JA̰A̰ 21:15 - Bibəl ta Sar̄

¹⁵ Dan ń nin̄-əsan̄ yá̰a̰ oy anī, Jeju dəje Simo̰ Piyer na: Simo̰ ngōn̄ Ja̰a̰, ī-tárəm̄ tɔȳ madí gə̄ ń toō a? Anī Simo̰ Piyer tél ədan na: A̰á̰ā̰ Kɔ́ɔ̄ɓē, ī-ger̄ kadə̄ nelə̄m̄ seí. Anī Jeju ədan na: Ūl̄ ngán batə̄ yāḿ gə̄.

Bible sar

¹⁵ Dan ń nin̄-əsan̄ yá̰a̰ oy anī, Jeju dəje Simo̰ Piyer na: Simo̰ ngōn̄ Ja̰a̰, ī-tárəm̄ tɔȳ madí gə̄ ń toō a? Anī Simo̰ Piyer tél ədan na: A̰á̰ā̰ Kɔ́ɔ̄ɓē, ī-ger̄ kadə̄ nelə̄m̄ seí. Anī Jeju ədan na: Ūl̄ ngán batə̄ yāḿ gə̄.

JA̰A̰ 21:15 Referans Kwoze

Makətūbə̄ ń Pol ndang adə̄ Rom gə̄ ní 15:1

Jḭḭ̄ ń jə-raī ngan̄g dɔ taā kem yājí tə́ ní, majə kadə̄ jə-rāāī kə ngé gə̄ ń tɔ́gə́də́ gətóo ní, bā jə-lōōī sāā rāā yá̰á̰ kə́ kadə̄ nel̄jí jḭḭ̄ kɔ́ gə̄.

1 JA̰A̰ 4:19

Ba jḭḭ̄ jə-táriī Nə́ɓā i tɔdɔ̄ ni-táŕjí kété.

IJAI 40:11

Ni ngɔ̄m̄ ɓūtə̄ yá̰a̰ kul̄ yān gə̄ tītə̄ nge ngɔ̄m̄ yá̰a̰ kul̄ gə̄ beé. Ni wél̄ jīn anī ɓūtə̄ yá̰a̰ kul̄ yān gə̄ kánə̄n̄ naā. Ni ətō ngán batə̄ gə̄ kem jīn tə́. Kó̰o̰ batə̄ gə̄ ń ngáńdə́ a ilən̄ mba ní, ni-njə̄rā sedə́ jəke jəke ɔrəńdə́ ta róbə.

1 PIYER 1:8

Jeju ngeé ń toō ní kumsí a̰a̰n alé, banī sḭḭ̄ ī-tárniī. Ngɔlaā ní kumsí a̰a̰n alé ɓá tā, banī sḭḭ̄ ī-taāī kemən. I tām̄ najə̄ ń toō tə́ n rɔ̄sí nel̄sí ngá̰ý ní, ba rɔ̄nel̄ ní i ngá̰ý al̄ naā, adə̄ i kə́ dum̄ kəda.

EPEJƏ 6:24

De gə̄ malang ń tárən̄ Kɔ́ɔ̄ɓē yājí Jeju Kərist kə táŕ kə́ a to ngándáńg ní, ādə̄ Nə́ɓā rāā kem majə sedə́.

KƏLA RĀĀ 20:28

Ī-ndiī dɔ rɔ̄sí tə́ majə ī-ngɔ̄mīneé rɔ̄sí sḭḭ̄ kɔ́ gə̄ ō, ī-ngɔ̄mīneé yá̰a̰ kul̄ gə̄ malang ń Ndíĺ kə́ Táĺ adə̄sí kadə̄ ī-ngɔ̄mī ní ō. Á̰a̰ī gō ngé kán̄ naā gə̄ yā Kɔ́ɔ̄ɓē ń nəkɔ́ mangdə́ kə mósəneé ní.

1 JA̰A̰ 5:1

Náā nəkɔ́ ń taā kem kadə̄ Jeju i Kərist ní, i Nə́ɓā n ojən. Ba náā nəkɔ́ ń táŕ Bɔbə̄ Ngōn̄ ní, tár Ngōnən ō.

