JA̰A̰ 3:17 - Bibəl ta Sar̄

¹⁷ Tɔdɔ̄ Nə́ɓā əla kə Ngōn̄neé dɔ nang tə́ i yā gān̄g sarya dɔ de kə́ dɔ nang tə́ gə̄ tə́ alé, banī i yā kadə̄ de kə́ dɔ nang tə́ gə̄ ajən̄ kə ta kūl̄neé.

Bible sar

¹⁷ Tɔdɔ̄ Nə́ɓā əla kə Ngōn̄neé dɔ nang tə́ i yā gān̄g sarya dɔ de kə́ dɔ nang tə́ gə̄ tə́ alé, banī i yā kadə̄ de kə́ dɔ nang tə́ gə̄ ajən̄ kə ta kūl̄neé.

JA̰A̰ 3:17 Referans Kwoze

1 JA̰A̰ 4:14

Adə̄ jḭḭ ń j-a̰a̰n ní j-əda najə̄ kə́ loo de gə̄ kə́ kum tə́ tə́ na Bɔbə̄ Ngōn̄ əla Ngōnən kadə̄ ajə de gə̄ kə́ dɔ nang tə́.

Najə̄ kə́ Majə yā Jeju ń Luk ndang ní 19:10

Tɔdɔ̄ Ngōn̄ Deē reē i sāā ngé kə́ tadə́ tḭ̄ḭ̄ gə̄ tə́ ō, kajədə́ tə́ ō.

JA̰A̰ 6:57

Ba tītə̄ ń Bɔbə́ḿ ń əlam̄ ní ndi kə kumneé ō, mā m̄-ndi kə kumḿ i kə ta kūl̄ Bɔbə́ḿ ō ní, deē ń əsam̄ ní a ndi kə kumneé kə kūlə̄ḿ mā ō.

JA̰A̰ 6:40

Tɔdɔ̄ kem ndigə yā Bɔbə́ḿ i kadə̄ náā nəkɔ́ ń a̰a̰ Ngōn̄ ba taā kemən anī, ndi kə kumneé ngándáńg ō, mā m-ā m-ndólə̄n ta ngóy ndɔ̄ gə̄ tə́ ō.

JA̰A̰ 6:29

Jeju tél ədadə́ na: Kəla yā Nə́ɓā i kadə̄ ī-taāī kem nge ń Nə́ɓā əlan ní.

JA̰A̰ 20:21

Jeju ədadə́ ɓáý to̰ na: Ādī kemsí sɔl̄ lɔm. Tītə̄ ń Bɔbə́ḿ əlam̄ ní, mā m-ə́lásí ō.

1 JA̰A̰ 2:2

Ni-tun̄ yá̰a̰ i tām̄ majaĺ yājí gə̄ tə́. Ba tun̄ yá̰a̰ yān ní i tām̄ majaĺ yājí jḭḭ̄ gə̄ tə́ ngóy alé, ba i tām̄ majaĺ yā de gə̄ malang kə́ dɔ nang tə́ ō.

JA̰A̰ 17:3

Ndi kə kumuú kə́ ngándáńg ní n toó: I kadə̄ nin̄-gerīn̄ ḭ̄ Nə́ɓā kə́ rɔ̄kum kə́ kal kógə̄ḿ beē ō, i kadə̄ nin̄-gerə̄n̄ Jeju Kərist ń ə́la seneé ní ō.

JA̰A̰ 11:42

m̄-ger̄ kadə̄ ḭ̄ ōō najə̄ yāḿ ngándáńg, banī m-ɔ̄r̄ najə̄ i tām̄ yā kósə de gə̄ ń ra gīrə̄n̄ gidəḿ tə́ toō, yā kadə̄ nin̄-taān̄ kem kadə̄ i ḭ̄ n ə́lam̄ ní.

JA̰A̰ 7:29

ba mā m̄-gerə̄n. Tɔdɔ̄ m-ḭ́ḭ i rɔ̄n tə́ ō, i nəkɔ́ n əlam̄ ní ō.

JA̰A̰ 5:45

Ī-lōōī gír̄ kəda na i mā n m-ā m̄-sə̄lā gíŕsí rɔ̄ Bɔbə́ḿ tə́ ní. Nge ń a sə̄lā gíŕsí ní i Moijə, ni ń ə̄ndāī kemsí dɔn tə́ ní.

JAKARI 9:9

Ɓē kə́ Siyo̰, ī-ndām̄ kə tɔ́gí gēé malang! A̰á̰ā̰, ɓē kə́ Jerusalem, ə́ga kɔŕ rɔ̄nel̄! Á̰a̰ā̰, mban̄g yāí a reē kə́ rɔ̄í tə́. Ni i de kə́ nge rāā yá̰á̰ kə́ gōtə́ ō, nge tetə rɔ̄ɔ̄ ō, ni i de kə́ najə̄n gətóo ō. Ni-ndi i gidə kərō kógə̄ḿ tə́, adə̄ i gidə ngōn̄ kərōó kógə̄ḿ kə́ kó̰o̰n i noó tə́.

JA̰A̰ 8:42

Jeju tél ədadə́ na: Ré bɔbə̄sí i Nə́ɓā anī, ā ī-tármī, tām̄ m̄-teē i rɔ̄ Nə́ɓā tə́ n m̄-reē toó. m̄-reē i kə dɔḿ alé, banī i ni n əlam̄ ní.

