JA̰A̰ 3:2 - Bibəl ta Sar̄

² Ni-reē rɔ̄ Jeju tə́ ndɔ̄ɔ́, ba ədan na: Ngoljí, ḭ̄ i nge kɔjə yá̰á̰ ń Nə́ɓā əlaī tāmən tə́ ní, adə̄ jə-ger̄ majə. Deē kógə̄ḿ kə́ yā rāā yá̰á̰ kə́ yáā gə̄ ń ī-rāā ní gətóo, ré i Nə́ɓā n i seneé tá.

Bible sar

² Ni-reē rɔ̄ Jeju tə́ ndɔ̄ɔ́, ba ədan na: Ngoljí, ḭ̄ i nge kɔjə yá̰á̰ ń Nə́ɓā əlaī tāmən tə́ ní, adə̄ jə-ger̄ majə. Deē kógə̄ḿ kə́ yā rāā yá̰á̰ kə́ yáā gə̄ ń ī-rāā ní gətóo, ré i Nə́ɓā n i seneé tá.

JA̰A̰ 3:2 Referans Kwoze

JA̰A̰ 5:36

Banī mā i kə najə̄ kə́ kum tə́ kə́ bo tɔȳ yā Ja̰a̰. Tɔdɔ̄ kəla gə̄ ń m̄-rāā ní, i kəla gə̄ ń Bɔbə́ḿ adə̄m̄ kadə̄ m̄-rāā m̄-tɔ̄l̄ ta ní. Nin̄-ɔjən̄ najə̄ kə́ kum tə́ yāḿ kadə̄ i Bɔbə́ḿ n əlam̄ ní.

KƏLA RĀĀ 10:38

Kadə̄ ń Nə́ɓā adə̄ Jeju kə́ Najaret Ndíĺ kə́ Táĺ ō, tɔ́gə ō ní sḭḭ̄ ī-gerī ō, njə̄rā ń Jeju njə̄rā kə gō loo gə̄ a rāań majə kə de gēé ō, rāā adə̄ de gə̄ malang ń ndin̄ gíŕ tɔ́gə yā diabəl tə́ ní rɔ̄də́ ngáā ō tɔdɔ̄ Nə́ɓā i seneé ní, sḭḭ̄ ī-gerī ō.

KƏLA RĀĀ 2:22

Israel gə̄, ōōī najə̄ ń m-ā m-ə́dásí toō: Sḭḭ̄ malang ī-gerī kadə̄ Jeju kə́ Najaret ní, Nə́ɓā ndigə najə̄ gōn tə́. Tām̄ ni-unən rāań yá̰á̰ kə́ yáā gə̄ ō, yá̰á̰ kə́ to kɔr kum gə̄ ō, yá̰á̰ kə́ yā kɔjəń yá̰a̰ gə̄ ō dɔ dáńsí tə́.

JA̰A̰ 9:16

De kə́rēý gə̄ dɔ dan Parijiyḛ gə̄ tə́ ədan̄ na: Deē ń toō ḭḭ i rɔ̄ Nə́ɓā tə́ alé, tɔdɔ̄ ni-ngɔ̄m̄ ndɔ̄ sabat alé. De kə́ rang gə̄ ədan̄ na: De kə́ nge rāā majaĺ asə rāā yá̰á̰ kə́ yáā kə́ tītə̄ ń noō gə̄ i ba̰ý? Adə̄ míndə kasə naā aĺ to dandə́ tə́.

JA̰A̰ 12:37

Ká ré ni-rāā yá̰á̰ kə́ to kɔr kum gə̄ ngá̰ý ta kumdə́ tə́ gə̄gē anī, ba nin̄-taān̄ kemən alé.

JA̰A̰ 1:38

Jeju tél tūr̄ kumən anī a̰a̰də́ a unən̄ gōn, anī ni-ədadə́ na: Ā ī-sāāī i rí? Nin̄-tél ədanən̄ na: Rabi, ī-ndi i rá? Rabi, kə ta ɓē yādə́ ní kumən na i ngoljí.

MATIYE 22:16

Gō tə́ anī əlan̄ ngé ndóō yá̰a̰ yādə́ gə̄, naā tə́ kə de gə̄ yā Herod gēé adə̄ aw̄ dəjen̄ Jeju na: Ngoljí, jə-ger̄ kadə̄ ḭ̄ i de kə́ nge kəda najə̄ kə́ rɔ̄kum ō, ḭ̄ ndóō de gə̄ gō róbə yā Nə́ɓā i kə najə̄ kə́ rɔ̄kum kanjə̄ ɓōĺ deē ō. Tɔdɔ̄ ḭ̄ ī-rāā yá̰a̰ tām̄ ta kum deē alé.

JA̰A̰ 7:31

De gə̄ ngá̰ý dan kósə de gə̄ tə́ taān̄ kemən, adə̄ ədan̄ na: Kərist ní, loo ń a reē anī, a rāā yá̰á̰ kə́ yáā gə̄ ngá̰ý tɔȳ yā deē ń toō a?

JA̰A̰ 20:16

Jeju ədan na: Mari! Anī Mari tūr̄ rɔ̄n, ba ədan kə ta Hebəro na: Rabuni, kumən na i ngoləḿ.

JA̰A̰ 15:24

Nə́ngētə́ m̄-rāā kəla kə́ de kə́ rang rāā aĺ ɓáý dandə́ tə́ aĺ anī, majaĺ yādə́ a gətóo. Banī ngɔlaā nin̄-a̰a̰n̄ kəla rāāḿ gə̄ ba imə̄n̄jí mbak kə Bɔbə́ḿ.

