JA̰A̰ 21:19 - Bibəl ta Sar̄

¹⁹ Ni-əda najə̄ ń noō i yā kɔjəń loo koy ń Piyer a oy yā kɔsəń gɔn Nə́ɓā ní. Gō tə́ anī Jeju ədan na: Ún gōḿ.

Bible sar

¹⁹ Ni-əda najə̄ ń noō i yā kɔjəń loo koy ń Piyer a oy yā kɔsəń gɔn Nə́ɓā ní. Gō tə́ anī Jeju ədan na: Ún gōḿ.

JA̰A̰ 21:19 Referans Kwoze

2 PIYER 1:14

Tɔdɔ̄ m̄-ger̄ kadə̄ m-ā m-ə́ya̰ rɔ̄ kə́ a oy ń toō kɔ̄ɔ́ ngɔr, tītə̄ ń Kɔ́ɔ̄ɓē yājí Jeju Kərist ɔjəm̄neé ní.

JA̰A̰ 21:22

Jeju tél ədan na: Ré m̄-ndigə kadə̄ ni-ndi kə kumneé bátə́ kadə̄ m̄-tél m̄-reē m-ūgəń anī usiī i rí? Ḭ̄ ún gōḿ.

MATIYE 10:38

Deē ń kɔ́ɔ̄ un kāgə̄ kə́ dēsə́ yān aĺ ō, un gōḿ aĺ ō ní, kɔ́ɔ̄ asə tél deē yāḿ alé.

PILIPƏ 1:20

Tɔdɔ̄ yá̰á̰ ń m̄-ngóō ō, m-ə̄ndā kemḿ dɔ tə́ kə ngangāá ngá̰ý ō ní, i kadə̄ ndɔ̄ń tə́ anī yá̰á̰ kógə̄ḿ adə̄m̄ rɔ̄sɔl̄ alé. Ba nəkɔ́ ń jóó bátə́ ngɔlaā toó ní, m̄-sōl̄ yá̰á̰ kógə̄ḿ alé. I tītə̄ ń noō n kə ta kūl̄ ndiḿ kə kumḿ, aláa kə ta kūl̄ koyḿ, m-ā m-ɔ́jəń kə̄ ndágá kadə̄ Kərist i de kə́ bo ní.

JA̰A̰ 12:33

Ni-əda najə̄ ń noō i yā kɔjəń loo koy ń a rāā yā koy ní.

1 SAMUEL 12:20

Samuel tél ədadə́ na: Ī-lōōī ɓōĺ. Rɔ̄kum, i sḭḭ̄ n ī-raī yá̰á̰ kə́ majaĺ ngá̰ý ń noō ní. Banī ī-lōōī tūr̄ gidəsí ta Kɔ́ɔ̄ɓē tə́ gogə́ to̰. Ī-rāāī kəla ādə̄niī kə ngarā̰ kemsí gēé malang.

JA̰A̰ 18:32

I tītə̄ ń noō n najə̄ ń Jeju əda ɔjəń loo koy ń a rāā yā koy ní a udəń gírí ní.

JA̰A̰ 12:26

Ré deē kógə̄ḿ gḛy rāā kəla yāḿ anī, ādə̄ un gōḿ, ba loo ń mā i tū tə́ ní, nge rāā kəla yāḿ i tū tə́ ō. Ré deē kógə̄ḿ rāā kəla yāḿ anī, Bɔbə́ḿ a ɔsə gɔnən.

MATIYE 19:28

Jeju tél ədadə́ na: Ādə̄ m-ə́dásí najə̄ kə́ bo ngá̰ý, dan ń yá̰a̰ gə̄ malang a télən̄ kə́ kijə á Ngōn̄ Deē a ndi dɔ kōr kāgə̄ mbang yān kə́ to kɔsə gɔn tə́ anī, sḭḭ̄ gə̄ ń úniī gōḿ ní, a ī-ndiī dɔ kōr kāgə̄ mbang kə́ kutə gidə i jōó gə̄ tə́ yā gāngəń sarya dɔ gír ɓē kə́ kutə gidə i jōó gə̄ yā ngán Israel gə̄ tə́.

TƏ́DA 14:24

Ba ndíĺ kə́ rang i kem nge kəla yāḿ Kaleb tə́, adə̄ ni un gōḿ kanjə̄ kadə̄ kemən rāān ní, m-ā m-āw̄ seneé kadə̄ ugə̄ dɔ nang ń ni-aw̄ tū tə́ kété əndā ma̰ȳ ní. Dɔ nang ní m-ā m-ādə̄ ngánən gə̄ ō, ngán kaan gə̄ ō.

MATIYE 8:22

Banī Jeju tél ədan na: Un gōḿ, ba ə́yá̰ ngé gə̄ ń oyn̄ kɔ̄ɔ́ ní ādə̄ dubə̄n̄ nīń yādə́ gə̄.

JA̰A̰ 21:18

Ādə̄ m-ə́daī najə̄ kə́ bo ngá̰ý, dan ń ī-na̰y balsáá ɓáý ní, i īkɔ́ n ə́hɔ ɓōdīí kə ndāŕ ō, āw̄ loo ń kemií ndigə ní tə́ ō. Banī loo ń ā ī-tɔgə ɓə́ga anī, ā ī-sə́ra jīí, ba i de kə́ rang n a əhɔ ɓōdīí kə ndāŕ ō, a aw̄ seí loo ń kemií ndigə aĺ tə́ ní ō.