JA̰A̰ 20:1 - Bibəl ta Sar̄

¹ Kə ndɔ̄ dəmásə ta gír loo tə́, dan ń loo ndul ɓáý anī, Mari kə́ Magədala aw̄ ta bəlo yo tə́. Ni-a̰a̰ kadə̄ mbal̄ i kə́ kun kɔ̄ɔ́ ta bəlo tə́.

Bible sar

¹ Kə ndɔ̄ *dəmásə ta gír loo tə́, dan ń loo ndul ɓáý anī, Mari kə́ Magədala aw̄ ta bəlo yo tə́. Ni-a̰a̰ kadə̄ mbal̄ i kə́ kun kɔ̄ɔ́ ta bəlo tə́.

JA̰A̰ 20:1 Referans Kwoze

MARK 16:9

Jeju ń oy ní ndól̄ dəloí ɓatə kə ndɔ̄ dəmásə́ ní. Deē ń a̰a̰n kété ní i Mari kə́ Magədala, ń Jeju tə̄ɓā ndíĺ kə́ majaĺ gə̄ sīrí kemən tə́ ní.

MATIYE 27:60

ba aw̄ ənī kem bāá ɓádə́ kə́ kijə ń adə̄ tə́gān̄ kem mbal̄ tə́ tām̄ yān nəkɔ́ Jəjep tə́ ní. Gō tə́ anī, ndūbə̄rū mbal̄ kógə̄ḿ kə́ bo əndā ta bāá ɓádə́ ní tə́ utə̄ń ta, ba ɔtə aw̄.

MARK 15:46

Jəjep mang kūbə̄ yo, ba ɔr̄ nīń Jeju kɔ̄ɔ́ tū kāgə̄ kə́ dēsə́ tə́, ɓírə̄n kə kūbūú, ba ənīn bəlo yo kə́ rāān̄ kem mbal̄ tə́. Gō tə́ anī ndūbə̄rū mbal̄ kógə̄ḿ, əndā ta bəlo yo ní tə́.

JA̰A̰ 20:26

Ndɔ̄ sɔ́sɔ́ gō tə́ anī, ngé ndóō yá̰a̰ gə̄ ndin̄ kújú ɓáý to̰, banī Toma i sedə́. Nin̄ utə̄n̄ ta kújə kɔ̄ɔ́, banī Jeju reē ra dandə́ tə́ ədadə́ na: Ādī kemsí sɔl̄ lɔm.

JA̰A̰ 19:25

Kó̰o̰ Jeju ra kadə kāgə̄ kə́ dēsə́ tə́, nin̄ kə ngōkó̰o̰n kə́ dəyá̰ ō, Mari kə́ nə̄yá̰ Kəlopas ō, Mari kə́ Magədala ō.

JEJU TEĒ KUM JA̰A̰ 1:10

Ndíĺ Nə́ɓā reē dɔḿ tə́ ndɔ̄ yā Kɔ́ɔ̄ɓē tə́, əhɔm̄ adə̄ m̄-ger̄ gōn, anī m-ōō ndū deē kógə̄ḿ ɓār̄ ngá̰ý tītə̄ kōō bərúnjə beé gōḿ tə́,

MATIYE 27:64

I beé, ní ādə̄ ndūí kadə̄ ngɔ̄mə̄n̄ dɔ ɓádən bátə́ ndɔ̄ mətá, na sōgə́ ngé ndóō yá̰a̰ yān gə̄ reē ɓogən̄ nīnə́n, ba ədan̄ de gə̄ na ni na oy ba na ndól̄ dan de kə́ koy gə̄ tə́. Loo ń noō tə́ gól̄ kə́ gō gogə́ ń noō a majaĺ ngá̰ý tɔȳ kə́ kété ɓáý.

1 KORḚNTƏ 16:2

Kə dɔ ndɔ̄ dəmásə gə̄ malang ní, sḭḭ̄ kógə̄ḿ kógə̄ḿ malang, ā ɔ̄rī nar kadə̄ asə kə gō kənge ń ə́ngeī ní yā ngɔ̄m̄ ɓēé, yā kadə̄ ré m-ūgə̄ tá ī-kánī nar alé.

KƏLA RĀĀ 20:7

Jə-kán̄ naā kə ndɔ̄ dəmásá ta loo tíbə́ tə́ yā tetə mápa anī, Pol ɔr̄ najə̄ kə ngé kán̄ naā gēé. Dan ń teē bírí anī ni a ɔr̄ i dɔɔ́ yā kaw̄ ní, ni-ɔr̄ najə̄ sedə́ bátə́ dan loo tə́.

MATIYE 27:56

Mari kə́ Magədala ō, Mari kó̰o̰ Jakə nin̄ kə Jəjep ō, kó̰ó̰ ngán Jebede gə̄ ō, nin̄ i dan dəyá̰ gə̄ ní tə́.

MATIYE 27:66

Nin̄-aw̄ ɔrən̄ mbō̰ ta bāá bəlo ní tə́, ba əndān̄ ngé ngɔ̄m̄ loo gə̄ ta tə́ kadə̄ ngɔ̄mə̄n̄.

MATIYE 28:1

Gō ndɔ̄ sabat tə́, adə̄ i ndɔ̄ dəmásə́ tə́ anī, Mari kə́ Magədala ō, Mari kə́ rang ō, aw̄n̄ ka̰a̰ dɔ ɓádə́ tə́ kə gír looí ɓatə.

MATIYE 28:2

Anī dɔ nang yéȳ ngá̰ý. De kə́ dɔ rā̰ tə́ kógə̄ḿ yā Kɔ́ɔ̄ɓē ḭḭ dɔ rā̰ tə́ jə̄ngā. Ni-reē ndūbə̄rū mbal̄ ń utə̄n̄neé ta bəlo ɓádə́ ní kɔ̄ɔ́, ba ndi dɔ tə́.

JA̰A̰ 11:38

Anī rɔ̄ Jeju nelə̄n aĺ ɓáý to̰, banī ni-aw̄ ta bəlo yo tə́. I bəlo mbal̄ kə́ kutə̄ ta kə mbalá.

JA̰A̰ 11:41

Loo ń noō tə́ unən̄ mbal̄ kɔ̄ɔ́. Anī Jeju ənī kumən kə̄ dɔɔ́, ba əda na: Bɔbə́ḿ, m̄-ndadə̄ m-ādī, tɔdɔ̄ ḭ̄ ōō ndūḿ.