JA̰A̰ 3:13 - Bibəl ta Sar̄

¹³ Deē kógə̄ḿ kə́ ḭḭ dɔ nang tə́ aw̄ dɔ rā̰ tə́ gətóo, ba i ngé ń ḭḭ dɔ rā̰ tə́ reē dɔ nang tə́ á i Ngōn̄ Deē ní tá ngóy.

Bible sar

¹³ Deē kógə̄ḿ kə́ ḭḭ dɔ nang tə́ aw̄ dɔ rā̰ tə́ gətóo, ba i ngé ń ḭḭ dɔ rā̰ tə́ reē dɔ nang tə́ á i Ngōn̄ Deē ní tá ngóy.

JA̰A̰ 3:13 Referans Kwoze

Gōsə̄ najə̄ gə̄ 30:4

I náā n ndem̄ man̄ kem kūbə̄ yān tə́ kɔ̄ɔ́ ɓá ní? I náā n əndā dɔ nin̄ dɔ nang ní? Rīn na i rí? Rī ngōnən na i rí? Ré ī-ger̄ anī ə́dam̄!

JA̰A̰ 6:38

Tɔdɔ̄ m-ḭ́ḭ dɔ rā̰ tə́ m̄-reē dɔ nang tə́ i yā rāā yá̰a̰ kə gō kem ndigə yāḿ alé, banī i yā rāā yá̰a̰ kə gō kem ndigə yā Nge ń əlam̄ ní.

KƏLA RĀĀ 2:34

Dabid aw̄ dɔ rā̰ tə́ aĺ ɓá tā ba əda na: Kɔ́ɔ̄ɓē Nə́ɓā əda Kɔ́ɔ̄ḿ na kə reē kə ndi dɔ jī ko̰n tə́,

JA̰A̰ 1:18

Deē kógə̄ḿ kə́ a̰a̰ Nə́ɓā gətóó bátə́. Ba Ngōn̄ Nə́ɓā kə́ kal kógə̄ḿ beē ń ndi naā tə́ ngándáńg kə Bɔbə̄ Ngōnōó ní, ni a rāā kadə̄ a ger̄nən̄.

1 KORḚNTƏ 15:47

De kə́ ta kəga dɔ ń rāānən̄ kə nángāá ní i de kə́ dɔ nang tə́, ba Adam kə́ nge ko̰ jōó ḭḭ dɔ rā̰ tə́ n reē.

JA̰A̰ 13:3

Jeju ger̄ kadə̄ Bɔbə̄n adə̄n yá̰a̰ malang ō, kadə̄ ni-ḭḭ i rɔ̄ Nə́ɓā tə́ ō, a tél i yā kaw̄ rɔ̄ Nə́ɓā tə́ ō.

Makətūbə̄ ń Pol ndang adə̄ Rom gə̄ ní 10:6

Ba á̰a̰ī najə̄ ń ədan̄ dɔ loo téĺ ń de gə̄ a télən̄ de kə́ gōtə́ gə̄ ta kum Nə́ɓā tə́ tām̄ taā kem yādə́ tə́ ní. Ədan̄ na kə ī-lōō gír̄ kəda kemií tə́ na ké i náā n a aw̄ dɔ rā̰ tə́ yā reē kə Kərist ní wa,

JA̰A̰ 6:62

Ba ré á̰a̰ī Ngōn̄ Deē aw̄ ndi dɔɔ́ loo ndin kə́ kété tə́ ní ā ī-rāāī i ba̰ý?

JA̰A̰ 3:31

Nge ń ḭḭ dɔ rā̰ tə́ reē ní, ni i dɔ yá̰a̰ gə̄ tə́ malang. Nge ń i de kə́ dɔ nang tə́ ní, ni i yā dɔ nang tə́, adə̄ a ɔr̄ i najə̄ kə́ dɔ nang tə́.

JA̰A̰ 6:46

Deē kógə̄ḿ kə́ a̰a̰ Bɔbə̄ Ngōn̄ gətóo, banī i nge ń ḭḭ rɔ̄ Nə́ɓā tə́ ní tá ngóy, i ni ngóy n a̰a̰ Bɔbə̄ Ngōn̄ ní.