JA̰A̰ 16:27

tɔdɔ̄ Bɔbə́ḿ nəkɔ́ táŕsí. Ni táŕsí tɔdɔ̄ sḭḭ̄ ī-tármī ō, ī-taāī kem kadə̄ m-ḭ́ḭ i rɔ̄ Nə́ɓā tə́ n m̄-reē ō ní.

JEREMI 3:15

M-ā m-ādə̄sí ngé kulsí gə̄ kə́ kə gō kemḿ. Nin̄ a ulə̄n̄sí kə gōó ō, a əndān̄ kumdə́ gíŕsí tə́ majə ngá̰ý ō.

EJEKIEL 34:23

I nge ngɔ̄m̄ yá̰a̰ kul̄ gə̄ kə́ kal kógə̄ḿ beē ngóy n m-ā m-ə̄ndān dɔ yá̰a̰ kul̄ yāḿ gə̄ tə́ kadə̄ a̰a̰ gōdə́ ní. Ndɔ̄ ń tə́ ni i mban̄g kə́ tītə̄ nge kəla yāḿ Dabid. Ni a a̰a̰ gō dā̰ gə̄ kə́ dan yá̰a̰ kul̄ gə̄ tə́ ō, ni i nge kul̄də́ ō.

1 PIYER 2:25

Tām̄ kété ní ī-toī i tītə̄ batə̄ kə́ ta tḭ̄ḭ̄ gə̄ beé. Ba ngɔlaā ní, sḭḭ̄ ī-tūrī rɔ̄sí kə̄ rɔ̄ nge kul̄sí tə́ ō, nge ngɔ̄m̄sí tə́ ō.

HEBƏRO 4:13

Yá̰a̰ malang ń Nə́ɓā rāā ní, nge kógə̄ḿ kə́ kumən a̰ā̰ aĺ gətóo. Gíŕ yá̰a̰ malang to i kə̄ dɔ ndágá ta kumən tə́. Kumən aw̄ kə tɔ́gə dɔ yá̰a̰ malang tə́ ō. I ni n j-a j-ɔjiī-n gíŕ yá̰a̰ rāājí gə̄ malang ní ō.

Najə̄ kə́ Majə yā Jeju ń Luk ndang ní 22:32

Ba m̄-ndɔ̄ȳ tām̄ yāí ḭ̄ tə́ kadə̄ ə̄sō loo taā kem yāí tə́ alé. Ba ḭ̄, dan ń ī-tél ta róbə yāí tə́ ní a, ī-mbūsə̄ ngákó̰ó̰í gə̄.

HEBƏRO 13:20

I kə ta kūl̄ mósə yā madə̄ naā kə́ a to ngándáńg n Kɔ́ɔ̄ɓē yājí Jeju Kərist i nge kul̄ kə́ bo yā batə̄ gə̄ ní. Nə́ɓā kə́ nge kadə̄ kem sɔl̄ lɔm ndólə̄n dan de kə́ koy gə̄ tə́ kɔ̄ɔ́.

Makətūbə̄ ń Pol ndang adə̄ Rom gə̄ ní 14:1

Deē ń i kə́ mbūsə̄ tū taā kem yān tə́ aĺ ɓáý ní, ə́hɔin̄ kə̄ rɔ̄sí tə́ kanjə̄ tə́da najə̄ dɔ gír̄ yān gə̄ tə́.

MATIYE 16:17

Loo ń noō tə́ Jeju tél ədan na: Ḭ̄ i kə rɔ̄nelēé Simo̰ ngōn̄ Jonas, tɔdɔ̄ i Bɔbə́ḿ kə́ ndi dɔ rā̰ tə́ n teē kumií dɔ yá̰á̰ ń toō tə́ ní, ba i deē ndul alé.

JEREMI 23:4

M-ā m-ādə̄də́ ngé kul̄ yá̰a̰ gə̄ kadə̄ a aw̄n̄ sedə́ ko̰ó̰. A ɓōlə́n̄ to̰ aĺ ō, yá̰a̰ a a̰ȳ ndíĺdə́ to̰ aĺ ō, ta kógə̄ḿ a tḭ̄ḭ̄ aĺ ō. Najə̄ ń Kɔ́ɔ̄ɓē əda ní n noó.