JA̰A̰ 3:26

adə̄ ɔtə aw̄ əngen̄ Ja̰a̰, ba ədanən̄ na: Ngoljí, á̰a̰ deē ń ni i seí dan ń ḭ̄ i gidə bā Jurdḛ kə́ nó tə́ á ə́da najə̄ kə́ kum tə́ yān ní, a rāā de gə̄ batém noó, adə̄ de gə̄ malang a aw̄n̄ i rɔ̄n tə́.

MARK 12:14

Nin̄-reē ədanən̄ na: Ngoljí, jə-ger̄ kadə̄ ḭ̄ i de kə́ nge kɔr̄ najə̄ kə́ rɔ̄kum ngándáńg ō, ī-ɓōĺ kum deē aĺ ō, tɔdɔ̄ ḭ̄ ā ī-rāā yá̰a̰ tām̄ ger̄ ta kum deē tə́ alé, banī a ī-ndóō de gə̄ gō róbə yā Nə́ɓā i kə gō najə̄ kə́ rɔ̄kum. Ní ə́dájí: Ndū najə̄ yājí adə̄jí ta róbə kəgā lambóo yā nge ko̰o̰ ɓē kə́ Rom, aké ɔgə̄jí wa? Ní, kə j-adə̄, aké kə j-adə̄ aĺ wa?

NGÉ SARYA 6:27

Jedeo̰ gə̄rā ngé kəla yān kə́ dəngam gə̄ kutə kógə̄ḿ rāań yá̰á̰ ń Kɔ́ɔ̄ɓē ədan kadə̄ rāā ní. Banī ni-rāā yá̰á̰ ní i ndɔ̄ɔ́. Ɓōĺ rāā kadaá najə̄ yā de kə́ kem ndogə̄ yā bɔbə̄n tə́ gə̄ ō, de kə́ kem ɓēé ō.

IJAI 51:7

Sḭḭ̄ ń ī-gerī yá̰á̰ kə́ gōtə́ ní, sḭḭ̄ ń ə̄tōī ndū najə̄ yāḿ dan wursí tə́ ní, ōōī najə̄ yāḿ. Ī-lōōī ɓōĺ tájə̄ ndū gə̄ yā deē ndul gə̄, ādī mbóó ń nin̄ mbóon̄ sesí ní nujə kemsí alé.

PILIPƏ 1:14

Ngákó̰ó̰jí gə̄ ń nin̄ i de gə̄ yā Kɔ́ɔ̄ɓē ní, dan ń a̰a̰n̄ kadə̄ mā i dəngáyá ní, ngá̰ý gə̄ dandə́ tə́ ənīn̄ kemdə́ mámák ɔjən̄neé najə̄ kanjə̄ ɓōĺ.

1 MBAN̄G GƏ̄ 17:24

Dəyá̰ ní əda Eli na: Ngɔlaā m̄-ger̄ kadə̄ ḭ̄ i deē yā Nə́ɓā ō, Kɔ́ɔ̄ɓē əndā najə̄ taí tə́ rɔ̄kum ō.

JEREMI 38:16

Tā anī mban̄g Sedekias ənī ndūn adə̄ Jeremi loo mundə̄ tə́ əda na: Tītə̄ ń Kɔ́ɔ̄ɓē ndiń kə kumneé noō ō, ajəńjí ō ní, m-ā m̄-tɔ̄lī aĺ ō, m-ā m-ə́laī jī ngé ndə̄ngāí yo tə́ aĺ ō.

MATIYE 23:7

Nel̄də́ kadə̄ de gə̄ rāān̄də́ lápə́ya rɔȳn̄neédə́ ndágə loo kə́ bo gə̄ tə́ ō, kadə̄ de gə̄ ɓārə́n̄də́ na i ngoldə́ gə̄ ō.

MATIYE 23:8

Ba sḭḭ̄, ī-lōōī kadə̄ de gə̄ ɓārə́n̄sí ngoldə́ gə̄, tɔdɔ̄ sḭḭ̄ malang i ngákó̰o̰ naā gə̄ ō, ngolsí i kógə̄ḿ beē ō.

JA̰A̰ 2:11

Nge ń toō i yá̰á̰ kə́ yáā kə́ ta kəga dɔ ń Jeju rāā ní. Ni-rāā i Kana, gō nang kə́ Galile tə́. Ni ɔjə kɔsə gɔn yān kə̄ ndágá, adə̄ ngé ndóō yá̰a̰ yān gə̄ taān̄ kemən.

JA̰A̰ 4:31

Dan ngeé noō tə́ ní, ngé ndóō yá̰a̰ yā Jeju gə̄ ɔsən̄ seneé ədan̄ na: Ngoljí, ə́sá yá̰a̰.

JA̰A̰ 6:2

Kósə de gə̄ ngá̰ý unən̄ gōn, tɔdɔ̄ nin̄-a̰ā̰n̄ yá̰á̰ kə́ yáā gə̄ ń ni-rāā kə ngé mo̰y gēé ní.

JA̰A̰ 10:38

Ba ré m̄-rāādə́ anī, ká ré ī-taāiń kemḿ mā aĺ gə̄gē anī, ī-taāī kem kəla gə̄ ń m̄-rāādə́ ní, yā kadə̄ ī-gerīneé majə na Bɔbə́ḿ i kemḿ tə́ ō, mā i kem Bɔbə́ḿ tə́ ō.

JA̰A̰ 14:10

Ī-taā kem kadə̄ mā i kem Bɔbə́ḿ tə́ ō, Bɔbə́ḿ i kemḿ mā tə́ ō aĺ a? Najə̄ gə̄ ń m-ə́dásí ní, m-ə́dásí i kə dɔḿ mə̄kɔ́ alé, banī i Bɔbə́ḿ ń ndi kemḿ tə́ ní n rāā kəla yān gə̄ ní.