JA̰A̰ 21:17 - Bibəl ta Sar̄

¹⁷ Ədan nja kə́ nge ko̰ mətá na: Simo̰ ngōn̄ Ja̰a̰, ī-tárəm̄ a? Rɔ̄ Piyer nelə̄n alé, tām̄ dəje ń Jeju dəjen nja kə́ nge ko̰ mətá na ké tárən wa ní. Ba ni-tél ədan na: Kɔ́ɔ̄ɓē, ī-ger̄ yá̰a̰ malang, ī-ger̄ kadə̄ nelə̄m̄ seí. Anī Jeju ədan na: Ūl̄ batə̄ yāḿ gə̄.

Bible sar

¹⁷ Ədan nja kə́ nge ko̰ mətá na: Simo̰ ngōn̄ Ja̰a̰, ī-tárəm̄ a? Rɔ̄ Piyer nelə̄n alé, tām̄ dəje ń Jeju dəjen nja kə́ nge ko̰ mətá na ké tárən wa ní. Ba ni-tél ədan na: Kɔ́ɔ̄ɓē, ī-ger̄ yá̰a̰ malang, ī-ger̄ kadə̄ nelə̄m̄ seí. Anī Jeju ədan na: Ūl̄ batə̄ yāḿ gə̄.

JA̰A̰ 21:17 Referans Kwoze

JA̰A̰ 13:38

Jeju tél ədan na: Kə́ rɔ̄kum tə́ ə̄ndā dɔ rɔ̄í danaá kɔ̄ɔ́ ɓá yā kadə̄ óy tām̄ yāḿ tə́ a? Ādə̄ m-ə́daī najə̄ kə́ bo ngá̰ý, kété pá tá kadə̄ kə́ra kə̄njá nōō ní, ā ī-nējə̄ nja mətá ə́da na ī-gerə̄m̄ alé.

MARK 14:72

Kə̄ ta jī tə́ noō kə́ra kə̄njá nōō nja kə́ nge ko̰ jōó. Loo ń noō tə́ əga kem Piyer dɔ najə̄ ń Jeju ədan kété tə́ ní, ədan na: Ḭ̄ ā ī-nējə̄ najə̄, ā ə́da na ī-gerə̄m̄ aĺ nja mətá pá tá kə́ra kə̄njá a nōō nja jōó ní. Anī ni-teē ndágá láẃ ba nōō.

JA̰A̰ 16:30

Ngɔlaā jə-ger̄ kadə̄ ḭ̄ ī-ger̄ yá̰a̰ malang ō, ī-sāā kadə̄ deē dəjeī najə̄ aĺ ō. I tām̄ najə̄ ń noō tə́ n jə-taā kem kadə̄ ḭ̄ ḭ́ḭ i rɔ̄ Nə́ɓā tə́ ní.

JEJU TEĒ KUM JA̰A̰ 2:23

Tá ɓáý to̰ ní, m-ā m̄-rāā kadə̄ ngánən gə̄ a oyn̄. Loo ń noō tə́ Egəlijə gə̄ malang a gerə̄n̄ kadə̄ mā i nge ger̄ gír̄ kə́ kem deē tə́ ō, nge ger̄ yá̰a̰ gə̄ ń kem deē gḛy ní ō. Yá̰á̰ ń m-ā m̄-rāā sesí kógə̄ḿ kógə̄ḿ ní, i kə gō kəla rāāsí gēé.

EPEJƏ 4:30

Ndíĺ kə́ Táĺ ń rāā rɔ̄n i tə́ré yá̰á̰ kə́ Nə́ɓā əndā dɔsí tə́, ɔjəń kadə̄ sḭḭ̄ i yān gə̄ tām̄ yā ndɔ̄ ń a gāngəń dɔ de gə̄ tə́ ní, ī-lōōī rāān kadə̄ rɔ̄n nelə̄n alé.

KƏLA RĀĀ 15:8

Ba Nə́ɓā ń i nge ger̄ kem de gə̄ ní ɔjə kə̄ ndágá kadə̄ əhɔdə́ kə̄ rɔ̄n tə́ i kə ta kūl̄ kadə̄də́ Ndíĺ kə́ Táĺ tītə̄ ń ni-adə̄ńjí ní ō.