JA̰A̰ 1:29

Teē kə ndɔ̄ kə́ noō anī, Ja̰a̰ a̰a̰ Jeju a reē kə̄ rɔ̄n tə́, anī əda na: Á̰a̰ī Ngōn̄ batə̄ yā Nə́ɓā, nge kɔr̄ majaĺ yā de kə́ dɔ nang tə́ gə̄.

JA̰A̰ 17:8

tɔdɔ̄ najə̄ ń ɔ̄r̄ seḿ ní, m-ɔ̄r̄ sedə́ ō, nin̄-taān̄ najə̄ ní ō. Nin̄-gerə̄n̄ kadə̄ rɔ̄kum m-ḭ́ḭ i rɔ̄í tə́ n m̄-reē ō, nin̄-taān̄ kem kadə̄ ə́lam̄ ō.

JA̰A̰ 10:36

Ba mā ń Bɔbə́ḿ ɔrə̄m̄ tayā tām̄ yān tə́ ba əlam̄ dɔ nang tə́ ní, i ba̰ý n sḭḭ̄ ə́daī na m̄-tájə̄ Nə́ɓā kə najə̄ kɔrə̄ḿ tām̄ kəda kə́ m-ə́da na mā na i Ngōn̄ Nə́ɓā ní?

JA̰A̰ 5:36

Banī mā i kə najə̄ kə́ kum tə́ kə́ bo tɔȳ yā Ja̰a̰. Tɔdɔ̄ kəla gə̄ ń m̄-rāā ní, i kəla gə̄ ń Bɔbə́ḿ adə̄m̄ kadə̄ m̄-rāā m̄-tɔ̄l̄ ta ní. Nin̄-ɔjən̄ najə̄ kə́ kum tə́ yāḿ kadə̄ i Bɔbə́ḿ n əlam̄ ní.

JA̰A̰ 17:21

Ādə̄ nin̄ malang i de kə́ kógə̄ḿ beē. Tītə̄ ń ḭ̄ Bɔbə́ḿ, ḭ̄ i kemḿ mā tə́ ō, mā i kemií ḭ̄ tə́ ō ní, ādə̄ nin̄ i kemjí tə́ ō, yā kadə̄ de kə́ dɔ nang tə́ gə̄ taānəń kem kadə̄ i ḭ̄ n ə́lam̄ ní.

JA̰A̰ 5:38

najə̄ yān ndi kemsí tə́ aĺ ō, tɔdɔ̄ ī-taāī kem nge ń ni-əlan ní alé.

MATIYE 1:23

Á̰a̰ī, ngōmandə a ndān̄ ngōn̄, ba a ojə ngōn̄ kə́ dəngam, a əndān̄ rīn na i Emanuel. Kum Emanuel na i Nə́ɓā i sejí.

MATIYE 18:10

Ngáń kə́ dūú gə̄ ń toō ní ī-lōōī kídə̄ nge kógə̄ḿ dandə́ tə́. Tɔdɔ̄ ādə̄ m-ə́dásí, dɔ rā̰ tə́ ní deē yādə́ kə́ dɔ rā̰ tə́ gə̄ a ran̄ ta kum Bɔbə́ḿ kə́ ndi dɔ rā̰ tə́ tə́ i ngándáńg.

Najə̄ kə́ Majə yā Jeju ń Luk ndang ní 9:56

Gō tə́ anī nin̄-ɔtə aw̄n̄ kə̄ ɓē kə́ rang tə́.

JA̰A̰ 3:34

Tɔdɔ̄ nge ń i Nə́ɓā n əlan ní, Nə́ɓā adə̄n Ndíl i kanjə̄ mbɔ̄jə́ ka̰ā̰, adə̄ a əda i najə̄ yā Nə́ɓā.

JA̰A̰ 6:38

Tɔdɔ̄ m-ḭ́ḭ dɔ rā̰ tə́ m̄-reē dɔ nang tə́ i yā rāā yá̰a̰ kə gō kem ndigə yāḿ alé, banī i yā rāā yá̰a̰ kə gō kem ndigə yā Nge ń əlam̄ ní.

JA̰A̰ 8:11

Dəyá̰ ní tél ədan na: Kɔ́ɔ̄ɓē, deē gətóo. Anī Jeju ədan na: Mā m̄-gān̄g sarya dɔí tə́ aĺ ō, āw̄, ba ī-rāā yá̰á̰ kə́ majaĺ to̰ alé.

JA̰A̰ 17:18

Tītə̄ ń ə́lam̄ dɔ nang tə́ ní, m-ə́ládə́ dɔ nang tə́ ō.

JA̰A̰ 17:23

Mā i kemdə́ tə́, ba ḭ̄ i kemḿ mā tə́, yā kadə̄ nin̄ i kógə̄ḿ beē mámák. I tītə̄ ń noō tá de kə́ dɔ nang tə́ gə̄ a gerə̄n̄ kadə̄ i ḭ̄ n ə́lam̄ ní ō, ī-táŕdə́ tītə̄ ń ī-tármə̄ń ní ō.

JA̰A̰ 17:25

Bɔbə́ḿ, ḭ̄ ń i de kə́ gōtə́ ní, de kə́ dɔ nang tə́ gə̄ ger̄nī alé, banī mā m̄-gerī ō, ngé gə̄ ń toō gerə̄n̄ kadə̄ ə́lam̄ ō.

MATIYE 18:11

Tɔdɔ̄ Ngōn̄ Deē reē i kajə ngé gə̄ ń tadə́ tḭ̄ḭ̄ kɔ̄ɔ́ tə́ ní.