JA̰A̰ 2:19 - Bibəl ta Sar̄

¹⁹ Anī Jeju tél ədadə́ na: Ī-tɔ̄ɔ̄ī kújə yā Kɔ́ɔ̄ɓē ń toō kɔ̄ɔ́, ba á̰a̰ī ké ndɔ̄ mətá anī m-ún dɔɔ́ gogə́ aĺ wa?

Bible sar

¹⁹ Anī Jeju tél ədadə́ na: Ī-tɔ̄ɔ̄ī *kújə yā Kɔ́ɔ̄ɓē ń toō kɔ̄ɔ́, ba á̰a̰ī ké ndɔ̄ mətá anī m-ún dɔɔ́ gogə́ aĺ wa?

JA̰A̰ 2:19 Referans Kwoze

MARK 14:58

Jḭḭ j-oō kadə̄ əda na kújə yā Kɔ́ɔ̄ɓē ń toō ń de gə̄ rāān̄ kə jīdə́ ní, n-a n-tɔ̄ɔ̄ kɔ̄ɔ́ ba kem ndɔ̄ mətá anī, n-a n-rāā kə́ rang kə́ deē rāā kə jīneé alé.

MARK 15:29

Ngé mān̄ róbə gə̄ ɔrə̄n̄ najə̄ kə́ to ngonjə̄ gə̄ dɔn tə́ ō, tə́gān̄ dɔdə́ nek nek ō, ba ədan̄ na: Ḭ̄ ń ī-sāā tɔ̄ɔ̄ kújə́ yā Kɔ́ɔ̄ɓē kɔ̄ɔ́ ba tél rāā rang kem ndɔ̄ mətá ní,

MATIYE 27:40

Ḭ̄ ń ī-sāā tɔ̄ɔ̄ kújə́ yā Kɔ́ɔ̄ɓē kɔ̄ɔ́ ba tél rāā rang kem ndɔ̄ mətá ní, īkɔ́ ájə rɔ̄í. Ré ḭ̄ i Ngōn̄ Nə́ɓā anī, ī-risə kɔ̄ɔ́ dɔ kāgə̄ kə́ dēsə́ tə́!

MATIYE 12:40

Adə̄ tītə̄ ń Jonas toń kem kānjə̄ kə́ bo tə́ kadə mətá ō, ndɔ̄ mətá ō ní, Ngōn̄ Deē a to gíŕ nángāá kadə mətá ō, ndɔ̄ mətá ō tītə̄ ń noō.

Makətūbə̄ ń Pol ndang adə̄ Rom gə̄ ní 8:11

Ré Ndíl nge ń ndól̄ Jeju dan de kə́ koy gə̄ tə́ ní ndi kemsí tə́ anī, nge ń ndól̄ Jeju Kərist dan de kə́ koy gə̄ tə́ ní, a rāā kadə̄ rɔ̄sí kə́ a oy ń toō a ndi kə kumuú kə ta kūl̄ Ndílən ń ndi kemsí tə́ ní.

KƏLA RĀĀ 3:15

Ngār kə́ nge rāā kadə̄ deē ndi kə kumneé ń sḭḭ̄ ī-tɔ̄l̄niī ní, Nə́ɓā ndólə̄n dan de kə́ koy gə̄ tə́, adə̄ jḭḭ i de kə́ kum tə́ gə̄.

KƏLA RĀĀ 2:32

Jeju ngeé ń toō oy ba Nə́ɓā ndólə̄n, adə̄ jḭḭ̄ malang i de kə́ kum tə́ gə̄.

KƏLA RĀĀ 2:24

Banī Nə́ɓā ndólə̄n adə̄ ndi kə kumneé, ni-ɔrə̄n kɔ̄ɔ́ ta rɔ̄ tōr̄ gə̄ yā yo tə́, tɔdɔ̄ yo asə ko̰o̰ ɓē dɔn tə́ alé.

1 PIYER 3:18

Tām̄ Kərist nəkɔ́ oy ɓá najə̄ yā yá̰á̰ kə́ majaĺ gə̄ ń de gə̄ rāān̄ tə́ ní. Ni a oy yo kə́ rang to̰ alé. Ni ń i de kə́ súmūú ní, oy tām̄ yā de kə́ súmūú aĺ gə̄ tə́, yā kaw̄ń sesí rɔ̄ Nə́ɓā tə́. Tɔ̄l̄nən̄, banī Ndíl Nə́ɓā rāā adə̄ ni-tél ndi kə kumneé gogə́.

Makətūbə̄ ń Pol ndang adə̄ Rom gə̄ ní 6:4

Batéḿ ń rāān̄jí ní, rāān̄jí i batém koy ń j-oyiī naā tə́ kə Kərist adə̄ dubə̄n̄jí naā tə́ seneé ní. I yā kadə̄ tītə̄ ń kɔsə gɔn yā Bɔbə̄ Ngōn̄ ndóləń Kərist dan de kə́ koy gə̄ tə́ ní, jḭḭ̄ jə-ndiī kə kumjí ndi kə́ kijə ō.

