw̄, ə́ga kɔŕ ta mbī de gə̄ kə́ Jerusalem tə́: Najə̄ ń Kɔ́ɔ̄ɓē əda ní n toó: m̄-ter̄ kemií dɔ kəhɔ kə́ ə́hɔ gō Kɔ́ɔ̄ɓē adə̄ gan̄g dan mandií tə́ ō, dɔ tár yāí tə́ dan taí ngaa kijə tə́ ō. Ḭ̄ ún gōḿ kem dəla loo tə́ ō, dɔ nang kə́ deē ndɔr̄ tū tə́ aĺ tə́ ō.

IJAI 66:11

Loo ń noō tə́ ni a adə̄sí tɔ́gə gogə́. Ā ī-ndānī tītə̄ ngáń kásə̄ gə̄ kə́ ilən̄ mba kó̰ó̰də́ kə́ a̰ȳ ngá̰ý kə rɔ̄nelēé beē.

PĀ KƏ́ MAJƏ 3:11

Ngáń kə́ dəyá̰ kə́ Siyo̰ gə̄, ī-teē á̰a̰ī mban̄g Salomo̰! Ni-əla jākā mbang dɔn tə́. I jākā ń kó̰o̰n adə̄n ndɔ̄ ń ni-taāń dəyá̰ tə́ ní, ndɔ̄ ń rɔ̄n nelə̄nneé tə́ ní.

2 JA̰A̰ 1:12

Yá̰a̰ gə̄ i ngá̰ý kadə̄ m̄-ndang najə̄ kə́ dɔ tə́ m-ādə̄sí. Mā m̄-gḛy ndang kem makətūbūú ō, kə man̄ ndang makətūbə̄ ō alé. Ba m-ə̄ndā kemḿ dɔ kaw̄ loosí tə́, kadə̄ m-āw̄ m-ɔ̄r̄ najə̄ ní sesí kə taḿ, tá yā kadə̄ rɔ̄nel̄ yājí i rɔ̄nel̄ kə́ majə ɔtə̄ kə taá mámák.

JA̰A̰ 17:13

Ngɔlaā ń toō m-ā m-āw̄ kə̄ rɔ̄í tə́, ba m-ə́da najə̄ gə̄ ń toō dɔ nang tə́, i yā kadə̄ rɔ̄nel̄ yāḿ kə́ kemdə́ tə́ i rɔ̄nel̄ kə́ ɔtə̄ kə taá mámák.

MATIYE 22:2

Ɓē ko̰o̰ kə́ dɔ rā̰ tə́ i tītə̄ mban̄g kógə̄ḿ kə́ rāā yá̰a̰ kəsa ndɔ̄ kaw̄ kújú yā nə̄yá̰ ngōnən tə́ beē.

JA̰A̰ 3:30

I só tə́ kadə̄ ni-tɔgə kum kə̄ kété, ba kadə̄ mā m̄-tél kə̄ nang tə́.

JA̰A̰ 15:11

M-ə́dásí yá̰a̰ gə̄ ń toō i kadə̄ rɔ̄nel̄ yāḿ i kemsí tə́ ō, kadə̄ rɔ̄nel̄ yāsí i kə́ ɔtə̄ kə taá mámák ō.