JA̰A̰ 3:14 - Bibəl ta Sar̄

¹⁴ Tītə̄ ń Moijə əlań lī dɔɔ́ kem dəla loo tə́ ní, i gáŕ kadə̄ a əlan̄ Ngōn̄ Deē dɔɔ́ tītə̄ ń noō ō,

Bible sar

¹⁴ Tītə̄ ń Moijə əlań lī dɔɔ́ kem dəla loo tə́ ní, i gáŕ kadə̄ a əlan̄ Ngōn̄ Deē dɔɔ́ tītə̄ ń noō ō,

JA̰A̰ 3:14 Referans Kwoze

JA̰A̰ 8:28

Anī Jeju ədadə́ na: Loo ń ā ə́laī Ngōn̄ Deē dɔɔ́ anī, ā ī-gerī kadə̄ Mā i Mā ń m̄-ndi noó ní ō, kadə̄ m̄-rāā yá̰á̰ kógə̄ḿ kə deē dɔḿ alé, banī m-ɔ̄r̄ najə̄ i kə gō nəkɔ́ ń Bɔbə́ḿ ndóōm̄neé ní ō.

KƏLA RĀĀ 2:23

Əlan̄ Jeju ngeé ń toō jīsí tə́ kə gō ń Nə́ɓā gḛyń ní ō, i kə gō ń ni-núməń ní ō. Sḭḭ̄ ī-tɔ̄l̄niī, tɔdɔ̄ ə́laniī jī ngé rāā yá̰a̰ kə gō ndū Nə́ɓāá aĺ gə̄ tə́ adə̄ əndanən̄ kə mayá̰ tū kāgə̄ kə́ dēsə́ tə́.

MATIYE 26:54

Ba ré i beé ní, loo kadə̄ najə̄ gə̄ ń ndangən̄ kem makətūbūú ní a udən̄ gírí i ba̰ý? Ndangən̄ na i gáŕ kadə̄ yá̰a̰ na a rāā yá̰a̰ na i tītə̄ ń noō.

PĀ GƏ̄ 22:16

Kem kɔ́ɔ́ḿ tutə ká kákə́rá ō, Ndo̰ḿ tə́ya̰ kem nga̰ā̰ḿ tə́ ō. Ḭ̄ ə̄nīm̄ ta bāá yo tə́.

2 MBAN̄G 18:4

Ni nujə loo ndɔ̄ȳ gə̄ ō, tɔ̄ɔ̄ mbal̄ kə́ kudə dɔɔ́ gə̄ ō, tə́gā kāgə̄ ɓesə̄ kə́ yā ɓōĺ gidə gə̄ kɔ̄ɔ́ ō. Ni jén̄g lī gində̄ nə̄ngá kasə ń Moijə rāā ní kɔ̄ɔ́ ō, tɔdɔ̄ bátə́ ugə̄ń dan ngeé ń noō tə́ ní ngán Israel gə̄ a róōn̄ ndujə̄ yá̰á̰ kə́ kotə majə gə̄ a adə̄n̄ lī gində̄ ní. Nin̄ əndān̄ rīn na i Nehustan.

Najə̄ kə́ Majə yā Jeju ń Luk ndang ní 24:20

Yá̰a̰ gə̄ ń ngol gə̄ yājí kə́ dɔ ngé tun̄ yá̰a̰ gə̄ tə́ kə ngār yājí gə̄ rāān̄ seneé, əlanən̄ jī de gə̄ tə́ kadə̄ gāngə̄n̄ sarya yo dɔn tə́ ō, əndanən̄ kə máyá̰ tū kāgə̄ kə́ dēsə́ tə́ ō ní, ḭ̄ ōō aĺ a?

IJAI 11:10

Ndɔ̄ ngeé ń noō tə́ ní, ngōn̄ kaa Jese a to tītə̄ dərapóo rɔ̄ɔ̄ yā gír de gə̄ kə́ dɔ nang tə́, kə́ a ɔjə kadə̄ yá̰á̰ kógə̄ḿ a rāā yá̰a̰. Nápar de gə̄ a reēn̄ yā dəjen kadə̄ adə̄də́ kɔjə ō, loo ń ni a ndi tū tə́ ní, kɔsə gɔn yā Nə́ɓā a ndə́lē tū tə́ ō.

MATIYE 8:20

Jeju ədan na: Njā̰ gə̄ aw̄n̄ kə bəlodə́ gə̄ ō, yel̄ kə́ dɔɔ́ gə̄ aw̄n̄ kə ɓēdə́ gə̄ ō, banī Ngōn̄ deē aw̄ kə loo kə́ yā kəlań dɔn ta tə́ alé.

JA̰A̰ 6:51

Mā i mápá kə́ kə kumuú kə́ ḭḭ dɔ rā̰ tə́ reē dɔ nang tə́. Ré deē əsa mápá ń toō anī, a ndi kə kumneé ngándáńg. Ba mápá ń m-ā m-ādə̄ ní, i dā̰ rɔ̄ḿ. M-ādə̄ i yā kadə̄ de kə́ dɔ nang tə́ gə̄ ndin̄neé kə kumdə́.

JA̰A̰ 18:32

I tītə̄ ń noō n najə̄ ń Jeju əda ɔjəń loo koy ń a rāā yā koy ní a udəń gírí ní.