JA̰A̰ 2:2 - Bibəl ta Sar̄

² Mērə̄n̄ Jeju kə ngé ndóō yá̰a̰ yān gēé kaw̄ loo kaw̄ kə dəyá̰ kújú ní tə́ ō.

Bible sar

² Mērə̄n̄ Jeju kə ngé ndóō yá̰a̰ yān gēé kaw̄ loo kaw̄ kə dəyá̰ kújú ní tə́ ō.

JA̰A̰ 2:2 Referans Kwoze

KOLOSƏ 3:17

Ba yá̰a̰ malang ń ā ə́daī ō, kəla malang ń ā ī-rāāī ō ní, ə́daī ō, ī-rāāī ō, kə rī Kɔ́ɔ̄ɓē Jeju. Ī-ndadī Bɔbə̄jí Nə́ɓā kə ta kūl̄neé.

1 KORḚNTƏ 7:39

Ndū najə̄ do̰ō̰ dəyá̰ naā tə́ kə ngaaneé i kə dɔ ndɔ̄ gə̄ malang ń ngaan ndiń kə kumneé ní. Ba ré ngaan oy kɔ̄ɔ́ anī ni i kɔ́ɔ̄ rɔ̄n, adə̄ ni a taā dəngam kə́ kemən ndigə, ba kadə̄ dəngam ní i deē yā Kərist tá.

HEBƏRO 13:4

Ādə̄ de gə̄ malang ɓōlə́n̄ gidə taā naā ō, kadə̄ majaĺ tákə̄ tə̄rá taā naā alé ō, tɔdɔ̄ Nə́ɓā a gān̄g sarya dɔ ngé gə̄ ń sāān̄ naā loo kaya tə́ ní ō, dɔ ngé rāȳ gə̄ tə́ ō.

1 KORḚNTƏ 10:31

I beé ní, ká ré ə́saīneé i yá̰a̰, aké ā̰yīneé i yá̰a̰, aké ī-rāāīneé i rí gə̄gē anī, ī-rāāī yá̰a̰ malang yā kadə̄ ɔ́siīneé gɔn Nə́ɓā.

MATIYE 25:45

Anī mban̄g a tél yā kədadə́ na: Ādə̄ m-ə́dásí najə̄ kə́ bo ngá̰ý, kə ndɔ̄ gə̄ malang ń ī-rāāī yá̰a̰ gə̄ ń noō kə deē kógə̄ḿ kə́ dan ngákó̰ó̰ḿ kə́ dūú ngá̰ý gə̄ ń toō tə́ aĺ ní, ī-mbātíī i rāā seḿ mā nəkɔ́.

MATIYE 25:40

Anī mban̄g a tél yā kədadə́ na: Ādə̄ m-ə́dásí najə̄ kə́ bo ngá̰ý, kə ndɔ̄ gə̄ malang ń ī-rāāī yá̰a̰ gə̄ ń noō kə deē kógə̄ḿ kə́ dan ngákó̰ó̰ḿ kə́ dūú ngá̰ý gə̄ ń toō tə́ ní, ī-rāāī i seḿ mā nəkɔ́.

MATIYE 12:19

Ni a kɔ̄l̄ kə deé aĺ ō, a əga kɔŕ aĺ ō. Deē a oō ndūn ndágə loo gə̄ tə́ aĺ ō.

JEJU TEĒ KUM JA̰A̰ 3:20

Á̰a̰ā̰, m̄-ra ta róbə́ kújə́ tə́ ba m̄-gógə̄ ta kújə. Ré deē kógə̄ḿ oō ndūḿ ba teē ta kújə́ anī, m-ā m-údə gōn tə́ ō, m-ā m-ə́sá yá̰a̰ seneé ō, ni a əsa yá̰a̰ seḿ ō.

JA̰A̰ 2:3

Kó̰o̰ Jeju a̰ā̰ kadə̄ kasə nduú gətóo kɔ̄ɔ́ anī əda Jeju na: Kasə nduú təgā kɔ̄ɔ́.

JA̰A̰ 2:12

Gō tə́ anī ni-aw̄ Kapernaum nin̄ kə kó̰o̰n ō, ngákó̰o̰n gə̄ ō, ngé ndóō yá̰a̰ yān gə̄ ō, ba ndin̄ noó ndɔ̄ ngá̰ý alé.

JA̰A̰ 2:17

Anī əga kem ngé ndóō yá̰a̰ yān gə̄ kadə̄ ndangən̄ kem makətūbūú na: O̰o̰m̄ tɔdɔ̄ kújə yāí ngá̰ý adə̄ m̄-ndebə ra rak.

