JA̰A̰ 20:19 - Bibəl ta Sar̄

¹⁹ Loo sɔlí kə ndɔ̄ nəkɔ́ ń noō ń i ndɔ̄ kə́ ta kəga dɔ yā ndɔ̄ kə́ sīrí gə̄ ní, ngé ndóō yá̰a̰ gə̄ ndin̄ kújú. Nin̄-rákə̄n̄ ta kújə dɔdə́ tə́ adə̄ ngan̄g míŕ míŕ, tɔdɔ̄ nin̄-ɓōlə́n̄ i Jipə gə̄. Anī Jeju reē ra dandə́ tə́, ba ədadə́ na: Ādī kemsí sɔl̄ lɔm.

Bible sar

¹⁹ Loo sɔlí kə ndɔ̄ nəkɔ́ ń noō ń i *ndɔ̄ kə́ ta kəga dɔ yā ndɔ̄ kə́ sīrí gə̄ ní, ngé ndóō yá̰a̰ gə̄ ndin̄ kújú. Nin̄-rákə̄n̄ ta kújə dɔdə́ tə́ adə̄ ngan̄g míŕ míŕ, tɔdɔ̄ nin̄-ɓōlə́n̄ i *Jipə gə̄. Anī Jeju reē ra dandə́ tə́, ba ədadə́ na: Ādī kemsí sɔl̄ lɔm.

JA̰A̰ 20:19 Referans Kwoze

JA̰A̰ 20:26

Ndɔ̄ sɔ́sɔ́ gō tə́ anī, ngé ndóō yá̰a̰ gə̄ ndin̄ kújú ɓáý to̰, banī Toma i sedə́. Nin̄ utə̄n̄ ta kújə kɔ̄ɔ́, banī Jeju reē ra dandə́ tə́ ədadə́ na: Ādī kemsí sɔl̄ lɔm.

JA̰A̰ 14:27

M-ə́ya̰ kem sɔl̄ lɔm m-ādə̄sí, m-ādə̄sí kem sɔl̄ lɔm yāḿ. M-ādə̄sí i tītə̄ ń de kə́ dɔ nang tə́ gə̄ a adə̄nəń ní alé. Ī-lōōī sōl̄ ō, ɓōĺ ō.

JA̰A̰ 20:21

Jeju ədadə́ ɓáý to̰ na: Ādī kemsí sɔl̄ lɔm. Tītə̄ ń Bɔbə́ḿ əlam̄ ní, mā m-ə́lásí ō.

EPEJƏ 2:14

Tɔdɔ̄ i Kərist nəkɔ́ n i nge reē kə kem sɔlɔ́ kadə̄jí ní. Ni-rāā adə̄ Jipə gə̄gē, de gə̄ ń nin̄ i Jipə aĺ gə̄ ní gə̄gē télən̄ gír de kə́ kógə̄ḿ beē gə̄. Tām̄ dan ń ni-oy ní, ndogə̄ mbal̄ ń kēgə̄də́ naā tə́ ō, rāā adə̄ nin̄ i madə̄ ba̰ā̰ naā gə̄ ō ní, tetə nang tə́ kɔ̄ɔ́.

2 TESALONIK 3:16

Ādə̄ Kɔ́ɔ̄ɓē kə́ nge kem sɔl̄ lɔm sɔl̄ kemsí ngándáńg ō, kə ta róbə́ kə́ tayā tayā gə̄ ō. Ādə̄ Kɔ́ɔ̄ɓē i naā tə́ sesí malang.

JA̰A̰ 7:13

Banī deē kógə̄ḿ kə́ əda najə̄ yān kə̄ ndágá wáńg beē gətóo, tɔdɔ̄ nin̄-ɓōlə́n̄ i Jipə gə̄.

MARK 16:14

Gō tə́ anī, ni-teē hɔy kə̄ rɔ̄ ngé kə́ kutə gidə i kógə̄ḿ gə̄ tə́, dan ń ndi a əsan̄ yá̰á̰ ní. Ni ibədə́ tām̄ taā kem najə̄ aĺ yādə́ tə́ ō, tām̄ kem ngan̄g yādə́ tə́ ō.

JEJU TEĒ KUM JA̰A̰ 1:4

I mā Ja̰a̰ n m̄-ndang makətūbə̄ ń toō m-ə́lań m-ādə̄ Egəlijə kə́ sīrí gə̄ kə́ gō nang kə́ Aji tə́ ní. Ādə̄ nge ń ndi ngɔlaā ō, ndi kété ō, a reē ɓáý ní ō, ādə̄ ndíĺ kə́ sīrí gə̄ ń ran̄ ta kōr̄ kāgə̄ mbang yān tə́ ní ō, rajən̄sí ō, sɔlə̄n̄ kemsí ō. Ādə̄ Jeju Kərist ń i nge kəda najə̄ kə́ kum tə́ kə́ ni i nge ra dɔ ndūn tə́ ō, ni i ngōn̄ hágə́ kə́ ndól̄ kété no de kə́ koy gə̄ tə́ ō, ni i de kə́ bo kə́ dɔ mban̄g gə̄ kə́ dɔ nang tə́ ō ní, Kərist ń táŕjí ō, gān̄g dɔjí kə mósəneé najə̄ majaĺ yājí tə́ ō,

1 KORḚNTƏ 15:5

Ni-teē hɔy kə̄ rɔ̄ Piyer tə́ ō, gō tə́ anī teē hɔy kə̄ rɔ̄ ngámbang kəla gə̄ kə́ kutə gidə i jōó tə́ ō.

