JA̰A̰ 3:21 - Bibəl ta Sar̄

²¹ Ba nge ń rāā yá̰á̰ kə́ rɔ̄kum ní a reē kum loo kə́ unjə̄ kow tə́, yā kadə̄ kəla rāān gə̄ ton̄ kə̄ dɔ ndágá wáńg, tɔdɔ̄ yá̰a̰ gə̄ ń ni-rāā ní i gō yā Nə́ɓā tə́.

Bible sar

²¹ Ba nge ń rāā yá̰á̰ kə́ rɔ̄kum ní a reē kum loo kə́ unjə̄ kow tə́, yā kadə̄ kəla rāān gə̄ ton̄ kə̄ dɔ ndágá wáńg, tɔdɔ̄ yá̰a̰ gə̄ ń ni-rāā ní i gō yā Nə́ɓā tə́.

JA̰A̰ 3:21 Referans Kwoze

1 JA̰A̰ 1:6

Ré j-ədaī na jə-rāāī kem kógə̄ḿ seneé, ba jə-njə̄rāī kum til tə́ anī, jə-sorī i mbée, adə̄ jə-rāāī yá̰á̰ kə́ rɔ̄kum alé.

3 JA̰A̰ 1:11

Kó tár yāḿ, ī-lōō ndájə̄ yá̰á̰ kə́ majaĺ, ba ī-ndájə̄ yá̰á̰ kə́ majə. Deē ń rāā yá̰á̰ kə́ majə ní, ni i deē yā Nə́ɓā. Banī deē ń rāā yá̰á̰ kə́ majaĺ ní, a̰a̰ Nə́ɓā alé.

EPEJƏ 5:9

Tām̄ loo kə́ unjə̄ kow a ojə i gíŕ yá̰a̰ gə̄ malang kə́ rāā kə kem majaá ō, yá̰á̰ kə́ gōtə́ ō, yá̰á̰ kə́ rɔ̄kum ō.

PĀ GƏ̄ 119:105

Najə̄ yāí i hor lámbá kə́ unjə̄ kété noḿ tə́, kadə̄ m-á̰a̰ń loo m-ə̄ndań njaḿ. I hor kə́ unjə̄ dɔ róbə yāḿ tə́.

PILIPƏ 2:13

Tɔdɔ̄ Nə́ɓā rāā kəla kemsí tə́ ngándáńg, yā rāań kadə̄ sḭḭ̄ ásiī ndigə yá̰á̰ ń ni-núm̄ ní ō, rāā yá̰á̰ ń ni-núm̄ ní kə gōó ō.

GALATƏ 6:8

Ré yá̰á̰ ń ī-dubə̄ ní, i yá̰á̰ kə́ tām̄ yā dā̰ rɔ̄ tə́ anī, yá̰á̰ ń ā ə́já ní, i yá̰á̰ ń dā̰ rɔ̄ adə̄ ní, adə̄ i yá̰á̰ kə́ ndum. Ré yá̰á̰ ń ī-dubə̄ ní, i yá̰á̰ kə́ kə gō kem ndigə yā Ndíl anī, yá̰á̰ ń ā ə́ja kə ta kūl̄ Ndílí ní, i ndi kə kumuú kə́ ngándáńg.

PĀ GƏ̄ 119:80

m̄-ndigə rāā yá̰a̰ gə̄ ń ī-ndang kadə̄ yā rāā ní kə ngarā̰ kemḿ malang. Loo ń noō tə́ rɔ̄ḿ a sɔlə̄m̄ alé.

1 PIYER 1:22

Sḭḭ̄ ə́laī dɔsí gír najə̄ kə́ rɔ̄kum tə́ ī-tə́goīneé ngarān̄g kemsí adə̄ unjə̄ njáý njáý, i yā tárəń ngákó̰ó̰sí kə́ ngé taā kem gə̄ kə táŕ kə́ kanjə̄ gól̄ looó. I beé ní, ī-táriī naā kə kem kə́ ndaa tá táĺ, kanjə̄ kɔr ta tə́.

HEBƏRO 13:21

Kadə̄ əndān̄sí kə gōó tām̄ yá̰á̰ kə́ majə gə̄ tə́ malang, yā kadə̄ ī-rāāī gō kem ndigə yān. Kadə̄ ni-rāā yá̰á̰ kə́ əsō kumən kemjí tə́ kə ta kūl̄ Jeju Kərist ń kɔsə gɔn i tām̄ yān tə́ ngándáńg ngándáńg ní. Adə̄ i tītə̄ ń noō!