JA̰A̰ 11:25

Jeju ədan na: Mā i nge ndól̄ de kə́ koy gə̄ ō, nge rāā kadə̄ deē ndi kə kumneé ō. Deē ń taā kemḿ ní, ká ré oy gə̄gē anī, a ndi kə kumneé.

MARK 8:31

Tá əla gíŕ ndóōdə́ yá̰a̰ əda na: I gáŕ kadə̄ Ngōn̄ Deē a a̰a̰ tápə̄ ngá̰ý ō, kum kɔɔ̄ gə̄, kə ngol gə̄ kə́ dɔ ngé tun̄ yá̰a̰ gə̄ tə́, kə ngé ndóō de gə̄ ndū najə̄ gə̄, na a mbātə́nən̄ ō, de gə̄ a tɔ̄l̄nən̄ ō, ba ndɔ̄ mətá gō tə́ anī a ndól̄.

KOLOSƏ 2:12

Tɔdɔ̄ dan ń rāān̄sí batém ní, dubə̄n̄sí naā tə́ kə Kərist ō, ī-ndólī naā tə́ seneé ō, tām̄ ī-taāī kem tɔ́gə yā Nə́ɓā ń ndólə̄n dan de kə́ koy gə̄ tə́ ní.

1 KORḚNTƏ 15:12

Adə̄ j-ɔjə de gə̄ najə̄ j-əda na Kərist ń oy ní na ndól̄. Anī i ba̰ý á ngé kə́rēý gə̄ dáńsí tə́ ədan̄ ɓáý to̰ na de kə́ koy gə̄ na a ndólə̄n̄ aĺ ní?

Makətūbə̄ ń Pol ndang adə̄ Rom gə̄ ní 4:24

banī i tām̄ yājí jḭḭ̄ tə́ ō. I tām̄ yājí jḭḭ̄ ń a tə́dan̄jí dan de kə́ súmūú gə̄ tə́ najə̄ taā kem yājí tə́ ní. Tɔdɔ̄ jḭḭ̄ jə-taāī kem nge ń ndól̄ Kɔ́ɔ̄ɓē yājí Jeju dan de kə́ koy gə̄ tə́ ní.

KƏLA RĀĀ 3:26

Adə̄ Nə́ɓā teē kə nge kəla yānneé i tām̄ yāsí sḭḭ̄ tə́ ta kəga dɔ. Ni əlan i yā kadə̄ rāā majə sesí ō, tūr̄sí kógə̄ḿ kógə̄ḿ kɔ̄ɔ́ ta yá̰a̰ rāāsí kə́ majaĺ gə̄ tə́ ō.

JA̰A̰ 5:19

Anī Jeju tél ədadə́ na: Ādə̄ m-ə́dásí najə̄ kə́ bo ngá̰ý, Ngōn̄ asə rāā yá̰á̰ kógə̄ḿ kə deē dɔneé alé. Ni a rāā i yá̰á̰ ń a̰a̰ Bɔbə̄n loo rāā tə́ ní ngóy. Tām̄ yá̰a̰ malang ń Bɔbə̄ Ngōn̄ rāā ní, Ngōn̄ a rāā i mbée ō.

MATIYE 27:63

Kɔ́ɔ̄ɓē gə̄, əga kemjí dɔ najə̄ kógə̄ḿ kə́ nge gól̄ de gə̄ ngeé ń toō əda tə́, dan ń ni-ndiń kə kumneé ɓáý tə́ ní. Ni-əda na: Ndɔ̄ mətá gō tə́ ɓáa n-a n-ndól̄.

MATIYE 16:21

Jeju əla gír kəda ngé ndóō yá̰a̰ yān gə̄ kum mbang nəkɔ́ ń noō tə́ wáńg na i gáŕ kadə̄ n-aw̄ Jerusalem kadə̄ n-a̰a̰ tápə̄ ngá̰ý jī kum kɔɔ̄ gə̄ tə́ ō, ngol gə̄ kə́ dɔ ngé tun̄ yá̰a̰ gə̄ tə́ ō, ngé ndóō de gə̄ ndū najə̄ gə̄ tə́ ō. Na a tɔ̄l̄nən̄, ba ndɔ̄ kə́ nge ko̰ mətá anī n-a n-ndól̄.

KƏLA RĀĀ 6:14

Najə̄ ń ni-əda ní j-oō majə ngá̰ý, ni-əda na Jeju kə́ Najaret ń noō na a nujə loo ń toō kɔ̄ɔ́ ō, na a tūr̄ gír jī bēl̄ loo rāā yá̰a̰ gə̄ ń Moijə ɔjəjí ní kɔ̄ɔ́ ō.