JA̰A̰ 3:23 - Bibəl ta Sar̄

²³ Dan ngeé ń noō tə́ ní, Ja̰a̰ a rāā de gə̄ batém i Enon tə́, kadə loo kə́ Salim tə́, tɔdɔ̄ man̄ i ngá̰ý loo ní tə́. De gə̄ reēn̄ tū tə́ kadə̄ rāān̄də́ batém.

Bible sar

²³ Dan ngeé ń noō tə́ ní, Ja̰a̰ a rāā de gə̄ *batém i Enon tə́, kadə loo kə́ Salim tə́, tɔdɔ̄ man̄ i ngá̰ý loo ní tə́. De gə̄ reēn̄ tū tə́ kadə̄ rāān̄də́ batém.

JA̰A̰ 3:23 Referans Kwoze

Najə̄ kə́ Majə yā Jeju ń Luk ndang ní 3:7

Dan ngeé ń noō tə́ ní de gə̄ ngá̰ý reēn̄ rɔ̄ Ja̰a̰ tə́ kadə̄ Ja̰a̰ rāādə́ batém, anī ni-ədadə́ na: Sḭḭ̄ gír kaa lī kakə́m gə̄, wōn̄g yā Nə́ɓā ń a reē ní i náā n ɔjəsí loo ka̰ȳ ta tə́ kɔ̄ɔ́ ní?

EJEKIEL 43:2

Loo ń noō tə́ m-á̰a̰ kɔsə gɔn yā Nə́ɓā yā Israel. Kɔsə gɔn ní ḭḭ i dām̄ kə́ gír ɓē tə́ n a reē. Kōō kɔsə gɔn ní ɓār̄ tītə̄ kōō bā bo beé ō, loo yān kə́ unjə̄ kow unjə̄ adə̄ de gə̄ a̰a̰nə̄ń loo dɔ nang tə́ ō.

EJEKIEL 19:10

Kó̰ó̰sí to i tītə̄ kāgə̄ nduú kə́ əhɔn̄ kadə man̄ tə́ beē. Ni an̄ ngá̰ý ō, mbīn i ngá̰ý ō, tɔdɔ̄ man̄ asən.

JEREMI 51:13

Ḭ̄ ń ī-ndi ngɔr kadə man̄ kə́ ngá̰ý gə̄ tə́ ō, ḭ̄ ń yá̰a̰ kənge yāí i ngá̰ý ō ní, ndɔ̄í asə, tɔdɔ̄ yá̰a̰ gə̄ malang ń ī-sāā ní, ənge ādə̄ ɔdə jīí kɔ̄ɔ́ ɓáa.

1 SAMUEL 9:4

Saul nin̄ kə nge kəla ní unən̄ gō nang kə́ mbalá yā Epəraim malang ō, gō nang yā Salisa malang ō, ba əngen̄ kó̰o̰ kərō gə̄ ní alé. Unən̄ gō nang yā Salim banī əngen̄də́ aĺ ɓáý. Unən̄ gō nang yā Benjamḛ banī əngen̄də́ aĺ ɓáý to̰.

TA KƏLA 33:18

Jakob tél Mesopotami ugə̄ Sisem dɔ nang kə́ Kanaan tə́ kə lápə́yaá. Ni ndi i kadə ɓē tə́.

JEJU TEĒ KUM JA̰A̰ 19:6

Gō tə́ anī, m-ōō kōō yá̰á̰ kə́ ɓār̄ tītə̄ kōō kósə de kə́ ngá̰ý gə̄ beé ō, tītə̄ man̄ bā kə́ ngá̰ý ō, tītə̄ kōō man̄ kə́ ndang ngá̰ý ō. Kósə de gə̄ ní ədan̄ na: Aleluya! Tɔdɔ̄ Kɔ́ɔ̄ɓē Nə́ɓā yājí kə́ bo kə́ tɔ́gən i ngá̰ý o̰o̰ ɓē.

JEJU TEĒ KUM JA̰A̰ 14:2

Anī deē kógə̄ḿ ɔr̄ najə̄ adə̄ m-ōō ndūn dɔ rā̰ tə́ tītə̄ kōō man̄ kə́ ɓār̄ ngá̰ý beē ō, tītə̄ kōō man̄ kə́ ndang ngá̰ý beē ō. Ba ndūn ń m-ōō ní ɓār̄ tītə̄ kōō kənde gə̄ kə́ ngé kugədə́ gə̄ a ugən̄ beé.

JEJU TEĒ KUM JA̰A̰ 1:15

Njan to tītə̄ gində̄ nə̄ngá kasə kə́ nō horoó beé ō, ndūn ɓār̄ tītə̄ kōō man̄ kə́ ngá̰ý kə́ a ɓār̄ beé ō.

JA̰A̰ 3:22

Gō yá̰a̰ gə̄ ń toō tə́ anī, Jeju aw̄ kə ngé ndóō yá̰a̰ yān gēé gō nang kə́ Jude tə́. Ni-ndi sedə́ noō ō, rāā de gə̄ batém ō.

JA̰A̰ 3:24

Tɔdɔ̄ dan ngeé ń noō tə́ ní, ənīn̄ Ja̰a̰ dəngáyá aĺ ɓáý.