JEJU TEĒ KUM JA̰A̰ 2:23

Tá ɓáý to̰ ní, m-ā m̄-rāā kadə̄ ngánən gə̄ a oyn̄. Loo ń noō tə́ Egəlijə gə̄ malang a gerə̄n̄ kadə̄ mā i nge ger̄ gír̄ kə́ kem deē tə́ ō, nge ger̄ yá̰a̰ gə̄ ń kem deē gḛy ní ō. Yá̰á̰ ń m-ā m̄-rāā sesí kógə̄ḿ kógə̄ḿ ní, i kə gō kəla rāāsí gēé.

1 PIYER 2:2

Majə kadə̄ ī-toī tītə̄ ngáń kásə̄ gə̄ beé, ādī ɓō mba kə́ unjə̄ njáý njáý ń i Najə̄ yā Nə́ɓā ní rāāsí. Yā kadə̄ ré ā̰yī anī ī-tɔgiī tām̄ yā kajə tə́.

GALATƏ 5:6

Tām̄ yā ngé gə̄ ń ɓoon̄ naā kə Kərist Jeju ní, kəja mɔtə aáā, kəja mɔtə aĺ aáā, i yá̰á̰ kə́ karī. Yá̰á̰ kə́ bo i taā kem kə́ rāā yá̰a̰ kə ta kūl̄ tárá.

JA̰A̰ 21:12

Jeju ədadə́ na: Ī-reē ə́saī yá̰a̰. Dan ngé ndóō yá̰a̰ gə̄ tə́ ní, deē kógə̄ḿ kə́ nāā dəjen na ḭ̄ i náā wa ní gətóo, tɔdɔ̄ nin̄-gerə̄n̄ kadə̄ i Kɔ́ɔ̄ɓē.

JA̰A̰ 21:7

Anī nge ndóō yá̰á̰ ń Jeju tárən ngá̰ý ní əda Piyer na: I Kɔ́ɔ̄ɓē. Dan ń Simo̰ oō na i Kɔ́ɔ̄ɓē anī, əla kūbə̄ rɔ̄n tə́, tām̄ rɔ̄n i karī, ba ḭḭ bal əsō kum bā bo tə́.

MATIYE 18:10

Ngáń kə́ dūú gə̄ ń toō ní ī-lōōī kídə̄ nge kógə̄ḿ dandə́ tə́. Tɔdɔ̄ ādə̄ m-ə́dásí, dɔ rā̰ tə́ ní deē yādə́ kə́ dɔ rā̰ tə́ gə̄ a ran̄ ta kum Bɔbə́ḿ kə́ ndi dɔ rā̰ tə́ tə́ i ngándáńg.

EPEJƏ 4:14

Loo ń noō tə́ jḭḭ̄ i ngán gə̄ kə́ bəngál man̄ səlādə́ kə̄ yóō kə̄ laā to̰ aĺ ō, nél yá̰a̰ ndóō kə́ tayā tayā gə̄ dáȳ sedə́ aĺ ō, jḭḭ̄ i ngán gə̄ kə́ ngé gól̄ de gə̄ kə ngam yādə́ kadə̄ ndúmə̄n̄ ní gólə̄n̄jí aĺ ō.

1 KORḚNTƏ 8:11

Adə̄ nge tɔ́gə gətóó ń i ngōkó̰ó̰í kə́ Kərist oy tām̄ yān tə́ ní, a udə kɔ̄ɔ́ sɔɔ̄ń ger̄ yá̰a̰ yāí.

JA̰A̰ 8:42

Jeju tél ədadə́ na: Ré bɔbə̄sí i Nə́ɓā anī, ā ī-tármī, tām̄ m̄-teē i rɔ̄ Nə́ɓā tə́ n m̄-reē toó. m̄-reē i kə dɔḿ alé, banī i ni n əlam̄ ní.

MARK 14:29

Piyer ədan: Ré nin̄ malang a əsōn̄ gə̄gē anī, mā m-ā m-ə̄sō alé.

