JA̰A̰ 3:18 - Bibəl ta Sar̄

¹⁸ Deē ń taā kemən anī, gāngə̄n̄ sarya dɔn tə́ alé, ba deē ń taā kemən aĺ anī, gāngə̄n̄ sarya dɔn tə́ kɔ̄ɔ́, tɔdɔ̄ ni-taā kem Ngōn̄ Nə́ɓā kə́ kal kógə̄ḿ beē alé.

Bible sar

¹⁸ Deē ń taā kemən anī, gāngə̄n̄ sarya dɔn tə́ alé, ba deē ń taā kemən aĺ anī, gāngə̄n̄ sarya dɔn tə́ kɔ̄ɔ́, tɔdɔ̄ ni-taā kem Ngōn̄ Nə́ɓā kə́ kal kógə̄ḿ beē alé.

JA̰A̰ 3:18 Referans Kwoze

1 JA̰A̰ 5:10

Deē ń taā kem Ngōn̄ Nə́ɓā anī, najə̄ kə́ kum tə́ ngeé ń toō i kemən tə́. Ba deē ń taā kem Nə́ɓā aĺ ní, rāā Nə́ɓā i nge sor̄ tə́. Tɔdɔ̄ ni-taā kem najə̄ kə́ kum tə́ ń Nə́ɓā əda dɔ Ngōnən tə́ ní alé.

MARK 16:16

Deē ń a taā kem ō, a rāānən̄ batém ō ní, a ajə. Deē ń a taā kem aĺ ní, a gāngə̄n̄ sarya dɔn tə́.

Makətūbə̄ ń Pol ndang adə̄ Rom gə̄ ní 8:1

Adə̄ ngɔlaā ní sarya kógə̄ḿ kə́ yā kəhɔjí jḭḭ̄ ń i ngé ɓoo naā kə Kərist gə̄ ní gətóo.

JA̰A̰ 5:24

Ādə̄ m-ə́dásí najə̄ kə́ bo ngá̰ý, nge ń oō najə̄ yāḿ ba taā kem nge ń əlam̄ ní anī, ni i kə ndi kə kumuú ngándáńg. A gāngə̄n̄ sarya dɔn tə́ alé, banī ni-teē kɔ̄ɔ́ tū yo tə́ ba aw̄ tū ndi kə kumuú tə́.

1 JA̰A̰ 5:12

Deē ń i kə Ngōn̄ Nə́ɓāá ní, ni i de kə́ ndi kə kumneé. Deē ń i kə Ngōn̄ Nə́ɓāá aĺ ní, ni i de kə́ ndi kə kumneé alé.

JA̰A̰ 3:36

Deē ń taā kem Ngōnən ní, kɔ́ɔ̄ a ndi kə kumneé ngándáńg. Deē ń mbātə́ taā kem Ngōn̄ Nə́ɓā ní, ni a ndi kə kumneé alé, ba wōn̄g yā Nə́ɓā a na̰y dɔn tə́.

Makətūbə̄ ń Pol ndang adə̄ Rom gə̄ ní 5:1

Jə-téliī de kə́ súmūú gə̄ ta kum Nə́ɓā tə́ kə gō taā kem yājí kɔ̄ɔ́ ɓá, adə̄ ngɔlaā ní dɔ dáńjí kə Nə́ɓāá i lápə́ya kə ta kūl̄ Kɔ́ɔ̄ɓē yājí Jeju Kərist.

1 JA̰A̰ 4:9

Á̰a̰ī loo kɔjə ń Nə́ɓā ɔjə tár yān dɔ dáńjí tə́ ní. Ni-əla Ngōnən kə́ kal kógə̄ḿ beē dɔ nang tə́ laā yā kadə̄ jə-ndiī kə kumjí i kə ta kūl̄neé.

Makətūbə̄ ń Pol ndang adə̄ Rom gə̄ ní 8:34

I náā n a gān̄g sarya dɔdə́ tə́ ní? I Kərist Jeju ń oy ba ndól̄ ō, ndi dɔ jī ko̰ Nə́ɓā tə́ ō, a ndɔ̄ȳ tām̄ yājí tə́ ō ní.