JA̰A̰ 2:22

Adə̄ dan ń Jeju oy ba ndól̄ ní, əga kem ngé ndóō yá̰a̰ yān gə̄ dɔ najə̄ ń ni ədadə́ tə́ ní. Adə̄ nin̄-taān̄ kem najə̄ ń ndangən̄ kem makətūbūú ní ō, najə̄ ń Jeju əda ní ō.

JA̰A̰ 3:22

Gō yá̰a̰ gə̄ ń toō tə́ anī, Jeju aw̄ kə ngé ndóō yá̰a̰ yān gēé gō nang kə́ Jude tə́. Ni-ndi sedə́ noō ō, rāā de gə̄ batém ō.

JA̰A̰ 4:2

Ba i Jeju nəkɔ́ n rāādə́ batém ní alé, banī i ngé ndóō yá̰a̰ yān gə̄ n rāān̄də́ batém ní.

JA̰A̰ 4:8

Tɔdɔ̄ ngé ndóō yá̰a̰ yān gə̄ aw̄n̄ kem ɓēé mang yá̰a̰ kəsaá kɔ̄ɔ́.

JA̰A̰ 4:33

Anī ngé ndóō yá̰a̰ yān gə̄ dəjen̄ naā dɔ dáńdə́ tə́ na ké deē kógə̄ḿ reē kə yá̰a̰ kəsaá adə̄n wa.

JA̰A̰ 6:8

Nge ndóō yá̰a̰ yān kógə̄ḿ, adə̄ i Andəre kə́ ngōkó̰o̰ Simo̰ Piyer, ədan na:

JA̰A̰ 6:12

Dan ń nin̄-ndānə̄n̄ anī, ni-əda ngé ndóō yá̰a̰ yān gə̄ na kə kánə̄n̄ gotə mápa ń na̰y ní ba kadə̄ ta kógə̄ḿ kə tḭ̄ḭ̄ alé.

JA̰A̰ 6:16

Dan ń loo tíbə anī, ngé ndóō yá̰a̰ yān gə̄ aw̄n̄ ta bā bo tə́.

JA̰A̰ 6:60

Loo ń ngé ndóō yá̰a̰ yān gə̄ oōn̄ najə̄ ń toō ní anī, ngá̰ý gə̄ dandə́ tə́ ədan̄ na najə̄ ń toō na ngan̄g ngá̰ý, ní ké i náā n asə koō wa.

JA̰A̰ 6:66

Dan ngeé ń noō tə́ ní, ngé ndóō yá̰a̰ yān gə̄ ngá̰ý ɔrə̄n̄ rɔ̄də́ rɔ̄n tə́ kɔ̄ɔ́, ba njə̄rān̄ seneé to̰ alé.

JA̰A̰ 6:67

Anī Jeju əda ngé kə́ kutə gidə i jōó gə̄ na: Ba sḭḭ̄, ī-gḛyiī kaw̄ aĺ a?

JA̰A̰ 6:70

Jeju tél ədadə́ na: Sḭḭ̄ kə́ kutə gidə i jōó gə̄ ní, i mā n m̄-gə̄rāsí ní aĺ a? Ba deē kógə̄ḿ dansí tə́ i nge kəla yā diabəl.

JA̰A̰ 6:71

Ni ɔr̄ i najə̄ yā Judas ngōn̄ Simo̰ Iskariot ń i nge kə́ kógə̄ḿ kə́ dan ngé kə́ kutə gidə i jōó gə̄ tə́ ní, tɔdɔ̄ i ni n a əlan jī de gə̄ tə́ ní.

JA̰A̰ 7:3

Ngákó̰o̰n gə̄ ədanən̄ na: Ī-ndɔ́tə̄ laā kɔ̄ɔ́, āw̄ dɔ nang kə́ Jude tə́, adə̄ ngé ndóō yá̰a̰ yāí gə̄ a̰ā̰n̄ kəla gə̄ ń ī-rāā ní ō.

KƏLA RĀĀ 11:26

Dan ń əngen anī reē seneé A̰tiyos. Nin̄ jōó mbak rāān̄ ɓāl̄ kógə̄ḿ kə taá dan de gə̄ kə́ kem Egəlijə kə́ A̰tiyos tə́ ō, ndóōn̄ kósə de kə́ ngá̰ý gə̄ yá̰a̰ ō. De gə̄ əlan̄ gír ɓāŕ ngé ndóō yá̰a̰ yā Jeju gə̄ na i Kəretiyḛ gə̄ i kem ɓē kə́ A̰tiyos tə́.

KƏLA RĀĀ 11:29

Adə̄ ngé ndóō yá̰a̰ gə̄ ndigən kadə̄ nin̄ kógə̄ḿ kógə̄ḿ ní kə n-adə̄n̄ yá̰á̰ ń tɔ́gə́də́ asə ní, yā kəlań kadə̄ ngákó̰ó̰də́ gə̄ ń ndin̄ gō nang kə́ Jude tə́ ní yā rāań sedə́.