KOLOSƏ 1:29

I tām̄ ń toō tə́ n m̄-rāā kəla ō, m̄-rɔ̄ɔ̄ ō kə ta kūl̄ tɔ́gə yā Kərist ní. Tɔ́gə́ ní rāā kəla kə ngangāá kemḿ tə́.

PILIPƏ 1:11

Sḭḭ̄ ā ī-rāāī yá̰á̰ kə́ gō tə́ gə̄ ngá̰ý kə ta kūl̄ Jeju Kərist yā kɔsəń gɔn Nə́ɓā ō, yā ɓōkə́nəń tɔ̄ȳ ō.

JA̰A̰ 5:39

Sḭḭ̄ ī-ndəleī gír najə̄ yā Nə́ɓā, tɔdɔ̄ ī-gírī kadə̄ ā ī-ndiī kə́ kumsí ngándáńg i kə ta kūl̄neé. I makətūbə̄ gə̄ ngeé ń noō n ɔrə̄n̄ najə̄ kə́ kum tə́ yāḿ ní.

JA̰A̰ 1:47

Jeju a̰a̰ Natanayel a reē kə̄ rɔ̄n tə́ anī, ɔr̄ najə̄ yān əda na: Ngōn̄ Israel kə́ rɔ̄kum n toó, i de kə́ gól̄ loo gətóo kemən tə́ bátə́.

2 KORḚNTƏ 1:12

Yá̰á̰ ń ɔjə kɔr ta rɔ̄ yājí ní, i najə̄ ń toō ń kemjí ɔjəjí ní. Kemjí ɔjəjí kadə̄ háĺjí ń jə-ndiń dan de kə́ dɔ nang tə́ gə̄ tə́, ba mandang ɓáa i sesí sḭḭ̄ḭ́ ní, i háĺ kə́ kanjə̄ gól̄ loo ō, kə́ unjə̄ njáý njáý ō, adə̄ i hál yā Nə́ɓā. I hál kum kedə̄ yā de gēé alé, banī i hál kem majə yā Nə́ɓā.

1 KORḚNTƏ 15:10

Banī Nə́ɓā rāā seḿ adə̄ m̄-tél de kə́ m̄-to beé. Ba rāā ń Nə́ɓā rāā seḿ ní gotə to karī alé, tām̄ m̄-rāā kəla tɔȳ gotə ngámbang kəla gə̄ malang. Kə́ rɔ̄kum tə́ ɓáa i mā alé, banī i rajə kə́ Nə́ɓā rajəm̄.

OJEE 14:8

De gə̄ kə́ Israel tə́ a télən̄ yā reē ndi ndílə́ḿ tə́. Nin̄ a ndɔrə̄n̄ gémē gogə́ ō, a hútə̄n̄ tītə̄ kāgə̄ nduú beē ō, rīdə́ a ɓār̄ ngá̰ý tītə̄ yā kasə nduú kə́ Liban tə́ beē ō.

IJAI 26:12

Kɔ́ɔ̄ɓē, ḭ̄ ādə̄jí lɔm, yá̰a̰ malang ń j-əla gír rāā ní, i ḭ̄ n i nge rāā kadə̄ reē udə gíŕ kə́ rɔ̄ tə́ ādə̄jí ní.

JEJU TEĒ KUM JA̰A̰ 3:15

m̄-ger̄ kəla rāāí gə̄, adə̄ ḭ̄ i de kə́ ī-sɔl̄ aĺ ō, ī-təngā aĺ ō. Ba majə kadə̄ ī-sɔl̄, aláa ī-təngā tá.

IJAI 8:20

ī-tūr̄ ə́dain̄ na: Yá̰á̰ ń kadə̄ deē tél reē dɔ tə́ ní, i yá̰á̰ ndóō yā Kɔ́ɔ̄ɓē ō, i najə̄ yā Kɔ́ɔ̄ɓē ō. Deē ń a əda najə̄ ń noō aĺ ní, a a̰a̰ loo kə́ atə wororo kə́ ta gír loo tə́ alé.

JA̰A̰ 3:20

Tɔdɔ̄ náā nəkɔ́ ń ā rāā yá̰á̰ kə́ majaĺ ní, gḛy loo kə́ unjə̄ kow alé. Adə̄ a reē kum loo kə́ unjə̄ kow tə́ alé, najə̄ kadə̄ gír kəla rāān gə̄ teēn̄ dɔɔ́.

JA̰A̰ 7:17

Ré deē kógə̄ḿ gḛy rāā yá̰á̰ ń kem Nə́ɓā ndigə ní anī, a ger̄ ké yá̰á̰ ń m̄-ndóō de gə̄ ní ḭḭ rɔ̄ Nə́ɓā tə́, aké m-ɔ̄r̄ najə̄ i kə dɔḿ mə̄kɔ́ wa.