JA̰A̰ 2:12 - Bibəl ta Sar̄

¹² Gō tə́ anī ni-aw̄ Kapernaum nin̄ kə kó̰o̰n ō, ngákó̰o̰n gə̄ ō, ngé ndóō yá̰a̰ yān gə̄ ō, ba ndin̄ noó ndɔ̄ ngá̰ý alé.

Bible sar

¹² Gō tə́ anī ni-aw̄ Kapernaum nin̄ kə kó̰o̰n ō, ngákó̰o̰n gə̄ ō, ngé ndóō yá̰a̰ yān gə̄ ō, ba ndin̄ noó ndɔ̄ ngá̰ý alé.

JA̰A̰ 2:12 Referans Kwoze

MATIYE 12:46

Jeju ra a ɔr̄ najə̄ kə kósə de gēé kə̄ tan tə́ ɓáý anī, kó̰o̰n nin̄ kə ngákó̰o̰n gēé reē ran̄ ndágá, sāān̄ kɔr̄ najə̄ seneé.

GALATƏ 1:19

M-á̰a̰ ngōmbang kəla kə́ rang kógə̄ḿ alé, ba i Jakə kə́ ngōkó̰ó̰ Kɔ́ɔ̄ɓē ngóy.

1 KORḚNTƏ 9:5

Ni-adə̄jí ta róbə kun dəyá̰ kə́ taā kem Kərist kadə̄ aw̄ sejí tītə̄ ń ngámbang kəla kə́rēý gə̄ ō, ngákó̰ó̰ Kɔ́ɔ̄ɓē gə̄ ō, Kepas ō rāān̄neé ní aĺ a?

MARK 6:3

Ké ni i nge kəja kāgə̄ aĺ wa, ké ni i ngōn̄ Mari ō, ni i ngōkó̰o̰ Jakə ō, Jose ō, Jud ō, Simo̰ ō aĺ wa, tá ké i ngákó̰o̰n kə́ dəyá̰ gə̄ n ndin̄ danjí tə́ laā toó aĺ wa. Jeju i tītə̄ bə̄dē kə́ əgadə́ beé.

MATIYE 4:13

Ni ndɔ́tə̄ Najaret, ba aw̄ ndi Kapernaum ń i ɓē kə́ dɔ gɔ́sə bā bo kə́ Galile tə́ ní, gō nang kə́ Jabulo̰ tə́ ō Nepətali tə́ ō.

JA̰A̰ 6:17

Nin̄-alə̄n̄ kem toó, yā teē bā kə̄ dām̄ kə́ Kapernaum tə́. Loo ndul kɔ̄ɔ́, banī Jeju ugə̄ rɔ̄də́ tə́ aĺ ɓáý.

MATIYE 11:23

Ba ḭ̄, ɓē kə́ Kapernaum, ɔ́jəń na ā ḭ́ḭ kum kə̄ dɔɔ́ yā kugə̄ no rā̰ tə́ a? A télən̄ seí kə̄ nang tə́ bátə́ yā kəlaī ɓádá. Tɔdɔ̄ yá̰á̰ kə yáā gə̄ ń rāān̄ yá̰a̰ looí ní ré rāān̄ yá̰a̰ i Sodom anī, ɓōólaā ń toō gə̄gē ní ɓē kə́ Sodom a ndi noó ɓáý.

JA̰A̰ 2:2

Mērə̄n̄ Jeju kə ngé ndóō yá̰a̰ yān gēé kaw̄ loo kaw̄ kə dəyá̰ kújú ní tə́ ō.

JA̰A̰ 4:46

Loo ń noō tə́ Jeju tél dɔ tə́ aw̄ Kana gō, nang kə́ Galile tə́. I kem ɓē kə́ Kana tə́ n Jeju rāā man̄ adə̄ tél kasə nduú ní. Pajā yā mban̄g kógə̄ḿ i noó, mo̰y rāā ngōnən Kapernaum.