JA̰A̰ 15:10

Ré ī-rāāī yá̰a̰ gə̄ ń gō míndə́ḿ əda ní anī, ā ī-ndiī kem tár yāḿ tə́, tītə̄ ń m̄-rāań yá̰a̰ gə̄ ń gō míndə Bɔbə́ḿ əda á m̄-ndiń kem tár yān tə́ ní.

JA̰A̰ 14:15

Ré ī-tármī anī, ā ī-rāāī yá̰a̰ gə̄ ń gō míndə́ḿ əda ní,

PĀ GƏ̄ 17:3

Ḭ̄ ī-reē dan ndɔ̄ɔ́ ə̄ndā ma̰ȳḿ ō, i-nāām̄ ō, banī ə́nge najə̄ kə́ yā kəda dɔḿ tə́ alé. Mā m̄-tə́da najə̄ dɔ yá̰a̰ rāā deē tə́ alé.

2 PIYER 3:1

Kó tár gə̄, ń toō i makətūbə̄ kə́ nge ko̰ jōó n m̄-ndang m-ə́lań m-ādə̄sí toō. Ba kem makətūbə̄ gə̄ ngeé ń toō tə́ jōó mbak ní, m̄-sāā i ndól̄ gír̄ kə́ gō tə́ gə̄ ń ton̄ kemsí tə́ ní yā terə̄ń kemsí dɔ yá̰a̰ ndóō gə̄ tə́.

1 PIYER 1:6

Ká ré yá̰á̰ kə́ tōr̄ gə̄ a reēn̄ dɔsí tə́ yā nāāsí yā kadə̄ rɔ̄sí nel̄sí aĺ gə̄gē anī, ī-rāāī rɔ̄nel̄ najə̄n tə́.

2 KORḚNTƏ 1:12

Yá̰á̰ ń ɔjə kɔr ta rɔ̄ yājí ní, i najə̄ ń toō ń kemjí ɔjəjí ní. Kemjí ɔjəjí kadə̄ háĺjí ń jə-ndiń dan de kə́ dɔ nang tə́ gə̄ tə́, ba mandang ɓáa i sesí sḭḭ̄ḭ́ ní, i háĺ kə́ kanjə̄ gól̄ loo ō, kə́ unjə̄ njáý njáý ō, adə̄ i hál yā Nə́ɓā. I hál kum kedə̄ yā de gēé alé, banī i hál kem majə yā Nə́ɓā.

KƏLA RĀĀ 1:24

Gō tə́ anī nin̄ malang ndɔ̄ȳn̄ Nə́ɓā ədan̄ na: Kɔ́ɔ̄ɓē, ḭ̄ ń i nge ger̄ kem de gə̄ malang ní, ɔ́jə́jí deē ń ī-gə̄rān dan de kə́ jōó gə̄ ń toō tə́

JA̰A̰ 18:27

Piyer nējə̄ ɓáý to̰, anī kə̄ ta jī tə́ noō kə́ra kə̄njá nōō.

JA̰A̰ 18:4

Jeju ń ger̄ yá̰a̰ malang ń a reē kə̄ dɔn tə́ ní, ndɔ́tə̄ kə̄ ngɔr ba dəjedə́ na: Ā ī-sāāī i náā?

JA̰A̰ 12:8

Ngé ndoō gə̄ nin̄ i sesí kə ndɔ̄ gə̄, banī mā m-ā m̄-ndi sesí kə dɔ ndɔ̄ gə̄ alé.

MATIYE 25:40

Anī mban̄g a tél yā kədadə́ na: Ādə̄ m-ə́dásí najə̄ kə́ bo ngá̰ý, kə ndɔ̄ gə̄ malang ń ī-rāāī yá̰a̰ gə̄ ń noō kə deē kógə̄ḿ kə́ dan ngákó̰ó̰ḿ kə́ dūú ngá̰ý gə̄ ń toō tə́ ní, ī-rāāī i seḿ mā nəkɔ́.

NŌŌ RƆ̄ 3:33

Tɔdɔ̄ ni-əla rɔ̄sɔl̄ dɔ de gə̄ tə́ ō, rāādə́ yá̰á̰ kə́ tōr̄ ō, i kə gō kem ndigə yānneé alé.

