JA̰A̰ 20:9 - Bibəl ta Sar̄

⁹ Tɔdɔ̄ najə̄ ń ndangən̄ na i kadə̄ Jeju a ḭḭ kɔ̄ɔ́ dan de kə́ koy gə̄ tə́ ní, ngé ndóō yá̰a̰ gə̄ gerə̄n̄ kum aĺ ɓáý.

Bible sar

⁹ Tɔdɔ̄ najə̄ ń ndangən̄ na i kadə̄ Jeju a ḭḭ kɔ̄ɔ́ dan de kə́ koy gə̄ tə́ ní, ngé ndóō yá̰a̰ gə̄ gerə̄n̄ kum aĺ ɓáý.

JA̰A̰ 20:9 Referans Kwoze

PĀ GƏ̄ 16:10

Tɔdɔ̄ ā ə́ya̰m̄ ɓádá alé, ā ə́ya̰ deē yāí kadə̄ a̰a̰ bāá yon kə kumneé alé.

IJAI 25:8

Ni a nujə yo kɔ̄ɔ́ i kə́ njɔ́ḿ gə̄ tə́. Kɔ́ɔ̄ɓē Nə́ɓā a ɔl̄ man̄ nōō kə́ kum de gə̄ tə́ malang kɔ̄ɔ́. Ni a un rɔ̄sɔl̄ kɔ̄ɔ́ dɔ gír deē yān gə̄ tə́ kem ɓēé malang. Yá̰á̰ ń Kɔ́ɔ̄ɓē ənī ndūn yā rāā ní n noó.

IJAI 26:19

Gír deē yāḿ gə̄, de kə́ koy yāsí gə̄ a télən̄ yā ndi kə kumdə́ gogə́, a ḭḭn̄ yā ra dɔɔ́ gogə́. Ngé to kum bumbə́rú tə́ gə̄ a ndólə̄n̄ ō, a əgan̄ kɔŕ rɔ̄nel̄ ō. Kɔ́ɔ̄ɓē a əla kə tal kógə̄ḿ kə́ i loo kə́ unjə̄ kow yā kadī, ba kə ta kūl̄ tal ngeé ń toō ní, dɔ nang a rāā kadə̄ de kə́ koy gə̄ tél ndin̄ kə kumdə́ gogə́.

1 KORḚNTƏ 15:4

Dubə̄nən̄ ba Nə́ɓā ndólə̄n kə ndɔ̄ kə́ nge ko̰ mətá tītə̄ ń ndangən̄neé kété kem makətūbə̄ yā Nə́ɓā tə́ ní.

Najə̄ kə́ Majə yā Jeju ń Luk ndang ní 24:26

I gáŕ kadə̄ Kərist a a̰a̰ tápə̄ ń toō yā kudəń kem kɔsə gɔn yān tə́ ní ī-gerī aĺ a?

MATIYE 22:29

Jeju tél ədadə́ na: Gír̄ yāsí i gír̄ kə́ gōtə́ alé. Tɔdɔ̄ ī-gerī makətūbə̄ yā Nə́ɓā aĺ ō, ī-gerī tɔ́gə yā Nə́ɓā aĺ ō.

OJEE 13:14

Ba mā Kɔ́ɔ̄ɓē ní, i kadə̄ kə m-ɔ̄rən kɔ̄ɔ́ gíŕ tɔ́gə yā loo kə́ ɓádá tə́ a? I kadə̄ kə m-ájən kɔ̄ɔ́ ta yo tə́ a? Yo, yá̰a̰ rɔ̄ɔ̄ yāí i rá? Yo, tɔ́gí ń kadə̄ ī-tɔ̄ləń deē ní i rá? Kumḿ a o̰o̰m̄ tām̄ yā Epəraim tə́ alé.

JA̰A̰ 2:22

Adə̄ dan ń Jeju oy ba ndól̄ ní, əga kem ngé ndóō yá̰a̰ yān gə̄ dɔ najə̄ ń ni ədadə́ tə́ ní. Adə̄ nin̄-taān̄ kem najə̄ ń ndangən̄ kem makətūbūú ní ō, najə̄ ń Jeju əda ní ō.

Najə̄ kə́ Majə yā Jeju ń Luk ndang ní 9:45

Banī nin̄-gerə̄n̄ kum alé. Kum i kə́ mundə̄ kadə̄ dum̄ dɔdə́ ō, tá nin̄-ɓōlə́n̄ dəje Jeju najə̄ dɔ tə́ kɔ̄ɔ́ ō.

PĀ GƏ̄ 22:15

Tɔ́gə́ḿ teē rɔ̄ḿ tə́ tītə̄ man̄ kə́ a də̄yā̰ beé. Kə̄ngāḿ gə̄ ḭḭn̄ ta naā tə́ malang. Wurəḿ yḛḛ̄ kə̄ kemḿ tə́ tītə̄ tībə̄ tejə bəya̰ beé.

KƏLA RĀĀ 2:24

Banī Nə́ɓā ndólə̄n adə̄ ndi kə kumneé, ni-ɔrə̄n kɔ̄ɔ́ ta rɔ̄ tōr̄ gə̄ yā yo tə́, tɔdɔ̄ yo asə ko̰o̰ ɓē dɔn tə́ alé.

KƏLA RĀĀ 17:3

Ni ɔjədə́ kum najə̄ kə́ ndang kem makətūbə̄ yā Nə́ɓā tə́ ō, ɔjədə́ kadə̄ kə gō ń ndangən̄neé ní, i gáŕ kadə̄ Kərist ní a̰a̰ tápə̄ ō, oy ba ndól̄ dan de kə́ koy gə̄ tə́ ō. Ni ədadə́ na: Jeju ń m-ɔ́jə́sí najə̄ yān toó, i ni n i Kərist ní.