JA̰A̰ 16:33

M-ə́dásí yá̰a̰ gə̄ ń toō i yā kadə̄ loo ɓoosí naā seḿ tə́ ní, sḭḭ̄ i kə kem sɔl̄ lɔmɔɔ́. Wur kɔl əsō dɔsí tə́ dɔ nang tə́ laā ba əhɔī rɔ̄sí tɔgə, tɔdɔ̄ m̄-tetə de kə́ dɔ nang tə́ gə̄ rɔ̄ɔ̄ kɔ̄ɔ́.

HEBƏRO 7:2

Anī Abəraham ɔr̄ dɔ yá̰á̰ kə́ nge ko̰ kutə dɔ yá̰a̰ gə̄ malang adə̄n. Rī ń na i Melkisedek ní, kumən kə́ ta kəga dɔ na i mban̄g yā yá̰á̰ kə́ gōtə́. Tá ni i mban̄g kə́ Salem ɓáý to̰, kumən na i mban̄g yā kem sɔl̄ lɔm ō.

PILIPƏ 1:2

Ādə̄ bɔbə̄jí Nə́ɓā nin̄ kə Kɔ́ɔ̄ɓē Jeju Kərist rāān̄ kem majə sesí ō, sɔlə̄n̄ kemsí ō.

EPEJƏ 6:23

Ādə̄ Bɔbə̄jí Nə́ɓā ō, Kɔ́ɔ̄ɓē yājí Jeju Kərist ō, adə̄n̄ ngákó̰ó̰jí gə̄ kem sɔl̄ lɔm ō, tár ō, taā kem ō.

Makətūbə̄ ń Pol ndang adə̄ Rom gə̄ ní 15:33

Ādə̄ Nə́ɓā kə́ nge kadə̄ de gə̄ kem sɔl̄ lɔm ndi naā tə́ sesí malang. Adə̄ i tītə̄ ń noō.

JA̰A̰ 16:22

I beé n ngɔlaā sḭḭ̄ rɔ̄sí nel̄sí aĺ ō ní. Banī m-ā m̄-tél yā ka̰a̰sí gogə́, loo ń noō tə́ rɔ̄sí a nel̄sí ō, de kə́ yā kɔr̄ rɔ̄nel̄ ní kemsí tə́ kɔ̄ɔ́ a gətóo ō.

MATIYE 18:20

Tɔdɔ̄ loo ń de gə̄ jōó aláa mətá kánə̄n̄ naā tū tə́ kə rīḿ ní, mā i dandə́ tə́ noō.

MATIYE 10:13

Ré de kə́ kem kújə́ ní tə́ gə̄ asən̄ kənge kem sɔl̄ lɔm anī, kem sɔl̄ lɔm yāsí ní to tām̄ yādə́ tə́. Ba ré nin̄-asən̄ aĺ anī ādə̄ kem sɔl̄ lɔm yāsí tél to tām̄ yāsí tə́ gogə́.

PĀ GƏ̄ 122:8

m̄-ndə̄ngā kadə̄ lápə́ya to looí, najə̄ yā ngákó̰ó̰ḿ gə̄ tə́ ō, madə̄ taḿ gə̄ tə́ ō.

JA̰A̰ 21:1

Gō yá̰a̰ gə̄ ń noō tə́ anī, Jeju teē hɔy ɓáý to̰ kə̄ rɔ̄ ngé ndóō yá̰a̰ gə̄ tə́, kadə bā bo kə́ Tiberiadə tə́. Ni teē hɔy kə̄ rɔ̄də́ tə́ i beé.

JA̰A̰ 21:14

Jeju əla gír teē hɔy kə̄ rɔ̄ ngé ndóō yá̰a̰ gə̄ tə́ i ndɔ̄ ń ni ndóləń dan de kə́ koy gə̄ tə́ ní, nge ń toō i nja kə́ nge ko̰ mətá.

KƏLA RĀĀ 1:3

I nin̄ ngeé ń toō ɓáý to̰ n ni ɔjədə́ rɔ̄n ní ō, rāā yá̰a̰ gə̄ ngá̰ý gō koy ń ni-oy tə́ ní, ɔjəńdə́ kadə̄ na n-ndi kə kumneé ní ō, ni-rāā adə̄ a̰a̰nən̄ ō, ɔr̄ najə̄ kə́ dɔ Ɓē ko̰o̰ yā Nə́ɓā tə́ sedə́ ō dɔ ndɔ̄ kutə sɔ́.

3 JA̰A̰ 1:14

Tɔdɔ̄ m-ə̄ndā kemḿ dɔ tə́ kadə̄ m-ā m-á̰a̰ī ngɔr, yā kadə̄ j-ɔr̄ najə̄ kə naá kə tají.