JEREMI 17:10

I náā n asə ger̄ gír̄ gə̄ ní? Mā Kɔ́ɔ̄ɓē m-á̰a̰ gír̄ kə́ kem de gə̄ tə́ ō, m-ə̄ndā ma̰ȳ ngarā̰ kemdə́ ō, yā kadə̄ m-ə̄ndań nja deē kógə̄ḿ kógə̄ḿ kə gō hál rāān ō, yá̰a̰ gə̄ ń teēn̄ tū kəla rāān gə̄ tə́ ní ō.

1 YÁ̰A̰ GƏ̄ 29:17

Nə́ɓā yāḿ, m̄-ger̄ kadə̄ ḭ̄ i nge kəndā ma̰ȳ kem deē ō, nge ndigə háĺ kə́ súmūú ō. Adə̄ i kə kem kə́ súmūú n m̄-ndējīneé yá̰a̰ malang ń noō kə gō kem ndigə yāḿ ní. Ba ɓōólaā gír deē yāí gə̄ ń kánə̄n̄ naā á ran̄ laā ní, m-á̰á̰də́ loo rāā tə́ tītə̄ yāḿ kə rɔ̄nelēé ō.

1 MBAN̄G GƏ̄ 17:18

Anī dəyá̰ ní əda Eli na: Deē yā Nə́ɓā, i rí n i dɔ dáńjí tə́? Ī-reē ɓēé looḿ i kadə̄ əga kem Nə́ɓā dɔ yá̰á̰ kə́ gōtə́ aĺ kə́ m̄-rāā tə́ ba kadə̄ ngōnə̄ḿ kə oyń a?

JOJUE 22:22

Nə́ɓā kə́ ngan̄g, Kɔ́ɔ̄ɓē, Nə́ɓā kə́ bo, Kɔ́ɔ̄ɓē ger̄ kɔ̄ɔ́ ō, ngán Israel gə̄ a gerə̄n̄ ō. Ré jə-mbātə́ Kɔ́ɔ̄ɓē, aláa jə-rāā yá̰á̰ kógə̄ḿ kə́ gōtə́ alé kə Kɔ́ɔ̄ɓē anī, adə̄ Kɔ́ɔ̄ɓē ajəjí ɓōólaā alé.

JEJU TEĒ KUM JA̰A̰ 3:19

De gə̄ malang ń mā m̄-táŕdə́ ní, m̄-gɔŕyɔ̄də́ ō, m-ə́ndádə́ m-ɔ́jəńdə́ yá̰a̰ ō. I beé ní ī-təngā ba ī-tūr̄ hálí.

2 SAMUEL 7:20

Dan ń ī-gerə̄m̄ mā nge kəla yāí kɔ̄ɔ́ ɓá ní, najə̄ kə́ rang kə́ yā kadə̄ m-ə́daī dɔ tə́ i rí ɓáý to̰ Kɔ́ɔ̄ɓē Nə́ɓā?

JA̰A̰ 21:18

Ādə̄ m-ə́daī najə̄ kə́ bo ngá̰ý, dan ń ī-na̰y balsáá ɓáý ní, i īkɔ́ n ə́hɔ ɓōdīí kə ndāŕ ō, āw̄ loo ń kemií ndigə ní tə́ ō. Banī loo ń ā ī-tɔgə ɓə́ga anī, ā ī-sə́ra jīí, ba i de kə́ rang n a əhɔ ɓōdīí kə ndāŕ ō, a aw̄ seí loo ń kemií ndigə aĺ tə́ ní ō.

1 YÁ̰A̰ GƏ̄ 17:18

kɔsə ń ɔ́sə gɔnəḿ ní kə m-ə́da na i rí dɔ tə́? Tām̄ ḭ̄ ī-gerəm̄ mā nge kəla yāí.

JA̰A̰ 4:16

Jeju ədan na kə aw̄ kə ɓāŕ ngaan ba kə reē.

KƏLA RĀĀ 11:10

Yá̰á̰ ní rāā yá̰a̰ beé nja mətá ba gō tə́ anī ɔrən̄ yá̰á̰ ní malang aw̄n̄neé dɔ rā̰ tə́ kɔ̄ɔ́.