JA̰A̰ 21:22 - Bibəl ta Sar̄

²² Jeju tél ədan na: Ré m̄-ndigə kadə̄ ni-ndi kə kumneé bátə́ kadə̄ m̄-tél m̄-reē m-ūgəń anī usiī i rí? Ḭ̄ ún gōḿ.

Bible sar

²² Jeju tél ədan na: Ré m̄-ndigə kadə̄ ni-ndi kə kumneé bátə́ kadə̄ m̄-tél m̄-reē m-ūgəń anī usiī i rí? Ḭ̄ ún gōḿ.

JA̰A̰ 21:22 Referans Kwoze

MARK 9:1

Ni ədadə́ ɓáý to̰ na: Ādə̄ m-ə́dásí najə̄ kə́ bo ngá̰ý, de kə́rēý gə̄ kə́ dáńsí sḭḭ̄ ń ī-ndiī toō tə́ ní, a a̰a̰n̄ Ɓē ko̰o̰ yā Nə́ɓā kə́ a reē kə tɔ́gɔ́ pá tá kadə̄ a oyn̄ ɓáý.

JEJU TEĒ KUM JA̰A̰ 2:25

Ba yá̰á̰ ń sḭḭ̄ āwīneé ɓá ní, ə́hɔī sásáp bátə́ kadə̄ m-ūgəń.

1 KORḚNTƏ 4:5

Adə̄ ī-lōōī gān̄g sarya kété no ndɔ̄ sarya tə́, ī-ngóōī ādə̄ Kɔ́ɔ̄ɓē reē tá. Yá̰á̰ ń i kə́ ɓɔ̄ɔ̄ kum til tə́ ní, ni a teēń kum loo kə́ unjə̄ kow tə́ ō, yá̰a̰ gə̄ ń de gə̄ númə̄n̄ kemdə́ tə́ ní, ni a ɔjə kə̄ ndágá ō. Loo ń noō tə́ Nə́ɓā a ɓōkə́ deē kógə̄ḿ kógə̄ḿ tɔ̄ȳ kadə̄ asə kə gō kəla yānneé.

JEJU TEĒ KUM JA̰A̰ 3:11

M-ā m̄-reē ngɔr. Yá̰á̰ ń āwń ní, ə́hɔ́ sásáp na sōgə́ deē kógə̄ḿ taā jākā mbang yāí kɔ̄ɔ́.

JAKƏ 5:7

Tā anī ngákó̰ó̰ḿ gə̄, ī-tə́gāī tasí bátə́ kadə̄ Kɔ́ɔ̄ɓē reē ugə̄ń. Á̰a̰ī nge ndɔr̄ loo ngóō kōō ń i yá̰á̰ kə́ majə ngá̰ý tām̄ yān tə́ kə́ teē dɔ nang tə́ ní: Ni-tə́gā tan bátə́ kadə̄ man̄ kə́ ta kəga dɔ edə ō, man̄ kaw̄ ɓēé edə ō.

1 KORḚNTƏ 11:26

Tɔdɔ̄ kə dɔ kəsasí mápá ń toō malang ō, kə dɔ ka̰ȳsí yá̰á̰ kə́ kem kópə ń toō tə́ gə̄ malang ō ní, ɔ́jiī i koy Kɔ́ɔ̄ɓē bátə́ kadə̄ ni-reēń.

JA̰A̰ 21:19

Ni-əda najə̄ ń noō i yā kɔjəń loo koy ń Piyer a oy yā kɔsəń gɔn Nə́ɓā ní. Gō tə́ anī Jeju ədan na: Ún gōḿ.

MATIYE 24:44

I tām̄ najə̄ ń noō tə́ n majə kadə̄ sḭḭ̄ ī-ndiī dɔ rɔ̄sí tə́ majə ní, tɔdɔ̄ Ngōn̄ Deē a reē i kum mbang ń sḭḭ̄ ī-gírī dɔ tə́ aĺ ní tə́.