Najə̄ kə́ Majə yā Jeju ń Luk ndang ní 12:32

Sḭḭ̄ ń ī-toī i tītə̄ ɓūtə̄ yá̰a̰ kul̄ gə̄ kə́ sḛ́ý beē ní, ī-lōōī ɓōĺ. Tɔdɔ̄ nel̄ kem Bɔbə̄sí kadə̄ adə̄sí Ɓē ko̰o̰ yān.

TA KƏLA 33:13

Ba Jakob tél ədan na: Ī-ger̄ kadə̄ ngán gə̄ ngangə̄n̄ aĺ ō, kadə̄ mā i kə kó̰o̰ batə̄ gēé ō, kə kó̰o̰ man̄g gēé ō, kə́ ngáńdə́ gə̄ a ilən̄ i mba ɓáý. Ré deē njə̄rā sedə́ ngá̰ý ndɔ̄ kógə̄ḿ anī a oyn̄ malang.

MATIYE 10:37

Deē ń tár bɔbə̄n aláa kó̰o̰n tɔȳm̄ ní, kɔ́ɔ̄ asə tél deē yāḿ alé. Deē ń tár ngōnən kə́ dəngam aláa kə́ dəyá̰ tɔȳm̄ ní, kɔ́ɔ̄ asə tél deē yāḿ alé.

2 MBAN̄G 20:3

Kɔ́ɔ̄ɓē ādə̄ əga kemií na m̄-njə̄rā kə̄ ta kumií tə́ i kə háĺ kə́ gōtə́ ō, kə kem kə́ súmūú ō, m̄-rāā yá̰á̰ kə́ nelī ō. Gō tə́ anī Ejekias nōō ngá̰ý kə man̄ kumneé.

2 SAMUEL 7:20

Dan ń ī-gerə̄m̄ mā nge kəla yāí kɔ̄ɔ́ ɓá ní, najə̄ kə́ rang kə́ yā kadə̄ m-ə́daī dɔ tə́ i rí ɓáý to̰ Kɔ́ɔ̄ɓē Nə́ɓā?

JA̰A̰ 13:37

Piyer ədan na: Kɔ́ɔ̄ɓē, i tām̄ rí tə́ á ə́da na m-ásə kun gōí ngɔlaā aĺ ní? M-ə̄ndā dɔ rɔ̄ḿ danaá kɔ̄ɔ́ ɓá yā kadə̄ m-óy tām̄ yāí tə́.

JA̰A̰ 1:42

Ni-aw̄ kə Simo̰ rɔ̄ Jeju tə́. Jeju a̰a̰ Simo̰ anī əda na: Ḭ̄ i Simo̰ ngōn̄ Ja̰a̰, ba a ɓāríīn̄ na i Kepas, kumən na i Mbal̄.

MATIYE 26:35

Piyer ədan na: Ká ré i yā kadə̄ m-óyń seí gə̄gē anī, m-ā m̄-nējə̄ m-ə́da na m-gerī aĺ aĺ bátə́! Ba gotə ngé ndóō yá̰a̰ yā Jeju gə̄ malang ədan̄ tītə̄ ń noō ō.

MATIYE 26:33

Piyer un najə̄ ɔr̄, əda Jeju na: Ká ré gotə madə́ḿ gə̄ malang əya̰īn̄ kɔ̄ɔ́ gə̄gē anī, mā m-a m-ə́ya̰ī kɔ̄ɔ́ aĺ bátə́.

KƏLA RĀĀ 20:29

m̄-ger̄ majə kadə̄ ré m-āw̄ kɔ̄ɔ́ anī soó kə́ majaĺ ngá̰ý gə̄ a reēn̄ dansí tə́ ō, nin̄ a əya̰n̄ yá̰a̰ kul̄ gə̄ ní aĺ ō.

EJEKIEL 46:24

Dəngam ní ədam̄ na: I loo ndīr̄ yá̰a̰ gə̄ ń de kə́ ngé rāā kəla kem kújə yā Kɔ́ɔ̄ɓē tə́ gə̄ a ndīrə̄n̄ dā̰ kə́ tun̄ yā gír de gə̄ tū tə́ ní n noó.