JA̰A̰ 6:42

Nin̄-ədan̄ na: Deē ń toō i Jeju ngōn̄ Jəjep aĺ a? Jə-gerī bɔbə̄n ō kó̰o̰n ō aĺ a? I ba̰ý á əda na n-ḭḭ na i dɔ rā̰ tə́ n n-reē dɔ nang tə́ ní?

NDŪ NAJƏ̄ 30:12

To i dɔ rā̰ tə́ á deē a ədań na: I náā n a aw̄ gō tə́ dɔ rā̰ tə́ yā reēń kadə̄ j-oō ba jə-rāā kə gōó aĺ ō.

JA̰A̰ 17:5

Ngɔlaā ní, Bɔbə́ḿ, ɔ́sə gɔnəḿ rɔ̄í īkɔ́ tə́ kə kɔsə gɔn ń m-āwń dan ń m̄-ndiń rɔ̄í tə́ kété pá tá kadə̄ dɔ rā̰ kə dɔ nang ton̄ ní.

JA̰A̰ 8:42

Jeju tél ədadə́ na: Ré bɔbə̄sí i Nə́ɓā anī, ā ī-tármī, tām̄ m̄-teē i rɔ̄ Nə́ɓā tə́ n m̄-reē toó. m̄-reē i kə dɔḿ alé, banī i ni n əlam̄ ní.

JA̰A̰ 6:51

Mā i mápá kə́ kə kumuú kə́ ḭḭ dɔ rā̰ tə́ reē dɔ nang tə́. Ré deē əsa mápá ń toō anī, a ndi kə kumneé ngándáńg. Ba mápá ń m-ā m-ādə̄ ní, i dā̰ rɔ̄ḿ. M-ādə̄ i yā kadə̄ de kə́ dɔ nang tə́ gə̄ ndin̄neé kə kumdə́.

JA̰A̰ 6:33

Tɔdɔ̄ mápa yā Nə́ɓā i nge ń ḭḭ dɔ rā̰ tə́ reē dɔ nang tə́, ba rāā adə̄ de kə́ dɔ nang tə́ gə̄ ndin̄ kə kumdə́ ní.

KƏLA RĀĀ 20:28

Ī-ndiī dɔ rɔ̄sí tə́ majə ī-ngɔ̄mīneé rɔ̄sí sḭḭ̄ kɔ́ gə̄ ō, ī-ngɔ̄mīneé yá̰a̰ kul̄ gə̄ malang ń Ndíĺ kə́ Táĺ adə̄sí kadə̄ ī-ngɔ̄mī ní ō. Á̰a̰ī gō ngé kán̄ naā gə̄ yā Kɔ́ɔ̄ɓē ń nəkɔ́ mangdə́ kə mósəneé ní.

MATIYE 28:20

Ī-ndóōīdə́ yá̰a̰ malang ń m-ə́dásí kadə̄ ī-rāāī ní. Ba mā i sesí kə dɔ ndɔ̄ gə̄ bátə́ ta ngóy ndɔ̄ gə̄ tə́.

EPEJƏ 1:23

ń rāā rɔ̄n i dā̰ rɔ̄n tə́ ní. Kərist ń ni i kə̄ loo gə̄ tə́ malang ní, i Egəlijə n ni-ndi kemən tə́ kə taá ní.

MATIYE 8:20

Jeju ədan na: Njā̰ gə̄ aw̄n̄ kə bəlodə́ gə̄ ō, yel̄ kə́ dɔɔ́ gə̄ aw̄n̄ kə ɓēdə́ gə̄ ō, banī Ngōn̄ deē aw̄ kə loo kə́ yā kəlań dɔn ta tə́ alé.

JA̰A̰ 3:12

Ré m-ə́dásí yá̰a̰ gə̄ kə́ dɔ nang tə́ ba ī-taāī kem aĺ anī, yá̰a̰ gə̄ kə́ dɔ rā̰ tə́ ní, ré m-ə́dásí anī ā ī-taāī kem i ba̰ý?