JA̰A̰ 20:31

Banī ndangən̄ ngé gə̄ ń toō i yā kadə̄ ī-taāī kem kadə̄ Jeju i Kərist, ni i Ngōn̄ Nə́ɓā. Ba ré sḭḭ̄ ī-taāī kemən anī, ā ə́ngeī ndi kə kumuú kə ta kūl̄neé.

JA̰A̰ 6:47

Ādə̄ m-ə́dásí najə̄ kə́ bo ngá̰ý, nge ń taā kem ní, aw̄ kə ndi kə kumneé kə́ ngándáńg.

JA̰A̰ 6:40

Tɔdɔ̄ kem ndigə yā Bɔbə́ḿ i kadə̄ náā nəkɔ́ ń a̰a̰ Ngōn̄ ba taā kemən anī, ndi kə kumneé ngándáńg ō, mā m-ā m-ndólə̄n ta ngóy ndɔ̄ gə̄ tə́ ō.

JA̰A̰ 1:18

Deē kógə̄ḿ kə́ a̰a̰ Nə́ɓā gətóó bátə́. Ba Ngōn̄ Nə́ɓā kə́ kal kógə̄ḿ beē ń ndi naā tə́ ngándáńg kə Bɔbə̄ Ngōnōó ní, ni a rāā kadə̄ a ger̄nən̄.

HEBƏRO 2:3

jḭḭ̄ ní, ré usəjí dɔ kajə kə́ bo ngá̰ý ń toō tə́ aĺ anī, j-a j-asiī teē karī ta ndéý tə́ i ba̰ý? Kajə ngeé ń toō, Kɔ́ɔ̄ɓē əla gír kɔr̄ najə̄ kə́ dɔ tə́ ō, ngé gə̄ ń oōn̄ ní ədan̄ kadə̄ i najə̄ kə́ rɔ̄kum ō.

HEBƏRO 12:25

I beé ní, ī-ndāī kumsí gíŕ yá̰á̰ ń toō tə́ majə. Ī-lōōī mbātə́ koō najə̄ yā nge ń a ɔr̄ najə̄ sesí ní. Tɔdɔ̄ Moijə tāā ngán Israel gə̄ dɔ nang tə́ laā, ba nin̄-mbātə́n̄ koō najə̄ yān ní, ndéy ɔdədə́. Yājí jḭḭ̄ ɓáa, Nə́ɓā ndi i dɔ rā̰ tə́ n ɔrə̄ń najə̄ sejí ní. Ré jə-tūrī gidəjí tan tə́ anī, j-a j-əngeī ndéy kadə̄ tɔȳ loo ń noō aĺ a?

JA̰A̰ 1:12

Ba ngé gə̄ ń əhɔnən̄ kə̄ rɔ̄də́ tə́, adə̄ i ngé gə̄ ń taān̄ kemən ní, ni-adə̄də́ tɔ́gə kadə̄ télən̄ ngáń Nə́ɓā.

JA̰A̰ 3:16

Rɔ̄kum, Nə́ɓā tár de kə́ dɔ nang tə́ gə̄ ngá̰ý, adə̄ un Ngōnən kə́ kal kógə̄ḿ beē adə̄, yā kadə̄ náā nəkɔ́ ń taā kemən anī, kɔ́ɔ̄ udə kɔ̄ɔ́ alé, banī ndi kə kumneé ngándáńg.

HEBƏRO 3:19

Ba j-a̰ā̰ī kadə̄ nin̄-asən̄ kugə̄ tū kɔr̄ koō ní tə́ alé, tɔdɔ̄ nin̄-taān̄ kem alé.

1 JA̰A̰ 3:23

Ba yá̰á̰ ń ni-əda kə gō míndən ní n toó: I kadə̄ jə-taāī kem Ngōnən Jeju Kərist ō, jə-táriī naā ō, tītə̄ ń ədań ní.