JA̰A̰ 20:22 - Bibəl ta Sar̄

²² Gō najə̄ ń toō tə́ anī, ni əla tóo dɔdə́ tə́ ba ədadə́ na: Ī-taāī Ndíĺ kə́ Táĺ.

Bible sar

²² Gō najə̄ ń toō tə́ anī, ni əla tóo dɔdə́ tə́ ba ədadə́ na: Ī-taāī *Ndíĺ kə́ Táĺ.

JA̰A̰ 20:22 Referans Kwoze

Makətūbə̄ yā Job 33:4

I Ndíĺ Nə́ɓā n əndām̄ ní ō, i koō Nə́ɓā kə́ tɔ́gən i ngá̰ý n i nge rāā kadə̄ m̄-ndi kə kumḿ ní ō.

TA KƏLA 2:7

Kɔ́ɔ̄ɓē Nə́ɓā ɔy nán̄g əɓāń deē. Ni-əla koō ndi kə kumuú kónən tə́ adə̄ tél de kə́ kə kumuú.

KƏLA RĀĀ 19:2

Anī dəjedə́ na: Loo ń ī-taāī kem ní ə́ngeī Ndíĺ kə́ Táĺ a? Nin̄-tél ədanən̄ na: Kadə̄ Ndíĺ kə́ Táĺ na ndi noó gə̄gē ní jḭḭ j-oō najə̄n sḛ́ý aĺ bátə́!

KƏLA RĀĀ 8:15

Nin̄-ugə̄n̄ anī, ndɔ̄ȳn̄ Nə́ɓā tām̄ yādə́ tə́ kadə̄ əngen̄ Ndíĺ kə́ Táĺ.

KƏLA RĀĀ 2:38

Piyer ədadə́ na: Ī-tūrī háĺsí malang, ba ādə̄ rāān̄sí batém kógə̄ḿ kógə̄ḿ kə rī Jeju Kərist, kadə̄ Nə́ɓā mā̰yń rɔ̄n dɔ yá̰á̰ kə́ majaĺ gə̄ ń ī-rāāī tə́ ní. Ɓá anī ā ə́ngeī Ndíĺ kə́ Táĺ ń Nə́ɓā adə̄ de gə̄ karī ní.

EJEKIEL 37:9

Anī Kɔ́ɔ̄ɓē ədam̄ na: Ḭ̄ ń i ngōn̄ deē ní, ɔ̄r̄ najə̄ kə koō kə́ nge rāā kadə̄ deē ndi kə kumneé ādə̄m̄, ə́dan na: Koō kə́ nge rāā kadə̄ deē ndi kə kumneé, najə̄ ń Kɔ́ɔ̄ɓē Nə́ɓā əda ní n toó: Ḭ́ḭ dām̄ mbɔ́r ɓē kə́ ko̰ó̰ tə́ ō, geleé tə́ ō, gír ɓē tə́ ō, no ɓē tə́ ō, ī-reē ə́la dɔ de kə́ koy gə̄ ń toō tə́ ādə̄ ndin̄ kə kumdə́.

PĀ GƏ̄ 33:6

Kɔ́ɔ̄ɓē rāā dɔ rā̰ i kə najə̄ kə́ tan tə́ ō, rāā tə́yō̰ gə̄ malang i kə koō kə́ tan tə́ ō.

KƏLA RĀĀ 2:4

Ndíĺ kə́ Táĺ rosə kemdə́ malang, adə̄ ɔrə̄n̄ ta kə́ tayā tayā gə̄, kə gō ń Ndíĺ kə́ Táĺ adə̄ńdə́ kadə̄ ɔrə̄n̄ ní.

JA̰A̰ 7:39

Ni-əda najə̄ ń toō i tām̄ yā Ndíĺ kə́ Táĺ ń ngé taā kem gə̄ a əngen̄ ɓáý tə́ ní. Dan ngeé ń noō tə́ ní adə̄n̄ Ndíl reē aĺ ɓáý, i tɔdɔ̄ ɔsə gɔn Jeju aĺ ɓáý.

GALATƏ 3:2

I najə̄ kə́ kal kógə̄ḿ beē ń toō n m̄-gḛy kadə̄ ī-tūr̄mī tə́ ní. Najə̄ ní n toō: Əngeī Ndíĺ Nə́ɓā i tām̄ rāā kə́ ī-rāāī yá̰á̰ kə́ ndū najə̄ əda kadə̄ yā rāā tə́, aké i tām̄ koō kə́ ōōī Najə̄ kə́ Majə ba ī-taāī kem tə́ ḿ?

KƏLA RĀĀ 4:8

Loo ń noō tə́ Piyer ń Ndíĺ kə́ Táĺ rosə kemən ní ədadə́ na:

KƏLA RĀĀ 10:47

De gə̄ ń toō ń əngen̄ Ndíĺ kə́ Táĺ tītə̄jí ní, deē asə kɔgə̄ kadə̄ rāān̄də́ batém a?

JA̰A̰ 15:26

Loo ń m-ā m-ūgə̄ rɔ̄ Bɔbə̄ Ngōn̄ tə́ anī, m-ā m-ə́la kə nge ndi sesí ń i Ndíĺ najə̄ kə́ rɔ̄kum ní yā kadə̄sí. Loo ń a ugə̄ anī, a əda najə̄ kə́ kum tə́ yāḿ.

JA̰A̰ 14:16

ba mā m-ā m̄-dəje Bɔbə́ḿ kadə̄ adə̄sí nge rāā sesí kə́ rang ń i Ndíl najə̄ kə́ rɔ̄kum ní, kadə̄ ndi sesí ngándáńg.

JA̰A̰ 16:7

Banī m-ə́dásí najə̄ kə́ rɔ̄kum: I só tə́ tām̄ yāsí tə́ kadə̄ m-āw̄. Tɔdɔ̄ ré m-āw̄ aĺ anī, nge dḭḭ̄sí a reē rɔ̄sí tə́ alé. Ba ré m-āw̄ anī, m-ā m-ə́la seneé yā kadə̄sí.

JA̰A̰ 20:21

Jeju ədadə́ ɓáý to̰ na: Ādī kemsí sɔl̄ lɔm. Tītə̄ ń Bɔbə́ḿ əlam̄ ní, mā m-ə́lásí ō.

JA̰A̰ 20:23

Ngé gə̄ ń ā ī-māyī rɔ̄sí dɔ majaĺ yādə́ gə̄ tə́ ní, a əngen̄ mā̰ȳ rɔ̄. Ngé gə̄ ń ā ī-mbātíī mā̰ȳ rɔ̄sí dɔdə́ tə́ ní, a əngen̄ mā̰ȳ rɔ̄ alé.