JEJU TEĒ KUM JA̰A̰ 22:20

Deē ń əda na yá̰a̰ malang ń noō i rɔ̄kum ní əda na: A̰á̰ā̰, m-ā m̄-reē ngɔr. Adə̄ i tītə̄ ń noō! Kɔ́ɔ̄ɓē Jeju, ī-reē!

JEJU TEĒ KUM JA̰A̰ 22:7

Á̰a̰ā̰, m-ā m̄-reē ngɔr. Deē ń ngɔ̄m̄ najə̄ kə́ ta Nə́ɓā tə́ kə́ ndang kem makətūbə̄ ń toō tə́ ní, rɔ̄n a nelə̄n.

JEJU TEĒ KUM JA̰A̰ 1:7

Á̰a̰ī, ni a reē dan kil̄ man̄ tə́ ō, de gə̄ malang a a̰a̰nən̄ kə kumdə́ ō, de gə̄ ń ɔsənən̄ kə nəngaá ní, a a̰a̰nən̄ ō. Gír ɓē gə̄ malang kə́ dɔ nang tə́ a nōōn̄ rɔ̄də́ najə̄ yān tə́ ō. A̰á̰ā̰, adə̄ i tītə̄ ń noō.

MATIYE 25:31

Dan ń Ngōn̄ Deē a reē dan kɔsə gɔn yān tə́ naā tə́ kə de kə́ dɔ rā̰ tə́ gə̄ malang anī, ni a ndi dɔ kɔ̄r̄ kāgə̄ mbang yān tə́.

MATIYE 24:27

Tɔdɔ̄ i tītə̄ ń man̄ tel̄ dūn̄ ɓē tə́ anī, unjə̄ teē no ɓē tə́ ní, ta reē Ngōn̄ deē a to i tītə̄ noō ō.

MATIYE 24:3

Jeju ndi dɔ mbal̄ kāgə̄ olibə gə̄ tə́ anī, ngé ndóō yá̰á̰ yān gə̄ reēn̄ rɔ̄n tə́ kə kéŕdə́ ba dəjenən̄ kadə̄ ədadə́ ndɔ̄ ń yá̰á̰ ń noō a rāań yá̰á̰ tə́ ní ō, kadə̄ ədadə́ yá̰á̰ ń a ɔjə dɔ ndɔ̄ télən ō, a ɔjə dɔ ta ngóy ndɔ̄ gə̄ ō ní.

MATIYE 8:22

Banī Jeju tél ədan na: Un gōḿ, ba ə́yá̰ ngé gə̄ ń oyn̄ kɔ̄ɔ́ ní ādə̄ dubə̄n̄ nīń yādə́ gə̄.

MATIYE 16:24

Gō tə́ anī Jeju əda ngé ndóō yá̰a̰ yān gə̄ na: Ré deē kógə̄ḿ gḛy reē gōḿ tə́ anī, adə̄ kɔ́ɔ̄ gír̄ dɔ rɔ̄n tə́ to̰ alé, ādə̄ kɔ́ɔ̄ əla dɔn gír kāgə̄ kə́ dēsə́ yān tə́ ba un gōḿ.

JA̰A̰ 21:21

Dan ń Piyer a̰a̰n anī, dəje Jeju na: Kɔ́ɔ̄ɓē, ba ni ní, i rí n a rāān?

1 TESALONIK 2:19

Tɔdɔ̄ ndɔ̄ reē Kɔ́ɔ̄ɓē yājí Jeju tə́ ní, yá̰a̰ kəndā kem dɔ tə́ yājí, aláa rɔ̄nel̄ yājí, aláa jākā mbang yājí ní, i náā gə̄? I sḭḭ̄ aĺ a?

JAKƏ 5:8

Sḭḭ̄, ī-tə́gāī tasí ō, ə́reī wursí ō, tɔdɔ̄ dɔ ndɔ̄ reē Kɔ́ɔ̄ɓē i ngɔr.